ក្រុមហ៊ុន Samsung ត្រូវបានគេរំពឹងថា នឹងបង្ហាញនូវព្រឹត្តិការណ៍ Galaxy Unpacked ទី 2 របស់ខ្លួននៅក្នុងខែសីហាខាងមុខនេះ។ យើងនឹងឃើញវត្តមានរបស់ស្មាតហ្វូន Galaxy Note 20 និងGalaxy Fold 2។ បន្ថែមពីនេះទៀតនោះ របាយការណ៍ជាច្រើនទៀត បានបញ្ជាក់ថាស្មាតហ្វូន Galaxy S20 Fan Edition នឹងបង្ហាញខ្លួនផងដែរ។ ស្មាតហ្វូន Galaxy S20 Fan Edition នឹងធ្វើការជំនួសវត្តមានរបស់ស្មាតហ្វូន Galaxy S Lite series។
ប្រភពខាងលើនេះ បានបញ្ជាក់ថា ក្រៅពីស្មាតហ្វូនទាំង 3 ម៉ូឌែលនេះ យើងអាចនឹងឃើញនូវកាសស្តាប់ និងផលិតផលជាច្រើនទៀតផងដែរ។ យើងនិយាយអំពីកាសស្តាប់ Galaxy Buds X / Galaxy Buds Live និងនាឡិកា Galaxy Watch 3 ។ ពេលនេះនៅក្នុងរបាយការណ៍មួយ ក្រុមហ៊ុនបច្ចេកវិទ្យា Samsung អាចនឹងប្រើប្រាស់នូវយុទ្ធសាស្រ្តស្មាតហ្វូន Flagship រយៈពេល 3 ខែ។ នៅក្នុងរបាយការណ៍មួយចេញពី SamMobile នោះ ក្រុមហ៊ុនបច្ចេកវិទ្យា Samsung មានគម្រោងក្នុងការប្រកាសបង្ហាញនូវស្មាតហ្វូនចំនួន 3 ម៉ូឌែល។
នោះគឺស្មាតហ្វូន Galaxy Note 20 series, Galaxy Fold 2 និង Galaxy S20 Fan Edition ដែលស្មាតហ្វូននីមួយៗនឹងប្រកាសបង្ហាញខ្លួនមួយខែម្តងៗ។ របាយការណ៍នេះអះអាងចេញពីលោក Lee Jae-Yong ដែលជាអនុប្រធានរបស់ក្រុមហ៊ុនបច្ចេកវិទ្យា Samsung។ នេះមានន័យថា ស្មាតហ្វូន Galaxy Note 20 នឹងប្រកាសបង្ហាញខ្លួននៅក្នុងខែសីហានេះ។ នៅក្នុងខែកញ្ញា យើងនឹងឃើញនូវស្មាតហ្វូន Galaxy Fold 2 ខណៈពេលដែលស្មាតហ្វូន S20 Fan Edition អាចនឹងបង្ហាញខ្លួននៅក្នុងខែតុលាខាងមុខនេះ។ យើងកំពុងតែនិយាយអំពីស្មាតហ្វូនម៉ូឌែលថ្មីដែលនឹងបង្ហាញខ្លួននៅលើទីផ្សារ។ ការទម្លាយផ្លូវការរបស់ស្មាតហ្វូននេះនឹងធ្វើឡើងនៅក្នុងព្រឹត្តិការណ៍ Unpacked ខាងមុខនេះ។
ក្រៅពីស្មាតហ្វូន Galaxy Fold 2 នេះ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះក៏ធ្វើការនៅលើស្មាតហ្វូន Galaxy Z Flip 5G ផងដែរ។ ស្មាតហ្វូននេះ ក៏បង្ហាញខ្លួននៅក្នុងបញ្ជីជាច្រើន ដែលមានការទម្លាយនូវលក្ខណៈសម្បត្តិជាច្រើនរបស់ស្មាតហ្វូននេះផងដែរ៕