ក្រុមហ៊ុន Huawei បន្តមើលឃើញនូវការធ្លាក់ចុះទៅលើការនាំចេញថេប្លេតរបស់ខ្លួននៅក្នុងឆ្នាំ 2021 នេះ។ ការដាក់ទណ្ឌកម្មទៅលើការធ្វើពាណិជ្ជកម្មរបស់សហរដ្ឋអាមេរិកនេះ គឺជាហេតុផលដ៏សំខាន់ដែលនៅពីក្រោយការធ្លាក់ចុះនេះ ហើយក្រុមហ៊ុននេះ ក៏មិនអាចទិញនូវបន្ទះឈីប processors ពីក្រុមហ៊ុន Qualcomm ឬ MediaTek ឬក្រុមហ៊ុន TSMC នោះទេ។
តាមការបញ្ជាក់នៅក្នុងរបាយការណ៍របស់ DigiTimes នោះ ក្រុមហ៊ុន Huawei, Samsung និង Apple គឺជាប់ចំណាត់ថ្នាក់ Top 3 នៅលើពិភពលោក។ ក្រុមហ៊ុន Huawei បានធ្វើការនាំចេញនូវថេប្លេតនេះនៅក្នុងប្រទេសចិន អ៊ឺរ៉ុប និងទីផ្សាររបស់អាស៊ីអាគ្នេយ៍ដែលមានប្រហែលជា 60% នៅក្នុងប្រទេសចិន ហើយវាមានតែ 40% ប៉ុណ្ណោះនៅក្នុងទីផ្សាររបស់អ៊ឺរ៉ុប និងអាស៊ី។ បញ្ហាជាច្រើនដែលក្រុមហ៊ុន Huawei ប្រឈមមុខនោះ គឺដោយសារតែទីផ្សារថេប្លេត គឺចាប់ផ្តើមមានការកើនឡើងនៅក្នុងស្ថានភាពនេះ។
នៅក្នុងពេលនេះ ក្រុមហ៊ុន Apple គឺមានចំណែកទីផ្សារចំនួន 42% នៅក្នុងទីផ្សារថេប្លេតរបស់ចិន ខណៈពេលដែលក្រុមហ៊ុន Huawei គឺមាន 33% ក្រុមហ៊ុន Microsoft គឺមាន 3.5% និងក្រុមហ៊ុន Lenovo គឺមានចំនួន 3% ។ របាយការណ៍នេះគឺមានការព្យាករណ៍ថា ក្រុមហ៊ុន Huawei នៅតែបន្តរហូតដល់ត្រីមាសទី 2 ឆ្នាំ 2021 នេះ។ ក្រុមហ៊ុននេះនៅមិនទាន់ទិញបន្ទះឈីប CPUs ពីក្រុមហ៊ុន Intel និង AMD នោះទេ។ បន្ថែមពីនេះទៀត ក្រុមហ៊ុនម៉ាកយីហោរបស់ចិននេះក៏ផ្តោតទីលើទីផ្សាររបស់ចិន និងការកាត់បន្ថយទៅលើទីផ្សារបរទេសផងដែរ។ ក្រុមហ៊ុននេះ នឹងមានចំណែកទីផ្សារ ប្រហែលជា 22% ប៉ុណ្ណោះ នៅឆ្នាំក្រោយនេះ។ ក្រុមហ៊ុន Apple នឹងមានចំនួន 46.4% ហើយក្រុមហ៊ុន Microsoft គឺមាន 4% ហើយក្រុមហ៊ុន Lenovo គឺមានចំនួន 9.6% ៕