ក្រុមហ៊ុន Xiaomi ត្រូវបានគេដឹងច្បាស់ថា នឹងប្រកាសចេញនូវស្មាតហ្វូនជំនាន់ថ្មីរបស់ Xiaomi CIVI នៅក្នុងពេលឆាប់ៗនេះហើយ។ ក្រុមហ៊ុននេះ ក៏បានបញ្ជាក់ថា ស្មាតហ្វូន Xiaomi CIVI 2 នឹងមានវត្តមាននៅលើទីផ្សារប្រទេសចិននាថ្ងៃទី 27 ខែកញ្ញាខាងមុខនេះដូចគ្នា។ ថ្មីៗនេះមានលេចចេញនូវរបាយការណ៌ថា ស្មាតហ្វូន CIVI 2 ក៏នឹងបង្ហាញខ្លួននៅលើទីផ្សារសកលផងដែរ ប៉ុន្តែនឹងមានប្រើប្រាស់ឈ្មោះផ្សេងពីនេះ។ នៅមុនការមកដល់នេះ ក៏មានការបញ្ចេញរូបភាពផ្លូវការរបស់ស្មាតហ្វូននេះនៅលើអនឡញហើយ។
បើតាមរូបភាពបង្ហាញដោយគណនី Twitter ដែលមានឈ្មោះថា Mirei នោះ គឺបានបង្ហាញយ៉ាងច្បាស់ពីរូបរាង និងការឌីស្សាញរបស់ស្មាតហ្វូននេះ Xiaomi CIVI 2 នេះហើយ។ ផ្នែកខាងក្រោយនៃស្មាតហ្វូននេះ គឺមានការឌីស្សាញស្អាតមែនទែន គឺមានរំលេចនូវឆ្នូតៗពិតជាស្អាតប្លែកខ្លាំងណាស់់ ហើយក្នុងនោះសម្រាប់ម៉ូឌុលកាមេរ៉ាវិញ ក៏បានបញ្ជាញក់ថា មានចំនួន 3 គ្រាប់ រួននិង Flash Module ផងដែរ។ ចំពោះផ្នែកខាងមុខវិញ ស្មាតហ្វូននេះ គឺមានការឌីស្សាញជាមួយនិងគែមស្តើងមែនទែន ហើយសម្រាប់ការឌីស្សាញរន្ធនៅអេក្រង់ មើលទៅគឺដូចគ្នាជាមួយនិង iPhone 14 Pro អញ្ចឹងដែរ គឺមានរាងជា Pill Shape Camera។ ហើយជាមួយនិងរូបភាពបែកធ្លាយនេះ ក៏មានការបញ្ជាក់ច្បាស់ថា ស្មាតហ្វូននេះ នឹងមានការប្រើប្រាស់នូវប្រព័ន្ធស្កែននៅលើអេក្រង់ថែមទៀតផង។
Xiaomi CIVI 2 ត្រូវបានគេរំពឹងថា នឹងមានអេក្រង់ទំហំ 6.56-អ៊ីង OLED បង្ហាញចេញបាន FHD+ ល្បឿន 120Hz display, ប្រើប្រាស់បន្ទះឈីប Snapdragon 7 Gen 1 និងមានរ៉េមទំហំ 12GB ប្រភេទ LPDDR5 RAM និងមានអង្គចងចាំទំហំ 256GB ប្រភេទ UFS 3.1 ព្រមទាំងមានថ្មទំហំ 4,500mAh ដែលគាំទ្រដោយកម្លាំងសាក 67W fast charging ផងដែអ
ស្មាតហ្វូននេះ នឹងមានកាមេរ៉ាមុខភ្លោះទំហំ 32-Megapixel ហើយនិងមានកាមេរ៉ាគោលទំហំ 50-Megapixel (OIS)+8-Megapixel (ultra-wide)+2-Megapixel (macro)។ ស្មាតហ្វូននេះរត់ជាមួយ Android 12 OS ផ្អែកលើ MIUI 13។ សម្រាប់រូបរាងវិញ គឺមានការបញ្ជាក់ច្បាស់ហើយថា នឹងមានកម្រ៉ាស 7.23mm និងទម្ងន់ 171 grams។
