ថ្មីៗនេះ ក្រុមហ៊ុន TECNO បានបង្ហាញចេញជាផ្លូវការនូវស្មាតហ្វូនស៊េរីថ្មី CAMON 19 series ដែលជាម៉ូដែលចុងក្រោយបំផុតខ្លួននៅក្នុងមជ្ឈមណ្ឌល Rockefeller Centre នៅក្នុងទីក្រុងញ៉ូវយ៉ក។ ស្មាតហ្វូនប្រណិតនេះ គឺមានការផ្តោតទៅលើការថតរូបភាពភ្លឺច្បាស់នៅពេលយប់នេះ តាមរយៈនៃការប្រើប្រាស់នូវបច្ចេកវិទ្យា 64MP bright night portrait photography។
ស្មាតហ្វូន TECNO CAMON 19 series នេះ មានចំនួន 2 ម៉ូដែលរួមមានដូចជា CAMON 19 និង CAMON 19 Pro។ ស្មាតហ្វូនទាំងពីរនេះ ត្រូវបានធ្វើការឌីស្សាញឡើងយ៉ាងទាន់សម័យ ហើយនឹងបានឈ្នះនូវពានរង្វាន់ iF Design Award 2022 ដែលបង្ហាញអំពីការឌីស្សាញយ៉ាងល្អឥតខ្ចោះថែមទៀតផង។
ស្មាតហ្វូនជំនាន់ថ្មីនេះ ត្រូវបានក្រុមហ៊ុនតម្លើងមកជាមួយនូវកាមេរ៉ាទំហំ 64MP និង RGBW sensor/glass lens ដែលសហការជាមួយនឹងក្រុមហ៊ុន Samsung បន្ថែមពីនេះ ក៏នូវមានបច្ចេកវិទ្យា RGBW color filter sensor technology របស់ក្រុមហ៊ុន Samsung ដែលទទួលពន្លឺល្អជាងមុនបានដល់ទៅ 30% ផងដែរ។
ស្មាតហ្វូន CAMON 19 Pro មានកាមេរ៉ាដែលភ្ជាប់ជាមួយនូវមុខងារ Super night Camera និង Super Night Portrait mode ដែលអាចថតរូបភាពបាយ៉ាងច្បាស់នៅពេលយប់ ហើយក៏មានមុខងារដ៏គួរអោយចាប់អារម្មណ៍ជាច្រើនទៀតដូចជា 2X optical zoom lens, OIS+EIS Stabilization, Portrait mode, AI face beauty technology ជាដើម។ ស្មាតហ្វូនTECNO CAMON 19 Pro នេះមានអេក្រង់ទំហំ 6.8-inch FHD+ និង 120Hz refresh rate ៕