ក្រុមហ៊ុន Samsung ត្រូវបានគេបញ្ជាក់ថា នឹងមានការប្រកាសចេញនូវស្មាតហ្វុនអេក្រង់បត់បានជំនាន់ទី 6 នៃត្រកូល Galaxy Z-Series នៅក្នុងខែកក្កដាខាងមុខនេះហើយ។ ស្របពេលដែលមានការលើកឡើងនោះ ពាក្យចចាមអារ៉ាម និង ការបែកធ្លាយរបស់ស្មាតហ្វូនអេក្រង់បត់បាននេះ ក៏មានការបែកធ្លាយជាច្រើនរួចមកហើយ។
យោងតាមការបញ្ជាក់នៅថ្ងៃនេះ បានបញ្ជាក់ថា ស្មាតហ្វូនអេក្រង់បត់បាន Galaxy Z Fold 6 និង Z Flip 6 បានឆ្លងកាត់ការចុះបញ្ជី 3C នៅក្នុងប្រទេសចិន ហើយ។ នៅលើបញ្ជីនេះ ក៏មានការបង្ហាញទៀតថា ស្មាតហ្វូនអេក្រង់បត់បានជំនាន់ថ្មី Galaxy Z Fold 6 និង Z Flip 6 គឺមិនមានការប្រើប្រាស់បច្ចេកវិទ្យាសាកល្បឿនលឿននោះទេ សម្រាប់ឆ្នាំនេះនោះទេ។
នៅលើបញ្ជី 3C certification នេះ ថែមទាំងមានការបង្ហាញទៀតថា ស្មាតហ្វូនអេក្រង់បត់បាន Samsung Galaxy Z Flip 6 គឺមានលេខម៉ូដែល SM-F9560 ខណៈដែលស្មាតហ្វូនអេក្រង់បត់បាន Z Fold 6 គឺមានលេខម៉ូដែល SM-F7410។ ផ្អែកលើររបាយការណ៌នៃបញ្ជីខាងលើនេះ ក៏មានការបញ្ជាក់បន្ថែមទៀតថ ស្មាតហ្វូនអេក្រង់បត់បានជំនាន់ថ្មីនេះ គឺនឹងការប្រើប្រាស់នូវឆ្នាំងសាក Samsung ដែលមានលេខម៉ូដែល EP-TA800។ ឆ្នាំងសាកនេះ នឹងមានកម្លាំងសាកត្រឹមតែ 25W ប៉ុណ្ណោះ។
សូមជំរាបថា គិតចាប់តាំងពីមុនមក ក្រុមហ៊ុន Samsung បានកំណត់នូវការប្រើប្រាស់បច្ចេកវិទ្យាសាកថ្មល្បឿនត្រឹមតែ 25W ប៉ុណ្ណោះសម្រាប់ស្មាតហ្វូនអេក្រង់បត់បាននៃត្រកូល Galaxy Z។ ដូច្នេះជាមួយនិងវត្តមានរបស់ស្មាតហ្វូនអេក្រង់បត់បាន ជំនាន់ថ្មីទី 6 នេះ មានភាគរយច្រើន ដែលក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ ក៏នឹងនៅតែបន្តប្រើប្រាស់នូវកម្លាំង ប៉ុនគ្នាជាមួយនិងជំនាន់មុនដដែល។
គួរបញ្ជាក់ថា កាលពីដើមខែនេះ ក៏មានព័ត៌មានថ្មីមួយបានបញ្ជាក់ថា ថាមពលថ្ម ដែលមានប្រើប្រាស់នៅលើស្មាតហ្វូន អេក្រង់បត់បាន Galaxy Z Fold 6 និង Flip 6 គឺបានឆ្លងកាត់ការបញ្ជាក់ពីវិញ្ញាបនបត្រសុវត្ថិភាពរបស់កូរ៉េខាងត្បូងរួចហើយ។ ស្មាតហ្វូនអេក្រង់បត់បាននេះ គឺមានថាមពលថ្មភ្លោះ។ ហើយសម្រាប់ការឌីស្សាញរូបរាងរបស់ស្មាតហ្វូនអេក្រង់បត់បាន Galaxy Z Fold 6 នឹងរាងជ្រុង ខណៈដែល Z Flip 6 នឹងមិនមានប្តូររូបរាងនោះទេ។ ស្មាតហ្វូនអេក្រង់បត់នេះ ក៏ធ្លាប់មានការទម្លាយថា នឹងមានស៊ុមជុំវិញ ឌីស្សាញចេញពី Titanium ផងដែរ។
