ថ្មីៗនេះ មានការបញ្ជាក់ថា ក្រុមហ៊ុន Nubia បាននឹងកំពុងតែធ្វើការនៅលើស្មាតហ្វូនលេងហ្គេមជំនាន់ថ្មី REDMAGIC Series របស់ខ្លួន ដែលមានឈ្មោះហៅថា REDMAGIC 7។ ស្មាតហ្វូនលេងហ្គេមជំនាន់ថ្មីនេះ គឺមាន 2 ម៉ូដែល នោះគឺ REDMAGIC 7 និង REDMAGIC 7 Pro។ នៅមិនទាន់មានការបញ្ជាក់អំពីកាលបរិច្ឆេទក្នុងការបង្ហាញនូវស្មាតហ្វូននេះទេ ប៉ុន្តែស្មាតហ្វូនថ្មីនេះ ទទួលបាននូវវិញ្ញាបនបត្រ Bluetooth SIG ហើយ!
ស្មាតហ្វូន REDMAGIC 7 ក៏បង្ហាញខ្លួននៅលើ Bluetooth SIG ជាមួយឹងលេខម៉ូដែល NX679J។ ស្មាតហ្វូននេះ នឹងមានបច្ចេកវិទ្យា Bluetooth 5.2 និង 5G ។ ក្រុមហ៊ុន Nubia អាចនឹងទម្លាយនូវព័ត៌មានជាច្រើនទៀត របស់ស្មាតហ្វូននេះ នៅក្នុងរយៈពេលប៉ុន្មានថ្ងៃខាងមុខនេះ។ ស្មាតហ្វូន REDMAGIC 7 នេះ នឹងមានបន្ទះឈីប Snapdragon 8 Gen1។ បន្ទះឈីបនេះនឹងប្រើប្រាស់នូវបច្ចេកវិទ្យា 4nm។ នឹងមាន1x Cortex-X2 @ 3.0GHz core + 3x 2.50GHz cores + 4x 1.79GHz cores និងក្រាហ្វិកកាត Adreno 780 GPU ផងដែរ។
ស្មាតហ្វូន REDMAGIC 7 នឹងបំពាក់នូវអេក្រង់ 165Hz OLED និងរ៉េមទំហម 16GB។ ស្មាតហ្វូននេះ មានកាមេរ៉ា 3 គ្រាប់ដែលមានកាមេរ៉ាគោលទំហំ 64MP។ ស្មាតហ្វូន REDMAGIC 7 អាចនឹងប្រើប្រាស់នូវបច្ចេកវិទ្យា 120W ផងដែរ៕
