ថ្មីៗនេះ មានការបែកធ្លាយព័ត៌មានជាច្រើនអំពីស្មាតហ្វូនស៊េរីថ្មី Samsung Galaxy Note 20 series ដោយមានការពិភាក្សាជាច្រើនអំពីអេក្រង់របស់ស្មាតហ្វូននេះផងដែរ។ អ្នកជំនាញខាងបច្ចេកវិទ្យាជាច្រើន បាននិយាយថា ក្រុមហ៊ុន Samsung នឹងប្រើប្រាស់នូវអេក្រង់កម្រិត 60Hz ប៉ុណ្ណោះ។ ស្មាតហ្វូននេះ នឹងមានអេក្រង់រាបស្មើ។ សម្រាប់ស្មាតហ្វូននេះ នឹងមានតម្លៃប្រហែលជា $900។
គួរបញ្ជាក់ថា កាលពីសប្តាហ៍មុនននេះ ក្រុមហ៊ុន Samsung បានបញ្ចេញស្មាតហ្វូន Galaxy S20 Fan Edition (Galaxy S20 Lite) មានតម្លៃចន្លោះ $700-$750 ប៉ុន្តែវាមានកម្រិតអេក្រង់ 120Hz ហើយហេតុអ្វីបានជាស្មាតហ្វូន Flagship ជំនាន់ថ្មីនេះ គឺមានអេក្រង់កម្រិតត្រឹមតែ 60Hz? លោក Ross Young ដែលជាប្រធានរបស់ក្រុមហ៊ុនស្រាវជ្រាវ DSCC បានធ្វើការពន្យល់អំពីភាពខុសគ្នានៃអេក្រង់របស់ស្មាតហ្វូនទាំងពីរនេះផងដែរ។ តាមការបញ្ជាក់របស់គាត់ ស្មាតហ្វូន Galaxy S20 Fan Edition គឺមានអេក្រង់ OLED ដែលមានតម្លៃថោកជាង ក្រាស់ជាង និងធ្ងន់ជាងអេក្រង់ OLED ដែលអាចបត់បាន។ ស្មាតហ្វូននេះ គឺមិនមានតម្លៃថ្លៃដូចទៅនឹងម៉ូឌែលជំនាន់មុននោះទេ។
ក្រុមហ៊ុន Samsung បានត្រៀមខ្លួនក្នុងការបង្ហាញនូវស្មាតហ្វូន Galaxy Series ថ្មីរបស់ខ្លួននេះនៅថ្ងៃទី 5 ខែសីហាខាងមុខនេះ។ យ៉ាងណាមិញ ការបែកធ្លាយរបស់ស្មាតហ្វូនស៊េរីថ្មី Galaxy Note 20 series នឹងមានច្រើនទៀតមុនការប្រកាសជាផ្លូវការនាពេលខាងមុខនេះ។ ស្មាតហ្វូនស៊េរីថ្មីនេះ នឹងមានបន្ទះឈីប Exynos 990 SoC រ៉េមទំហំ 8GB និងម៉េមូរីទំហំ 256GB ។ ស្មាតហ្វូន Galaxy Note 20 នេះក៏ប្រហែលជាបោះបង់ចោលនូវរន្ធដោត microSD card ផងដែរ។ ស្មាតហ្វូននេះប្រហែលជាមិនមានរន្ធដោតកាសស្តាប់ 3.5mm headphone jack នោះទេ។
ស្មាតហ្វូននេះ នឹងមានកាមេរ៉ាខាងក្រោយ 3 គ្រាប់ដែលមានទំហំ 12MP ជាមួយនឹងសិនស័រទំហំ 1.8um pixel និង dual-pixel Autofocus។ ស្មាតហ្វូននេះ ក៏មានកាមេរ៉ា ultra-wide f/2.2 aperture និង 1.4um pixels ។សម្រាប់សេនស័រទី 3 របស់វាគឺ 64MP 3x zoom ជាមួយនឹង f/2.0 aperture និង 1um pixels ។ស្មាតហ្វូននេះនឹងមានការទ្រទ្រង់ទៅលើ 30x hybrid zoom និងទ្រទ្រង់នូវការថតវីដេអូកម្រិត 8K ផងដែរ។ ស្មាតហ្វូននេះ មានរន្ធប្រហោង Punch hole ដែលមានកាមេរ៉ាខាងមុខទំហំ 10MP selfie ជាមួយនឹង dual-pixel auto-focus, f/2.2 aperture និង 1.22um pixels ថែមទៀតpg៕