កំពូលស្មាតហ្វូនអេក្រង់បត់ជំនាន់ថ្មី Samsung Galaxy Z Fold 4 ដែលបានបង្ហាញវត្តមានកាលពីសប្តាហ៍មុននេះទទួលបានការចាប់អារម្មណ៍ខ្លាំងទៅលើការឌីស្សាញរូបរាង និងគុណសម្បត្តិថ្មីៗដែលបានបំពាក់មកជាមួយ ហើយក្នុងនោះអ្វីដែលជាការចាប់អារម្មណ៍មួយផ្នែក គឺទៅលើ OS ឬ Operating System តែម្តង ដោយ Galaxy Z Fold 4 ទទួលបានការដំណើងមកជាមួយ Mobile OS Platform ថ្មីរបស់ Google ដែលហៅថា Android 12L។
ជាមួយនិង OS ថ្មីរបស់ Google នេះត្រូវបានក្រុមហ៊ុនបណ្តាញរុករកដ៏ធំផុតលេខក្នុងពិភពលោកមួយនេះប្រកាសបង្ហាញចេញកាលពីឆ្នាំកន្លងទៅ ដោយវាត្រូវបាន ផ្តោតសំខាន់ទៅលើការប្រើប្រាស់នៅលើឧបករណ៍ដែលមានអេក្រង់ធំៗដូចជា ពពួកស្មាតហ្វូនអេក្រង់បត់ ថែបប្លែត និងម៉ាស៊ីន Chromebook ជាដើម។ ចំពោះ Galaxy Z Fold 4 ដែលទើបចេញថ្មីនេះ ដែលដំឡើងជាមួយប្រតិបត្តិការថ្មីនេះ គឺមានមុខងារប្រើប្រាស់ថ្មីប្លែកដ៏សម្បូរបែបខុសពីជំនាន់ Z Fold មុនៗ ដោយក្នុង គឺមានមុខងារ Taskbar ថ្មីផងដែរ។
យ៉ាងណាមិញបើតាមប្រភពចេញពីគណនី Twitter ឈ្មោះថា @TheGalor របស់ឈ្មោះ Anthony បានឲ្យដឹងថា “Samsung មានគម្រោងដាកឲ្យស្មាតហ្វូនអេក្រង់ស៊េរីមុនៗរបស់ខ្លួនអាចប្រើប្រាស់មុខងារ Taskbar ថ្មីរបស់ Galaxy Z Fold 4 ភ្ជាប់ជាមួយ One UI4.1.1 នៅមុនដំណាច់ឆ្នាំនេះ”។ សម្រាប់មុខងារ Taskbar ថ្មីនៅលើ Galaxy Z Fold 4 ត្រូវបានក្រុមហ៊ុនធ្វើការអភិវឌ្ឍន៍ភ្ជាប់មកជាមួយ One UI4.1.1 របស់ខ្លួនដែលគាំទ្រដោយ Android 12L របស់ Google។ Taskbar ថ្មីនេះ Samsung បានប្រើនូវមុខងារ UX ដោយវា ត្រូវបានបែកចែកកម្មវីធីប្រើប្រាស់ជាពីរបន្ទាត់ដែលផ្តល់នៅភាពងាយស្រួលក្នុងការប្រើប្រាស់ដូចជា ការបែបចែកផ្ទៃអេក្រង់ប្រើប្រាស់ ជ្រើសរើសប្រើផលិតផល និងកម្មវិធីបណ្តាញសង្គមបានស្រួលទោះបីជាពេលបត់អេក្រង់ក៏ដោយ។
សរុបមកអ្នកដែលកំពុងប្រើ Galaxy Z Fold Series ជំនាន់មុនៗ ក៏នឹងទទួលបានបទពិសោធន៍ប្រើប្រាស់ថ្មីទំនើបទាន់សម័យនៅលើទូរស័ព្ទដៃរបស់ខ្លួនផងដែរ ក្រោយទទួលបានការធ្វើបច្ចុប្បន្នភាព OS ថ្មីនៅពេលខាងមុខនេះ៕