ថ្មីៗនេះ ក្រុមហ៊ុន Huawei បានប្រកាសជាផ្លូវការអំពីការបង្ហាញវត្តមានស្មាតហ្វូន Flagship ថ្មីរបស់ក្រុមហ៊ុន Huawei ដែលនឹងធ្វើឡើងនៅថ្ងៃទី 29 ខែកក្កដានេះនៅវេលាម៉ោង 19:30។ ស្មាតហ្វូន Huawei P50 series នឹងផលិតផលជាច្រើនទៀតនឹងបង្ហាញខ្លួននៅក្នុងសន្និសីទនេះផងដែរ។ស្មាតហ្វូន Huawei P50 series នេះ នឹងមានស្មាតហ្វូន Huawei P50, P50 Pro និង P50 Pro+។ ស្មាតហ្វូនទាំងនេះនឹងប្រើប្រាស់នូវប្រព័ន្ធប្រតិបត្តិការ HarmonyOS ។
នៅមុនការបង្ហាញចេញជាផ្លូវការនោះ ក្រុមហ៊ុននេះ ក៏បានទម្លាយនូវវីដេអូផ្សព្វផ្សាយថ្មីរបស់ស្មាតហ្វូន Huawei P50 Pro ផងដែរ។ ស្មាតហ្វូននេះ នឹងមានសេនស័រ VARIO-SUMMILUX-H1:1.8-3.4/18-125ASPH sensor។ ស្មាតហ្វូននេះនឹងមាន 5x Telephoto Lens និង18mm Ultra-Wide-Angle Sensor ផងដែរ។ ម៉ូដែលនេះ គឺ UX-H1។ សម្រាប់ Aperture នៃ Sensor នេះ គឺ f/1.8-3.4 ខណៈពេលដែល focal length គឺ 18-125mm។
.jpg)
ស្មាតហ្វូន Huawei P50 series នឹងមានអេក្រង់រាបស្មើ 6.3-inch និងមានវិមាត្រតួរខ្លួន1 56.7x74x8.3mm។ អេក្រង់របស់ស្មាតហ្វូន Huawei P50 Series គឺនឹងមានការផ្គត់ផ្គង់ដោយក្រុមហ៊ុន BOE ដែលជាក្រុមហ៊ុនមានមូលដ្ឋាននៅប្រទេសចិនតែម្តង។ សម្រាប់ស្មាតហ្វូន Pro+ ត្រូវបានគេនិយាយថា គឺនឹងមានអេក្រង់គែមកោងទាំង 4 តែម្តង លើកលែងតែម៉ូឌែល Pro ប៉ុណ្ណោះ ដែលមានបំពាក់នូវបច្ចេកវិទ្យាអេក្រង់ Hyperboloid៕
