ក្រុមហ៊ុន Xiaomi ត្រូវបានគេដឹងថា នឹងប្រកាសចេញនូវស្មាតហ្វូនលំដាប់ថ្នាក់ប្រណិតម៉ូដែល Xiaomi 12T Series សម្រាប់ទីផ្សារសកលឆាប់ៗនេះហើយបើតាមព័ត៌មាននោះ គឺបានសសេរថា ស្មាតហ្វូន Xiaomi 12T Series នឹងមានការអាប់ដែតជាមួយនិងបន្ទះឈីបជំនាន់ថ្មី Snapdragon 8+ Gen 1 ថែមទៀតផង។ ស្មាតហ្វូនស៊េរីថ្មីនេះ គឺមានការលេចធ្លាយព័ត៌មានសម្រាប់ទីផ្សារមួយចំនួនរួចមកហើយ។
បន្ថែមពីនេះ ក៏មានការបញ្ជាល់ថា ស្មាតហ្វូននេះ បានបង្ហាញខ្លួននៅបញ្ជីប្រទេសមួយចំនួនរួចហើយ ដូចជាស ស្ថាប័ន FCC, NBTC និង SIRIM រួចហើយ។ នៅពេលនេះស្មាតហ្វូន Xiaomi 12T Pro ក៏ត្រូវបានគេឃើញថា បានឆ្លងកាត់ការបញ្ចុះ Google Play Console រួចហើយ និងថែមទំាំងមានការបញ្ចេញនូវព័ត៌មានលក្ខណៈសម្បត្តិមួយចំនួនថែមទៀតផង។
ជាមួយគ្នានេះ នៅលើបញ្ជីនេះ គឺបានបង្ហាញថា ស្មាតហ្វូនស៊េរីថ្មីនេះ គឺមានេក្រង់បង្ហាញចេញបាន 1220x2712pixels និងមានកម្រិត 480ppi។ បន្ថែមពីនេះក៏មានការបញ្ជាក់ថា ស្មាតហ្វូននេះ ប្រើឈីប octa-core CPU ជាមួយនិងកម្លាំងរត់ចាប់ពី 2GHz to 3.2GHz ហើយឈីបនេះ គឺមានការអមដំណើរជាមួយនិងក្រាហ្វិកកាត Qualcomm Adreno 730 GPU onboard។ បន្ទះឈីបនេះ គឺជាបន្ទះឈីប ជំនាន់ថ្មី Snapdragon 8+ Gen 1។ បន្ទះឈីបនេះ គឺមានការអមដំណើរជាមួយរ៉េមទំហំ 12GB និងរត់នៅលើប្រព័ន្ធប្រតិបិត្តិការ Android 12។
ប្រភពខាងលើបានបន្តថា Xiaomi 12T Pro ត្រូវបានគេនិយាយថា គឺជាស្មាតហ្វូនថ្មីមួយដែលបាន Rebranded ពីម៉ូដែល Redmi K50 Ultra។ ស្មាតហ្វូននេះមានអេក្រង់ AMOLED ទំហំ 6.67-អ៊ីង បង្ហាញចេញបានកម្រិត 1.5K និងមានការទ្រទ្រង់បានជាមួយល្បឿន 120Hz refresh rate។ អេក្រង់នេះ មានភ្ជាប់នូវ Dolby Vision និងបច្ចេកវិទ្យាស្កែនម្រាមដៃនៅលើអេក្រង់ ហើយនិងមានការឌីស្សាញជាមួយស្ទីលរន្ធ Punch-Hole ព្រមទាំងមានកាមេរ៉ាមុចទំហំ 20MP។
Xiaomi 12T Pro នឹងមានកាមេរ៉ាក្រោយចំនូន 3 គ្រាប់ ដោយកាមេរ៉ាគោលមានទំញហំ 200MP Samsung HP1 sensor ខណៈដែល Redmi K50 Ultra ប្រើត្រឹមតែទំហំ 108MP ប៉ុណ្ណោះ។ ស្មាតហ្វូន 12T Pro 5G ទំនងជានឹងមានថ្មទំហំ 5000mAh គំាទ្រកម្លាំងសាកល្បឿន 120W fast charging ហើយស្មាតហ្វូន 12T Pro អាចនឹងមានអង្គចងចាំទំហំ 256GB និងរ៉េមទំហំ 12GB។