នៅក្នុងពេលបច្ចុប្បន្ននេះ ក្រុមហ៊ុនផលិតស្មាតហ្វូនជាច្រើន ត្រូវបានគេមើលឃើញថា បាននឹងកំពុងតែបង្កើនទៅលើកម្រិតភាពច្បាស់នៃកាមេរ៉ាសេនស័ររបស់ខ្លួនយ៉ាងខ្លាំង។ ប៉ុន្តែក្រុមហ៊ុនក៏មានមួយចំនួន ក៏ប្រហែលជាមិនធ្វើការអាប់ដេតខ្លាំងទៅលើប្រព័ន្ធកាមេរ៉ាស្មាតហ្វូនរបស់ខ្លួននោះទេ ដោយងាកទៅធ្វើរឿងបច្ចេកវិទ្យា កម្លាំងម៉ាស៊ីន ឬហ្គេមជាដើម។ ក្រុមហ៊ុនទាំងនោះរួមមានដូចជា Sony និង Apple ជាដើម។
នៅថ្ងៃនេះ មានព័ត៌មានថ្មីពីក្រុមហ៊ុនទាំងពីរនេះ ដោយមានការបញ្ជាក់ថា ក្រុមហ៊ុនធំៗទាំងពីរនេះ អាចនឹងផ្លាស់ប្តូរគំនិតរបស់ខ្លួនសម្រាប់ឆ្នាំក្រោយនេះផងដែរ។ សម្រាប់ការបង្ហាញវត្តមានរបស់ស្មាតហ្វូន Sony Xperia 1 IV ក្រុមហ៊ុនជប៉ុនមួយនេះ នឹងមិនធ្វើការបង្កើនូវចំនួនសេនស័រទៅ 4 គ្រាប់នោះទេ ប៉ុន្តែក្រុមហ៊ុននេះ នឹងធ្វើការពង្រឹងទៅលើកម្រិតភាពច្បាស់របស់វាវិញ។ ស្មាតហ្វូននេះ នឹងមានកាមេរ៉ាខាងក្រោយទំហំ 48-megapixel និង 50-megapixel។ គួរបញ្ជាក់ថា បើមើលទៅលើស្មាតហ្វូន Sony Xperia 1 III គឺមានកាមេរ៉ាទំហំត្រឹមតែ 12 megapixel modules ប៉ុណ្ណោះ។
បើតាមបានទម្លាយនៅក្នុងប្រភពជឿជាក់បាននោះ គឺនិយាយថា ស្មាតហ្វូន Sony Xperia 1 IV ថ្មីនេះ នឹងមានការប្រើប្រាស់នូវកាមេរ៉ា 50 megapixel module ដែលនោះគឺជា Sony IMX766 sensor ដែលមាន 1/1.56ʺ, 48 megapixel sensor ដែលនេះអាចជាកាមេរ៉ា Sony IMX 689 ឬ IMX 789 ហើយវាក៏មានកាមេរ៉ា 48 megapixel Sony IMX582 ឬ Sony IMX586 1/2 inch ។ ស្មាតហ្វូន Sony Xperia 1 IV នឹងបង្ហាញខ្លួននៅក្នុងត្រីមាសទី 1 នៅឆ្នាំក្រោយនេះ៕
