យោងតាមព័ត៌មានថ្មីដែលបានចេញផ្សាយនៅថ្ងៃនេះ បានបញ្ជាក់ថា ក្រុមហ៊ុន Samsung បានបញ្ចេញនូវសូហ្វែរថ្មីសម្រាប់អ្នកប្រើប្រាស់ស្មាតហ្វូនបត់បានរបស់ខ្លួន Galaxy Z Fold3 និង Z Flip3 នៅក្នុងប្រទេសកូរ៉េខាងត្បូង ហើយក្រុមហ៊ុននេះ ក៏នឹងបន្តផ្តល់ជូនអ្នកប្រើប្រាស់ស្មាតហ្វូននេះ នៅក្នុងទីផ្សារសកលក្នុងពេលឆាប់ៗនេះផងដែរ។ សូហ្វែរថ្មីនេះ គឺនឹងមានការនាំយកនូវមុខងារកាន់តែសំបូរបែបសម្រាប់កាមេរ៉ា ដែលគេជឿថា Samsung នឹងមានការពង្រឹងទៅលើសមត្ថភាពរបស់ស្មាតហ្វូនប្រភេទកាន់តែខ្លាំងជាងមុន បន្ទាប់ពីអ្នកប្រើប្រាស់មួយចំនួនបានរអ៊ូរទាំពីកាមេរ៉ានេះនាពេលកន្លង។
ជាមួយនឹងការបន្ថែមសមត្ថភាពសម្រាប់កាមេរ៉ានេះ គឺក្រុមហ៊ុននឹងធ្វើការកែប្រែគុណភាពទៅលើកាមេរ៉ាទាំងអស់ ដោយថែមទាំងមានការនាំមកនូវ Scene recognition សម្រាប់សត្វចញ្ចឹមជាទីស្រឡាញ់របស់អ្នកជាមួយនិងមុខងារ Portrait mode ផងដែរ។ មានន័យថា សូហ្វែរថ្មីនេះ នឹងជួយអោយការថតរូបសត្វចញ្ចឹមជាទីស្រឡាញ់របស់អ្នកជាមួយនឹង Faux bokeh effect បានយ៉ាងស្អាតតាមរយៈនៃការប្រើប្រាស់នូវមុខងារ Portrait mode។
បន្ថែមពីនេះ ក្រុមហ៊ុន Samsung ក៏បានបន្ថែមនូវសមត្ថភាព ក៏ដូចជាការបន្ថែមពន្លឺសម្រាប់ Cover screen នៅលើស្មាតហ្វូន Z Flip3 ទៀតផង។ ហើយអ្វីដែលពិសេសនោះសូហ្វែរថ្មីនេះ វាក៏នឹងជួយសម្រួលនូវប្រតិបត្តិការជាច្រើនផងដែរ ដូចជា Screen Gestures, Capture និងមុខងារ Multi-Window ផងដែរ។
