ថ្មីៗនេះ ក្រុមហ៊ុន Xiaomi បានប្រកាសចេញនូវកុំព្យូទ័រ RedmiBook series ម៉ួឌែលចុងក្រោយបំផុតរបស់ខ្លួនដែលមានរូបរាងស្តើងបំផុតនោះគឺ RedmiBook 13, 14 និង 16ដែលមានបន្ទះឈីប Ryzen 4000 series CPUs ចុងក្រោយបំផុតរបស់ក្រុមហ៊ុន AMD។
សម្រាប់កុំព្យូទ័រ RedmiBook ថ្មីនេះគឺជាម៉ូឌែលចុងក្រោយបំផុតដែលមានរូបរាងស្តើង និងស្រាលក្នុងការប្រើប្រាស់ ហើយវាមានលក្ខណៈសម្បត្តិខ្លាំងក្លាជាច្រើនថែមទៀតផង។ នៅក្នុងកុំព្យូទ័រនេះគឺមានទំហំចាប់ពី 13 inchរហូតដល់ទៅទំហំ 16.1 inchដែលមានបំពាក់នូវបន្ទះឈីប Ryzen 4000 series mobile processors ថ្មីបំផុតរបស់ក្រុមហ៊ុនបច្ចេកវិទ្យា AMD ។ បន្ទះឈីបនេះប្រើប្រាស់នូវដំណើរការ 7nm fabrication ដែលផ្អែកនៅលើស្ថាបត្យកម្ម Zen 2 របស់ក្រុមហ៊ុននេះ។ តាមការបញ្ជាក់របស់ក្រុមហ៊ុនXiaomi នោះ បន្ទះឈីបថ្មីនេះនឹងមានការពង្រឹងសមត្ថភាពខ្លាំងក្លាជាងមុនដល់ទៅ 60% ។
អ្នកប្រើប្រាស់ជាច្រើនាំអាចធ្វើការជ្រើសរើសប្រភេទផ្សេងទៀតដេលបង្ហាញខ្លួនជាមួយនឹងបន្ទះឈីប Ryzen CPUs ផ្សេង។ សម្រាប់អ្នកដែលត្រូវការបន្ទះឈីប Ryzen 7 4700U processor ឬ Ryzen 5 4500U processor អាចធ្វើការជ្រើសរើសទៅតាមតម្រូវការរបស់ពួកគេ។ បន្ទះឈីបនេះគឺមានភ្ជាប់ជាមួយនឹង GPU, Vega 7 សម្រាប់បន្ទះឈីបកម្រិតខ្ពស់ និង Vega 6 សម្រាប់បន្ទះឈីបថ្នាក់កណ្តាល។ សម្រាប់ CPUs នេះគឺមាន TDP នៅក្នុងកម្រិត 15W ជាមួយនឹង Ryzen 7 ដែលមាន 8 core + 8 thread chip និង Ryzen 5 ដែលមានភ្ជាប់ជាមួយនឹង 6 core + 6 threads ។
កុំព្យូទ័រនេះគឺមានការឌីស្សាញរូបរាងយ៉ាងប្រណិត ជាមួយនឹងលោហធាតុខាងក្រៅថែមទៀត។ ក្រៅពីទំហំអេក្រង់នេះ លក្ខណៈសម្បត្តិរបស់អេក្រង់របស់វាក៏ដូចគ្នាទៅនឹងម៉ូឌែលផ្សេងទៀតផងដែរ។ កុំព្យូទ័រ RedmiBook series ថ្មីនេះគឺមានកម្រិតអេក្រង់ដល់ទៅ 90.6% និងកម្រិតពណ៌ ១០០% sRGB wide color gamut ដែលផ្តល់នូវពណ៌ច្បាស់ និងស្រស់ស្អាតបំផុត។ គែមរបស់កុំព្យូទ័រនេះគឺមានកម្រិតត្រឹមតែ 3.26mm ប៉ុណ្ណោះ។
កុំព្យូទ័រនេះគឺសក្តិសមបំផុតសម្រាប់ការងារប្រចាំថ្ងៃ និងការលេងហ្គេមកាន់តែរលូនជាមួយនឹងក្រាហ្វិកកាត RX Vega graphics របស់ក្រុមហ៊ុន AMD ។ បន្ថែមពីនេះទៀត សម្រាប់រ៉េមទំហំ 16GB គឺសម្រាប់ម៉ូឌែលកម្រិតខ្ពស់ ហើយថាមពលថ្មរបស់គឺប្រើប្រាស់ការបញ្ចូលថ្មតាមរយៈ USB Type C charging port និងបច្ចេកវិទ្យាបញ្ចូលថាមពលថ្មលឿនថែមទៀត។ សម្រាប់ម៉ូឌែលទំហំ 16 inch គឺមានថាមពលថ្មទំហំ 46Whr ដែលអាចប្រើប្រាស់បាន ១២ ម៉ោង ហើយការបញ្ចូលថាមពលថ្មត្រឹមតែ ៣៨ នាទីគឺបានដល់ទៅ ៥០% ថែមទៀត។
សម្រាប់គ្រប់ម៉ូឌែលកុំព្យូទ័រទាំងអស់អាចរកទិញបានចាប់ពីថ្ងៃទី ១ ខែមិថុនា ឆ្នាំ ២០២០ នេះ។ សម្រាប់អ្នកដែលចាប់ផ្តើមទិញពីថ្ងៃនេះរហូតដល់ថ្ងៃទី ៣១ខែឧសភា ឆ្នាំ ២០២០ នេះនឹងទទួលបាននូវការចុះតម្លៃផងដែរ។
RedmiBook 13:
•Ryzen 5 + 8GB RAM + 512GB SSD មានតម្លៃ3,799 Yuan (ប្រហែលជា $532, និង 3,599 Yuan ឬ $504 នៅអំឡុងថ្ងៃលក់ដំបូងនេះ)
•Ryzen 5 + 16GB RAM + 512GB SSD មានតម្លៃ3,999 Yuan (ប្រហែលជា $560, និង 3,799 Yuan ឬ $532 នៅអំឡុងថ្ងៃលក់ដំបូងនេះ)
•Ryzen 7 + 16GB RAM + 1TB SSD មានតម្លៃ4,999 Yuan (ប្រហែលជា $700, និង4,399 Yuan ឬ$616 នៅអំឡុងថ្ងៃលក់ដំបូងនេះ)
RedmiBook 14:
•Ryzen 5 + 8GB RAM + 512GB SSD មានតម្លៃ3,799 Yuan (3,499 Yuan ឬ $490 នៅអំឡុងថ្ងៃលក់ដំបូងនេះ)
•Ryzen 5 + 16GB RAM + 512GB SSD មានតម្លៃ3,999 Yuan (3,699 Yuan ឬ $518 នៅអំឡុងថ្ងៃលក់ដំបូងនេះ)
•Ryzen 7 + 16GB RAM + 512GB SSD មានតម្លៃ4,499 Yuan (ប្រហែលជា $630, និង4,299 Yuan ឬ$602 នៅអំឡុងថ្ងៃលក់ដំបូងនេះ)
RedmiBook 16:
•Ryzen 5 + 8GB RAM + 512GB SSD មានតម្លៃ3,799 Yuan (3,599 Yuan នៅអំឡុងថ្ងៃលក់ដំបូងនេះ)
•Ryzen 5 + 16GB RAM + 512GB SSD មានតម្លៃ3,999 Yuan (3,799 Yuan នៅអំឡុងថ្ងៃលក់ដំបូងនេះ)
•Ryzen 7 + 16GB RAM + 512GB SSD មានតម្លៃ4,499 Yuan (4,299 Yuan នៅអំឡុងថ្ងៃលក់ដំបូងនេះ)