ថ្មីៗនេះ CEO Yu Chengdong របស់ក្រុមហ៊ុន Huawei ទម្លាយនូវព័ត៌មានចុងក្រោយបំផុតរបស់ស្មាតហ្វូនស៊េរីថ្មី Flagship Huawei Mate 40 series។ នៅក្នុងវីដេអូមួយនៅក្នុងសន្និសីទ HDC 2020 នេះ គាត់និយាយថា សូមរង់ចាំមួយភ្លែត។ អ្វីគ្រប់យ៉ាង គឺទៅតាមអ្វីដែលបានគ្រោងទុក។ តាមការបង្ហើបរបស់លោក Yu Chengdong នោះ ស្មាតហ្វូនស៊េរីថ្មីរបស់ក្រុមហ៊ុននេះនឹងប្រកាសបង្ហាញខ្លួននៅដើមខែតុលានេះ។ ថ្មីៗនេះ @Huawei Mobile នៅក្នុងចក្រភពអង់គ្លេសក៏បង្ហាញអំពីលក្ខណៈសម្បត្តិមួយចំនួនរបស់ស្មាតហ្វូននេះផងដែរ។
នៅក្នុងបណ្តាញសង្គម Twitter របស់ក្រុមហ៊ុនបច្ចេកវិទ្យា Huawei នៅក្នុងចក្រអង់គ្លេសនិយាយថា យើងមានដំណឹងល្អសម្រាប់អ្នក។ សម្រាប់ស្មាតហ្វូន #HuaweiMate ជំនាន់ក្រោយនេះនឹងបង្ហាញខ្លួនឆាប់ៗនេះ សូមរង់ចាំតាមដានបន្ត។ នេះគឺជាលើកដំបូងបំផុតសម្រាប់គណនីរបស់ Huawei ដែលនិយាយអំពីស្មាតហ្វូននេះ។ បើទោះបីជាវាមិនទាន់មានការបង្ហាញនូវកាលបរិច្ឆេទផ្លូវការក៏ដោយនោះ យើងអាចនិយាយបានថា ស្មាតហ្វូននេះនឹងបង្ហាញខ្លួនឆាប់ៗនេះ។ ស្មាតហ្វូន Huawei Mate 40នឹងបង្ហាញខ្លួននៅចុងខែកញ្ញា ឬដើមខែតុលានេះ។
ស្មាតហ្វូននេះ នឹងប្រើប្រាស់នូវបន្ទះឈីប Kirin 9000 Series ជាមួយនឹងដំណើរការ 5nm និងស្ថាបត្យកម្ម Cortex A77 ឬ A78។ ស្មាតហ្វូននេះ គឺមានម៉ូឌឹម 5G modem ។ ស្មាតហ្វូននេះគឺមានកាមេរ៉ាគោលទំហំ 50MP CMOS ។ សម្រាប់កាមេរ៉ា periscope telephoto lens គឺទ្រទ្រង់នូវ 5x optical zoom និង 55x digital zoom ។ស្មាតហ្វូន Huawei Mate 40 នេះគឺមាន ៣ ម៉ូឌែលនោះគឺ Mate 40, Mate 40 Pro និង Mate 40 Pro+ ៕
