តាមការបញ្ជាក់នៅក្នុងរបាយការណ៍ថ្មីបំផុតនេះ គឺបានអោយដឹងថា ការលក់ទូរស័ព្ទ Nokia 105 Series នៅលើទីផ្សារសកល គឺបានចំនួនច្រើនជាង 200 លានគ្រឿង ហើយគិតមកទល់នឹងពេលនេះ។ ទូរស័ព្ទប្រភេទ Feature ហ្វូន ម៉ូដែល Nokia 105 4G ក៏មានសមត្ថភាពអាចទ្រទ្រង់ទៅលើការទូទាត់ប្រាក់បានផងដែរ ដែលនេះ អាចចាត់ទុកថា គឺជាប្រភេទ “Smarter Feature Phone”។
Nokia 105 4G នេះ គឺជាទូរស័ព្ទដែលមានការទ្រទ្រង់នូវ 4G Netcom និងអាចធ្វើការទូទាត់ប្រាក់បាន ហើយថែមទាំងមាន លក្ខណៈសម្បត្តិល្អៗជាច្រើនទៀត។ ទូរស័ព្ទនេះ គឺពិតជាមានភាពងាយស្រួលក្នុងការប្រើប្រាស់មែនទែន។ ទូរស័ព្ទ Nokia 105 series នេះ ប្រើប្រាស់នូវបន្ទះឈីប Unisoc។ Nokia 105 series ប្រើប្រាស់នូវ island-style keyboards និងមានតួខ្លួនផលិតចេញពីជ័រ polycarbonate។ នៅលើទូរស័ព្ទនេះ ក៏មានដាក់នូវហ្គេម “Snake” ដែលជាហ្គេមល្បីប្រចាំត្រកូលផងដែរ ជាពិសេស គឺមានរន្ធដោតកាសស្តាប់ 3.5 mm headphone jack និងវិទ្យុសម្រាប់ស្តាប់បានផងដែរ។
Nokia 105 4G series នេះទ្រទ្រង់ទៅលើ Unicom និង Telecom network 4G ជាមួយនឹង dual SIM dual standby ។ អ្នកប្រើប្រាស់អាចប្រើទូរស័ព្ទនេះសម្រាប់ទូទាត់ប្រាក់នៅលើ Alipay ផងដែរ។ ចាប់តាំងពីវត្តមានរបស់ Nokia នៅក្នុងដៃរបស់ក្រុមហ៊ុន HMD នោះ ក្រុមហ៊ុននេះបានវិនិយោគយ៉ាងខ្លាំងទៅលើទូរស័ព្ទប្រភេទ Feature Phones ៕
