ថ្មីៗនេះ លោក Kuo Ming-Chi បានបញ្ចេញនូវរបាយការណ៍មួយ ដែលមានការបង្ហាញថា ក្រុមហ៊ុន Apple នឹងប្រកាសចេញនូវស្មាតហ្វូនដែលមានអេក្រង់បងត់បានដំបូងបំផុតនៅក្នុងឆ្នាំ 2023 ខាងមុខនេះ។ នៅក្នុងរបាយការណ៍នេះ ក៏និងមានការបញ្ជាក់ពីព័ត៌មានរបស់ iPad Mini ជំនាន់ថ្មីផងដែរ។ តាមការបញ្ជាក់របស់លោក Kuo Ming-Chi បានបន្តថា អ្នកផ្គត់ផ្គង់អេក្រង់ Touch បានបង្ហាញថា ខ្លួននឹងមានប្រើប្រាស់នៅលើថេប្លេត iPad mini ស៊េរីថ្មី ឬ iPad mini 6 ផងដែរ។ បន្ថែមពីនេះទៀតនោះ ថេប្លេតនេះ អាចនឹងបង្ហាញខ្លយននៅក្នុងឆមាសទី 2 ឆ្នាំ 2021 នេះថែមទៀតផង។
គួរបញ្ជាក់ផងដែរថា នៅក្នុងខែមេសានេះ ក្រុមហ៊ុន Apple បានបង្ហាញនូវ iPad Pro ចុងក្រោយបំផុតរបស់ខ្លួនផងដែរ ដែលថេប្លេតនេះ គឺប្រើប្រាស់នូវអេក្រង់ mini-LED ថ្មី ហើយនិងបន្ទះឈីប M1 processor រួមជាមួយនិងបណ្តាញ 5G Network។ បន្ថែមពីនេះ ក៏មានរបាយការណ៍ជាច្រើនដែលនិយាយថា ថេប្លេត iPad mini ថ្មីនេះនឹងបង្ហាញខ្លួននៅក្នុងនិទាឃរដូវនេះ។ អ្វីដែលពិសេស ក៏មានការបង្ហាញអំពីការអាប់ដេតទៅលើ iPad mini ជំនាន់ថ្មីដែលមានអេក្រង់ទំហំ 9 អ៊ីង ផងដែរ។ ផលិតផលនេះគឺមានរូបរាងដូចទៅនឹង version របស់ iPad Air ផងដែរ។ វាក៏នឹងប្រើប្រាស់នូវ Touch ID នៅលើប៊ូតុងនៅចំហៀងផងដែរ។
.jpg)
តាមការបញ្ជាក់របស់លោក Macotakara ដែលជា Blogger របស់ជប៉ុន បាននិយាយថា iPad mini ថ្មីនេះនឹងមានអេក្រង់ទំហំ 8.4 អ៊ីង ដែលនឹងមានការពង្រឹងពីការប្រើប្រាស់នូវអេក្រង់ 7.9-inch ដូចទៅនឹងជំនាន់មុននេះថែមទៀតផង។ សម្រាប់ iPad mini បច្ចុប្បន្នរបស់ក្រុមហ៊ុន Apple គឺមានតម្លៃចាប់ផ្តើមពី 2921 yuan ($451)សម្រាប់ទំហំ 64GB ។ ថេប្លេត iPad ដែលមានតម្លៃថោកបំផុតគឺមានតម្លៃ 2499 yuan ($386)សម្រាប់ទំហំ 32GB។ របាយការណ៍ខាងលើក៏បានបញ្ជាក់ដែរថា iPad ដែលមានតម្លៃថោក ក៏នឹងបង្ហាញខ្លួននៅក្នុងឆ្នាំ 2021 នេះផងដែរ។
នៅក្នុងការបែកធ្លាយថ្មីនេះ ការឌីស្សាញសរុបរបស់ iPad នេះ នឹងមានរូបរាងស្រដៀងគ្នាទៅនឹង iPad Air3។ ការបែកធ្លាយនេះ មានការបង្ហាញថា ថេប្លេត iPad mini 6 នេះ មិនមានការឌីស្សាញជាមួយនឹង notch នោះទេ។ សម្រាប់ Frame នេះ គឺមានទំហំតូចជាង iPad 5 mini។ ថេប្លេត iPad mini 6 នេះ គឺមានវិមាត្រ 203.2mmx 134.8mmx6.25mm ហើយវានឹងមានទំហំ 9.14 inches ។ កាលពីពេលមុននេះ លោក Kuo Ming-Chi បាននិយាយថា ក្រុមហ៊ុន Apple គឺធ្វើការអភិវឌ្ឍទៅលើ iPad Mini ដែលមានអេក្រង់ mini-LED ៕
