កាលពីខែមករាកន្លងទៅនេះ ក្រុមហ៊ុន Samsung បានបង្ហាញនូវស្មាតហ្វូន Fan Edition Galaxy S21 FE។ ខុសប្លែកពីម៉ូដែលមុន Galaxy S20 FE ដែលមាន 2 ម៉ូដែលនៅក្នុងការជ្រើសរើស ប៉ុន្តែសម្រាប់វត្តមានស្មាតហ្វូន Galaxy S21 FE វិញ គឺបង្ហាញខ្លួនជាមួយនឹងបន្ទះឈីប Snapdragon 888 Soc តែមួយប៉ុណ្ណោះ។ ថ្មីៗនេះ មានពាក្យចចាមអារ៉ាមជាច្រើនបញ្ជាក់ថា ក្រុមហ៊ុន Samsung កំពុងតែធ្វើការនៅលើស្មាតហ្វូន Galaxy S21 FE 4G ដែលមានលេខកូដ SM-G990B2 ស្របពេលដែកនៅលើបញ្ជីរបស់ Google Play ក៏មានការបង្ហាញនូវម៉ូឌែលប្រភេទ 5G ផងដែរ។
ប្រភពជាច្រើនបានបញ្ជាក់ថាក្រុមហ៊ុន Samsung មានគម្រោងក្នុងការប្រកាសចេញនូវស្មាតហ្វូន “Samsung S21 FE 5G” ដែលមានលេខកូដ SM-G990B2 ដែលបង្ហាញខ្លួននៅលើ Google Play នេះ ខណៈដែលរឿងនេះ នៅមិនទាន់មានការបញ្ជាក់ជាផ្លូវការណាមួយចេញពីក្រុមហ៊ុន Samsung នៅឡើយទេ។ ស្មាតហ្វូន Samsung Galaxy S21 FE 5Gនឹងមានអេក្រង់ទំហំ 6.4 អ៊ីង កម្រិតបង្ហាញចេញ FHD+ Dynamic AMOLED ជាមួយនឹងល្បឿន 120Hz refresh rate។
ស្មាតហ្វូននេះមានបន្ទះឈីប Qualcomm Snapdragon 888។ ស្មាតហ្វូន Galaxy S21 FE នេះមានកាមេរ៉ាខាងក្រោយ 3 គ្រាប់ខណៈដែលកាមេរ៉ាគោលមានទំហំ 12MP Primary Sensor ដែលមានភ្ជាប់ជាមួយនឹងមុខងារ OIS និងគ្រាប់ទីពីរ 12MP ultra-wide-angle lens ហើយនិងគ្រាប់ទីបីមាន 8MP telephoto lens ។ ស្មាតហ្វូននេះមានថាមពលថ្មទំហំ 4500mAh និងបច្ចេកវិទ្យាសាកថ្មលឿន 25W charging ៕