ក្រុមហ៊ុន Oukitel បានផ្តល់នូវតម្លៃយ៉ាងពិសេសសម្រាប់ស្មាតហ្វូន WP 19 ចុងក្រោយបំផុតរបស់ខ្លួន។ ស្មាតហ្វូននេះ គឺជាស្មាតហ្វូនដែលមានថាមពលថ្មធំបំផុតរបស់ពិភពលោកដែលមានទំហំដល់ទៅ 21000mAh ដែលពេលនេះមានការចុះតម្លៃដល់ទៅ 15% នៅលើវេបសាយ Amazon នៅក្នុងសហរដ្ឋអាមេរិក។ ស្មាតហ្វូននេះមានតម្លៃលក់រាយ $449 ហើយពេលនេះវាមានតម្លៃត្រឹមតែ $382.49 ប៉ុណ្ណោះ។ ការលក់ជូនតម្លៃយ៉ាងពិសេសនេះគឺបញ្ចប់នៅត្រឹមថ្ងៃទី 9 ខែតុលា ឆ្នាំ 2022 នេះប៉ុណ្ណោះ។
មុខងារពិសេសមួយនៅក្នុងចំនោមមុខងារពិសេសជាច្រើនរបស់ស្មាតហ្វូន Oukitel WP19 នេះគឺថាមពលថ្មធំរបស់វា។ វាមានថ្មដល់ទៅ 21000mAh ដែលធំជាងស្មាតហ្វូនធម្មតាដល់ទៅ 4 ដង។ ថាមពលថ្មនេះសាកថ្មម្តងប្រើប្រាស់បានដល់ទៅ 7 ថ្ងៃនេះគឺដោយសារតែបច្ចេកវិទ្យា 33W fast charger ដែលអាចសាកថ្មនេះចេញពី 0% ទៅដល់ 80% នៅក្នុងពេលត្រឹមតែ 3 ម៉ោងប៉ុណ្ណោះ។ បន្ថែមពីនេះទៀតនោះ សម្រាប់បច្ចេកវិទ្យា reverse charging បានធ្វើអោយស្មាតហ្វូននេះអាចប្រើប្រាស់ជា Mini Power Bank បានផងដែរ។
ស្មាតហ្វូន Oukitel WP19 នេះមានអេក្រង់ទំហំ 6.79 អ៊ីង FHD+ ជាមួយនឹង 397 (PPI) និង 90Hz Refresh Rate។ ស្មាតហ្វូននេះប្រើប្រាស់នូវបន្ទះឈីប MediaTek Helio G95, រ៉េមទំហំ 8GB និងម៉េមូរីទំហំ 256GB ROM។ ស្មាតហ្វូននេះប្រើប្រាស់នូវ IP68 & IP69K & MIL-STD-810H ។ ស្មាតហ្វូននេះមានមុខងារពិសេសៗជាច្រើនដូចជា Fingerprint & Face ID, NFC Google Pay, customized key និងជាច្រើនទៀត។
ស្មាតហ្វូននេះ មានកាមេរ៉ាគោល SAMSUNG 64MP និង SONY IMX350 20MP Night vision sensor ដែលអាចជួយអ្នកថតរូបភាពបានច្បាស់នៅទីងងឹត។ បន្ថែមពីនេះទៀតនោះ វាក៏មាន 4 Infrared Radiation Emitters នៅផ្នែកខាងក្រោយដែលអាចថតរូបភាពបានច្បាស់ដល់ទៅ 20 ម៉ែត្រថែមទៀតផង៕