Sennheiser HD 450SE Wireless ដែលជាកាសស្តាប់ឥតខ្សែស៊េរីថ្មីមួយ ត្រូវបានក្រុមហ៊ុនបង្ហាញខ្លួនជាផ្លូវការនៅក្នុងប្រទេសឥណ្ឌាជាមួយនឹងតម្លៃ Rs. 14,990 (~$203)។ កាសស្តាប់ Sennheiser ថ្មីនេះ គឺមានបំពាក់នូវបច្ចេកវិទ្យា Active noise cancellation (ANC), ប្រព័ន្ធជំនួយការ Alexa Voice Assistant របស់ក្រុមហ៊ុន Amazon និងថាមពលថ្មដែលសាកម្តងប្រើប្រាស់បាន 30 ម៉ោង។ កាសស្តាប់ HD 450SE Wireless នេះ ក៏មានការទ្រទ្រង់នូវ Siri និង Google Assistant ផងដែរ។
កាសស្តាប់ HD 450SE នេះ មានរូបរាងស្រដៀងគ្នាទៅនឹងកាសស្តាប់ HD 450BT wireless ដែលបង្ហាញខ្លួននៅក្នុងឆ្នាំ 2020។ កាសស្តាប់នេះមានប៊ូតុងសម្រាប់គ្រប់គ្រងទៅលើតន្ត្រី 32mm dynamic transducers, dual beamforming MEMS microphone និងការឌីស្សាញយ៉ាងស្រស់ស្អាតដែលមានភាពងាយស្រួលក្នុងការប្រើប្រាស់បំផុត។ កាសស្តាប់ HD 450SE wireless នេះប្រើប្រាស់នូវ Bluetooth 5.0 ហើយថាមពលថ្មរបស់វាសាកតាមរយៈ USB-C port។
កាសស្តាប់នេះប្រើប្រាស់តាមរយៈកម្មវិធី Sennheiser Smart Control app ដែលមាននៅលើ Android និង iOS។ ជាមួយនឹង App នេះ អ្នកប្រើប្រាស់អាចធ្វើការកែប្រែទៅលើមុខងារជាច្រើនដែលសក្តិសមទៅតាមចំណង់ចំណូលចិត្តរបស់អ្នកប្រើប្រាស់ផងដែរ។ Sennheiser HD 450SE នេះអាចរកទិញបាននៅក្នុងប្រទេសឥណ្ឌាចាប់ពីថ្ងៃទី 16 ខែមករានេះតាមរយៈ Amazon នៅក្នុងប្រទេសឥណ្ឌា។ នេះគឺចំថ្ងៃAmazon Republic Day Sale 2022 ដែលក្រុមហ៊ុន Sennheiserសង្ឃឹមថា ចំនួននៃការកម្មង់កាសស្តាប់នេះនឹងមានការកើនឡើង៕