នៅថ្ងៃទី 25 ខែឧសភានេះ ក្រុមហ៊ុន realme ត្រូវបានគេដឹងថា នឹងរៀបចំនូវព្រឹត្តិការណ៍មួយនៅក្នុងប្រទេសចិន ដើម្បីប្រកាសចេញនូវផលិតផលជាច្រើនរបស់ខ្លួន ដែលក្នុងនោះរួមមានស្មាតហ្វូន កាសស្តាប់ ទូរទស្សន៍ឆ្លាតវៃ និងនាឡិកាផងដែរ។ នៅក្នុងចំណោមស្មាតហ្វូនទាំងនេះ មានដូចជា realme X3, X3 SuperZoom និង X50 Pro Player។
ស្មាតហ្វូន X3 SuperZoom គឺមានការបញ្ជាក់ថា នឹងបង្ហាញខ្លួននៅអ៊ឺរ៉ុបនៅថ្ងៃទី 26 ខែឧសភានេះ គឺមួយថ្ងៃបន្ទាប់ពីការបង្ហាញខ្លួននៅក្នុងប្រទេសចិនរួចមក។ នៅថ្ងៃនេះ ក្រុមហ៊ុន realme បានចែករំលែកនូវរូបភាពមួយចំនួនរបស់ស្មាតហ្វូន X3 SuperZoom ផងដែរ។ ស្មាតហ្វូននេះមានការបង្ហាញខ្លួនជាច្រើននៅលើអនឡាញ ហើយវាក៏មានការទម្លាយអំពីលក្ខណៈសម្បត្តិជាច្រើនរបស់ស្មាតហ្វូននេះផងដែរ។
នៅក្នុងរូបភាពចុងក្រោយនេះរបស់ក្រុមហ៊ុននេះ ក៏មានការបញ្ជាក់អំពីលក្ខណៈសម្បត្តិជាច្រើនដែលមានការបែកធ្លាយរួចមកហើយ និងការទម្លាយអំពីផ្នែកខាងមុខ និងផ្នែកខាងក្រោយរបស់ស្មាតហ្វូននេះផងដែរ។ ក្រុមហ៊ុន realme ចាប់ផ្តើមជាមួយនឹងរូបភាពមួយដែលមានការបញ្ជក់អំពីបន្ទះឈីប Snapdragon 855+ SoC ។ តាមការបញ្ជាក់របស់ក្រុមហ៊ុននេះ បានអោយដឹងថា ស្មាតហ្វូន X3 SuperZoom នេះមានពិន្ទុខ្ពស់បំផុតនៅលើ AnTuTu (517,743)។ ជាក់ស្តែង ក្រុមហ៊ុន realme អាចនឹងប្រើប្រាស់នូវបន្ទះឈីប SD855+ SoC ផងដែរ។ វាពិតជាគួរអោយចាប់អារម្មណ៍មែនទែន ដែលក្រុមហ៊ុននេះប្រើប្រាស់នូវបន្ទះឈីប Flagship កាលពីឆ្នាំមុន។
បន្ថែមពីនេះទៀតនោះ ស្មាតហ្វូននេះ គឺមានអេក្រង់ 120Hz ហើយវាក៏ជាអេក្រង់ LCD ផងដែរ។ ស្មាតហ្វូននេះ នឹងមានប្រព័ន្ធស្កេនក្រយ៉ៅដៃនៅចំហៀងជំនួសអោយការប្រើប្រាស់នូវបច្ចេកវិទ្យាស្កេនក្រយ៉ៅដៃនៅលើអេក្រង់។ ស្មាតហ្វូន realme X3 SuperZoom គឺស្រដៀងគ្នាទៅនឹងស្មាតហ្វូន X2 Pro។ ភាពខុសគ្នារបស់ស្មាតហ្វូននេះ គឺនៅលើអេក្រង់របស់វាដែលមានរន្ធ punch-hole សម្រាប់អេក្រង់ភ្លោះ ហើយស្មាតហ្វូន X2 Pro គឺប្រើប្រាស់នូវ waterdrop notch។ នៅថ្ងៃទី 26 ស្អែកនេះ យើងបានដឹងច្រើនហើយអំពីលក្ខណៈសម្បត្តិរបស់ស្មាតហ្វូន Flagship ថ្មីនេះហើយ។
លក្ខណៈសម្បត្តិរបស់ស្មាតហ្វូន realme X3 SuperZoom
•6.57-inch FHD+ LCD 120Hz display
•Snapdragon 855+ SoC
•256GB of Storage
•12GB of RAM
•កាមេរ៉ាខាងក្រោយ ៤ គ្រាប់ (64MP main + 8MP periscope + 8MP ultrawide + 2MP macro)
•កាមេរ៉ាមុខភ្លោះ Dual Punch-Hole (32MP wide + 8MP ultrawide)
•ថាមពលថ្មទំហំ 4,200mAh
•30W fast-charging
•Android 10 ជាមួយនឹង Realme UI
•Stereo Speakers
•ប្រព័ន្ធស្កេនក្រយ៉ៅដៃនៅចំហៀង
