កាលពីខែមេសាកន្លងទៅនេះ ក្រុមហ៊ុន Huawei បានបង្ហាញចេញនូវស្មាតហ្វូនបត់បានរបស់ខ្លួន Huawei Mate Xs 2 ហើយនៅពេលនេះ មានដំនឹងថា អតីតក្រុមហ៊ុនមហាយក្សចិនមួយនេះ បាននឹងកំពុងតែធ្វើការនៅលើស្មាតហ្វូនបត់បានជំនាន់ថ្មីរបស់ខ្លួនថែមទៀតហើយ ដែលម៉ូដែលថ្មីនេះ គឺមានឈ្មោះថា Mate X3។ យោងតាមការទម្លាយរបស់ប្រភពមួយចេញពីចិនបានបង្ហាញពីព័ត៌មាន និហលក្ខណៈសម្បត្តិរបស់ស្មាតហ្វូននេះហើយថែមទាំងមានការបញ្ជាក់ពីវត្តមាន និងកាលបរិច្ឆេតនៃប្រកាសចេញរបស់ស្មាតហ្វូននេះថែមទៀតផង។
យោងតាមការទម្លាយរបស់ប្រភពខាងលើនេះ បានអោយដឹងថា ក្រុមហ៊ុន Huawei មានគម្រោងនឹងប្រកាសចេញនូវស្មាតហ្វូនបត់បានជំនាន់ថ្មីនេះ នៅខែធ្នូរឆ្នាំ 2022 ខាងមុខនេះហើយ។ ហើយព្រឹត្តិការណ៌នេះ នឹងមានវត្តមានស្មាតហ្វូនបត់បានជំនាន់ថ្មី Huawei Mate X3 រួមជាមួយនិងកាសស្តាប់ Freebuds 5 ជំនាន់ថ្មីផងដែរ។ អ្នកទម្លាយរូបនេះបានបន្តថា Huawei Mate X3 នឹងមានតម្លៃធូជាងម៉ូដែលមុនៗ ហើយនិងមានទម្ងន់ស្រាល រួមជាមួយនិងកម្រ៉ាស់ស្តើងជាងមុនដូចគ្នា។
បើតាមការបញ្ជាក់ពីប្រភពបែកធ្លាយខាងលើនេះ គឺបានបន្ថែមថា ស្មាតហ្វូនបត់ជំនាន់ថ្មីនេះ គឺត្រូវបានគេធ្វើតេស្តទម្លាក់ និងការជ្រលក់ចូលទឹករួចហើយផងដែ។ ស្មាតហ្វូនបត់បានជំនាន់ថ្មី នឹងមានការបំពាក់ជាមួយនិងគន្លឺះថ្មី ប៉ុន្តែមិនច្បាស់ថា មាន 5G ឬអត់នោះទេ។ Mate X3 អាចមានត្រឹមតែ 4G ប៉ុណ្ណោះ។ ជាមួយគ្នានេះក៏មានការបន្ថែមថា ស្មាតហ្វូននេះ គឺនៅតែប្រើប្រាស់ការឌីស្សាញជាមួយនិងគំរូចាស់ដដែល គឺបត់ចូលក្នុងដូចគ្នាជាមួយនិងម៉ូដែលមុន Mate X2 អញ្ចឹងដែរ។