OPPO Pad 2 ដែលជាថេប្លេតចុងក្រោយបំផុតរបស់ក្រុមហ៊ុន OPPO នៅពេលនេះ មានដាក់លក់នៅលើ Giztop ហើយ។ លោកអ្នកអាចទិញថេប្លេតដែលមានអេក្រង់ទំហំ 11-អ៊ីង នេះ បាននៅក្នុងតម្លៃ $549 ប៉ុណ្ណោះ។ បើតាមការបញ្ជាក់របស់ក្រុមហ៊ុននេះបានអោយដឹងថា ថេប្លេត OPPO Pad 2 នេះ មានអេក្រង់ 11.61-អ៊ីង LCD បង្ហាញចេញជាមួយនឹង resolution ទំហំ 2800x2000p និងល្បឿន 144Hz refresh rate។
អេក្រង់នេះ គឺមានទំហំ 88% ធៀបតួខ្លួន និងមានការគាំទ្រនូវកម្រិត 10 bits colors ដែលល្អឥតខ្ចោះនៅក្នុងការអានអត្ថបទ ការធ្វើបទបង្ហាញ និង PDFs ការមើលទៅលើវីដេអូ ខ្សែភាពយន្ត ឬការលេងហ្គេមជាដើម។ ថេប្លេតនេះមានបន្ទះឈីប MediaTek Dimensity 9000 ដែលពិតជាល្អឥតខ្ចោះនៅក្នុងការប្រតិបត្តិការ និងសក្តិសមបំផុតសម្រាប់ Gaming, Imaging, Multimedia និង Connectivity។ ថប្លេតនេះមានរ៉េមទំហំ 8GB និង 12GB LPDDR5 RAM ហើយនិងមានអង្គចងចាំទំហំ 256GB និង 512GB UFS 3.1។
ថេប្លេត OPPO Pad 2 នេះ មានកាមេរ៉ាខាងមុខទំហំ 8MP HD wide-angle ដែលពិតជាល្អឥតខ្ចោះនៅក្នុងការថតវីដេអូជាក្រុម និងគ្រួសារ និងកាមេរ៉ាខាងក្រោយទំហំ 13MP ។ ថេប្លេតនេះមានភ្ជាប់ជាមួយនឹងប្រព័ន្ធ multi-layered graphite + Silicone heat dissipation system ជាមួយនឹងផ្ទៃបំភាយកំដៅ 27413mm²។
ថេប្លេតនេះ មានថាមពលថ្មទំហំ 9510mAh និងបច្ចេកវិទ្យា 67W SuperVOOC charging ។ ថប្លេតមានមុខងារជាច្រើនទៀតដូចជា Android 13 OS-based ColorOS 13, 4x finger pinch, 2xfinger split-screen, parallel windows, multi-device cross-screen collaboration, Bluetooth 5.3, Dolby Atmos Quad speakers រួមជាមួយនិងមុខងារថ្មីជាច្រើនទៀត៕
