Infinix ចាប់ដៃជាមួយ Marvel Studios បញ្ចេញនូវម៉ូដែលពិសេសសម្រាប់ស្មាតហ្វូនស៊េរីថ្មី Infinix Note 12 series

Infinix ដែលជាក្រុមហ៊ុនផលិតស្មាតហ្វូនដ៏ធំមួយដែលមានមូលដ្ឋាននៅក្នុងទីក្រុងហុងកុង បានប្រកាសចាប់ដៃគ្នាជាមួយនិង Marvel Studios បញ្ចេញនូវម៉ូដែលពិសេសសម្រាប់ស្មាតហ្វូនស៊េរីថ្មី Infinix Note 12 series។ បើតាមការបញ្ជាក់ពីក្រុមហ៊ូន Infinix គឺបាននិយាយថា ស្មាតហ្វូនស៊េរីថ្មី Note 12 series នឹងធ្វើការប្រកាសចេញនៅលើទីផ្សារប្រទេសឥណ្ឌានាថ្ងៃទី 20 ខែឧសភាពខាងមុខនេះហើយ ដោយក្នុងនោះក្រុមហ៊ុននឹងមានម៉ូដែលពិសេស Doctor Strange ដែលសំដែងក្នុងភាពយន្ត The Multiverse of Madness ថែមទៀតផង។

គួរបញ្ជាក់ថា ខ្សែរភាពយន្ត Doctor Strange in the Multiverse of Madness គឺទើបតែមានការចាក់បញ្ចាំងតាមរោងភាពយន្តតែប៉ុណ្ណោះ ក្នុងនោះនៅកម្ពុជាក៏បានបញ្ចាំងរួចហើយដែរ។ សម្រាប់ម៉ូដែលពិសេស Note 12 នេះ គឺនឹងបង្ហាញខ្លួនជាមួយការឌីស្សាញរូបភាព Doctor Strange-themed នៅលើអេក្រង់ ខណៈដែលនៅលើផ្ទៃខ្នងខាងក្រោយនៃស្មាតហ្វូននេះក៏មានការរចនាជាមួយនិងរូបភាពឡូហ្កូរបស់ Marvel ហើយនិងមានរូបភាពរង្វង់មូលនៅចំកណ្តាលផងដែរ។

សូមជំរាបថា ស្មាតហ្វូន Note 12 គឺនឹងបង្ហាញខ្លួនជាមួយនិងអេក្រង់ AMOLED ហើយនិងមានការទ្រទ្រង់ជាមួយនូវមុខងារwidevine L1 សម្រាប់ធ្វើការគាំទ្រដល់ការ Streaming HD content នៅលើកម្មវិធី Prime Video ឬ Netflix ជាដើម។ អេក្រង់នេះ គឺមានទំហំ 6.7 អ៊ីង បង្ហាញចេញបានក្នុងកម្រិត FHD+ resolution។  ស្មាតហ្វូនថ្មីនេះ នឹងប្រើប្រាស់កម្លាំងសាក 33W fast charging និងរត់ជាមួយនិងប្រព័ន្ធប្រតិបត្តិការ Android 12-based operating system។

យោងតាមការទម្លាយកន្លងមក គឺមានការបញ្ជាក់ថា ស្មាតហ្វូន Note 12 និង Note 12 Turbo នឹងមានការបំពាក់មកជាមួយនូវកាមេរ៉ាចំនួន 3 គ្រាប់ដែលមានការឌីស្សាញម៉ូឌុលកាមេរ៉ារាបស្មើរជាប់និងតួស្មាតហ្វូន ហើយនិងមានការបង្ហាញខ្លួនជាមួយនិងជម្រើសពណ៌ច្រើនដូចជា Blue, Black និង Silver ព្រមតាំងមានការដាកលក់ជាបណ្តើរនៅលើហាង Flipkart ក្នុងប្រទេសឥណ្ឌាផងដែរ។