មួយរយៈនេះ ក្រុមហ៊ុន Nokia ហាក់ដូចជាមានការថយចុះទៅលើការបញ្ចេញនូវផលិតផលថ្មី បើសិនជាយើងប្រៀបធៀបទៅនឹងគូប្រជែងជាច្រើនរបស់ក្រុមហ៊ុននេះ ប៉ុន្តែបើទោះជាមានការបលើកឡើងបែបនេះក៏ដោយ វាក៏មិនអាចបញ្ឈប់ក្រុមហ៊ុននេះបោះបង់នូវគំនិតក្នុងការប្រកាសចេញនូវស្មាតហ្វូនដែលអាចបត់បាននោះទេ។ កាលពីដើមឆ្នាំនេះ មានពាក្យចចាមអារ៉ាមថា ក្រុមហ៊ុននេះ បានធ្វើការនៅលើស្មាតហ្វូនដែលអាចបត់បានដែលគ្រោងនឹងបង្ហាញខ្លួននៅចុងឆ្នាំនេះ។
ថ្មីៗនេះ យោងតាមប្រភពដែលអាចទុកចិត្តនោះ បានបង្ហើបថា ស្មាតហ្វូនដែលអាចបត់បានរបស់ក្រុមហ៊ុន Nokia គឺនៅតែដំណើរការទេ។ ប្រភពចេញពី Nokia Anew គឺជាប្រភពដែលអាចជឿជាក់បានទៅលើព័ត៌មានរបស់ស្មាតហ្វូន Nokia។ គម្រោងនេះ នៅមិនទាន់បង្ហាញនូវព័ត៌មានលម្អិតពាក់ព័ន្ធទៅនឹងការប្រកាសបង្ហាញខ្លួនរបស់វានៅឡើយទេ។ យើងមិនទាន់អាចជឿជាក់បាននៅឡើយទេ ប្រសិនបើព័ត៌មាននេះ គឺជាការពិតដោយសាតែស្មាតហ្វូន Nokia 2720 Fold គឺមានការឌីស្សាញដែលស្រដៀងគ្នាទៅនឹងស្មាតហ្វូន Moto Razr អញ្ចឹងដែរ។
ប្រភពខាងលើនេះ នៅមិនទាន់អាចបញ្ជាក់ថា ស្មាតហ្វូន Razr និង Galaxy Z Flip គឺជាស្មាតហ្វូន ដែលអាចបត់បានទាំង ស្រុងនោះទេ ប៉ុន្តែទម្រង់នៃការបត់បែបនេះ នៅមិនទាន់បានគេប្រើប្រាស់នៅឡើយទេ ហើយវាក៏ប្លែកពីស្មាតហ្វូន Galaxy Fold និង Mate X ផងដែរ។ បើនិយាយអំពីការឌីស្សាញស្មាតហ្វូន ដែលអាចបត់បានរបស់ក្រុមហ៊ុន Nokia នោះ យើងនឹងត្រូវធ្វើការរង់ចាំរហូតដល់ឆ្នាំក្រោយ នៅពេលដែលស្មាតហ្វូននេះ នឹងបង្ហាញខ្លួនជាផ្លូវការ។ ក្រុមហ៊ុននេះ អាចនឹងបង្ហាញនូវស្មាតហ្វូននេះនៅក្នុងព្រឹត្តិការណ៍ MWC 2021 ផងដែរ៕
