នៅពេលនេះ ក្រុមហ៊ុន OPPO ត្រូវគេរាយការណ៍ថា បានកំពុងតែធ្វើការនៅលើស្មាតហ្វូន OPPO Reno7 Series របស់ខ្លួនហើយ។ ព័ត៌មានថ្មីបំផុតបញ្ជាក់ថា ស្មាតហ្វូន Reno7 ដែលមានលេខកូដ PFDM00 ទទួលបាននូវការអនុម័តពីក្រសួងឧស្សាហកម្ម និងបច្ចេកវិទ្យាព័ត៌មានរបស់ចិន (CMIIT) ។ ដូចនេះ ការបង្ហាញវត្តមានរបស់ស្មាតហ្វូននេះគឺមិនយូរទៀតនោះទេ។
តាមការបញ្ជាក់របស់ WHY LAB អោយដឹងថា ស្មាតហ្វូន Reno7 នឹងមានអេក្រង់រាបស្មើ ហើយផ្នែកខាងក្រោយរបស់ស្មាតហ្វូននេះគឺមានកាមេរ៉ា 3 គ្រាប់ដែលមានកាមេរ៉ាគោលទំហំ 50-megapixel Sony IMX766 lens ។កាមេរ៉ានេះគឺមានកម្រិត 1/1.56” sensor ជាមួយនឹង 1.0micron native pixels ។ វាក៏មាន DOL-HDR និង All-Pixel autofocus ។ ស្មាតហ្វូននេះនឹងបង្ហាញខ្លួននៅក្នុងខែវិច្ឆិកានេះ។
បើមើលទៅលើស្មាតហ្វូន Reno6 គឺប្រើប្រាស់នូវបន្ទះឈីប Dimensity 900 chipset ។ ស្មាតហ្វូនReno7 អាចនឹងប្រើប្រាស់នូវបន្ទះឈីប Dimensity 920 ដែលក្រុមហ៊ុន MediaTek ទើបតែប្រកាសបង្ហាញនៅក្នុងខែសីហានេះ។ មកទល់ពេលនេះ មិនទាន់មានក្រុមហ៊ុនផលិតស្មាតហ្វូនណាមួយដែលប្រើប្រាស់នូវបន្ទះឈីប Dimensity 920 នេះនៅឡើយទេ។
ស្មាតហ្វូន Reno7 នេះ នឹងមានអេក្រង់ទំហំ 6.43-inch AMOLED FHD+ 90Hz ជាមួយនឹងប្រព័ន្ធស្កេនក្រយ៉ៅដៃ ColorOS 11.3 ជាមួយនឹងប្រព័ន្ធប្រតិបត្តិការ Android 11 OS, កាមេរ៉ាខាងមុខ 32-megapixel និងកាមេរ៉ាខាងក្រោយ 64-megapixel + 8-megapixel + 2-megapixel ។ ស្មាតហ្វូននេះនឹងមានទំហំ 8GB-12GB និងម៉េមូរី 128GB-256GB ជាមួយនឹងថាមពលថ្មទំហំ 4,300mAh ជាមួយនឹងបច្ចេកវិទ្យា 65W fast charging ៕