កាលពីសប្តាហ៍មុននេះ ក្រុមហ៊ុន realme ទើបតែប្រកាសចេញនូវស្មាតហ្វូនជំនាន់ថ្មីរបស់ខ្លួនម៉ូដែល P1 និង P1 Pro ហើយនៅថ្ងៃនេះ ក្រុមហ៊ុនបច្ចេកវិទ្យារបស់ចិននេះ បានបន្តបង្ហាញនូវស្មាតហ្វូនចំនួន 2 បន្ថែមទៀតហើយ គឺម៉ូដែល Narzo 70 និងNarzo 70x។ ខាងក្រោមនេះ គឺជាលក្ខណៈសម្បត្តិទូទៅរបស់ស្មាតហ្វូនជំនាន់ថ្មីទាំងពីរនេះ៖
ស្មាតហ្វូន realme Narzo 70
ស្មាតហ្វូន realme Narzo 70 ដំណើរការនៅលើបន្ទះបន្ទះឈីប Dimensity 7050 SoC អមរួមជាមួយនឹងរ៉េមទំហំ 8GB និងនិងមានអង្គចងចាំទំហំ 128GB។ នៅលើស្មាតហ្វូននេះ គឺមានការប្រើប្រាស់នូវប្រព័ន្ធប្រតិបត្តិការ Android 14 ផ្អែកលើស្បែកមុខកម្មវិធី realme UI 5.0 ហើយនឹងអាចធ្វើការ upgrade បានដល់ទៅ 2 ឆ្នាំទៅលើ Android OS និងការអាប់ដេតសុវត្ថិភាពបានដល់ទៅ 3 ឆ្នាំ។
ស្មាតហ្វូន realme Narzo 70 មានអេក្រង់ទំហំ 6.67 អ៊ីង កម្រិត FullHD+ ល្បឿន 120Hz AMOLED គាំទ្រជាមួយនឹងកម្រិតពន្លឺ 1,200 nits ហើយថែមទាំងមានការប្រើប្រាស់នូវបច្ចេកវិទ្យា Rainwater Smart Touch រួមនិងប្រព័ន្ធស្កេនក្រយ៉ៅដៃក្រោមអេក្រង់ថែមទៀតផង។ អេក្រង់របស់ស្មាតហ្វូននេះ មានរន្ធប្រហោង punch-hole នៅកណ្តាលជាមួយនឹងកាមេរ៉ាទំហំ 16MP ខណៈពេលដែលកាមេរ៉ាគោល គឺមានទំហំ 50MP និងមួយគ្រាប់ទៀតមានទំហំ 2MP depth។
ស្មាតហ្វូន realme Narzo 70 មានថាមពលថ្មទំហំ 5,000mAh គាំទ្រដោយនឹងរន្ធផត USB-C port និងមានកម្លាំងសាក កម្រិត 45W។ សម្រាប់ការសាកនៅលើស្មាតហ្វូននេះ 27 នាទី ទទួលបានបានថ្ម 50% និងសាក 61 នាទី បានដល់ទៅ 100%។ នៅលើស្មាតហ្វូននេះ ក៏មានទ្រទ្រង់ទៅលើបច្ចេកវិទ្យាសាក reverse wired charging ផងដែរ។ បន្ថែមពីនេះនៅលើស្មាតហ្វូន realme Narzo 70 នេះ ក៏មានលក្ខណៈពិសេសជាច្រើនទៀតផងដែរ ក្នុងនោះមានដូចជា បច្ចេកវិទ្យា 5G, IP54 rating, 3.5mm headphone jack, Hi-Res Audio និង dual stereo speakers ។ ស្មាតហ្វូននេះក៏មានបំពាក់នូវ Mini Capsule 2.0 ថែមទៀតផង។
ស្មាតហ្វូន realme Narzo 70 មានពណ៌ Ice Blue និង Olive Green ជាមួយនឹងទំហំ 6GB/128GB និង 8GB/128GB ជាមួយនឹងតម្លៃ INR15,999 ($190/€180) និង INR16,999 ($205/€190)។ ស្មាតហ្វូននេះនឹងលក់នៅក្នុងប្រទេសឥណ្ឌាចាប់ពីថ្ងៃទី 25 ខែមេសានេះ តាមរយៈវេបសាយផ្លូវការរបស់ realme និង Amazon.in ។
ស្មាតហ្វូន realme Narzo 70x
ស្មាតហ្វូន realme Narzo 70x អាចជាម៉ូដែលមួយដែល rebranded ពីស្មាតហ្វូន realme 12x ដែលបង្ហាញខ្លួននៅក្នុងប្រទេសឥណ្ឌា។ ស្មាតហ្វូន realme 12x នៅក្នុងប្រទេសឥណ្ឌានេះ គឺមានពណ៌ Twilight Purple និង Woodland Green ហើយស្មាតហ្វូននេះមាន 3 ទំហំគឺ 4GB/128GB, 6GB/128GB និង 8GB/128GB។ ស្មាតហ្វូន realme Narzo 70x គឺមានពណ៌ Ice Blue និង Forest Green ជាមួយនឹង ២ ទំហំគឺ 4GB/128GB និង 6GB/128GB ។
ស្មាតហ្វូន realme Narzo 70x ដំណើរការនៅលើបន្ទះឈីប Dimensity 6100+ SoC ប្រើប្រាស់នូវស្បែក Realme UI 5.0, និងមានអេក្រង់ទំហំ 6.72 អ៊ីង កម្រិត FullHD+ ល្បឿន 120Hz LCD និងមានថាមពលថ្មទំហំ 5,000 mAh ជាមួយនឹងបច្ចេកវិទ្យាសាកកម្លាំង 45W charging។ ស្មាតហ្វូន Narzo 70x មានប្រព័ន្ធស្កេនក្រយ៉ោដៃនៅចំហៀង និងកាមេរ៉ា 3 គ្រាប់ដែលមានទំហំ 50MP, 2MP depth និង 8MP selfie។ ស្មាតហ្វូននេះមាន 5G។ សម្រាប់តម្លៃស្មាតហ្វូន realme Narzo 70x គឺទំហំ 4GB/128GB មានតម្លៃ INR11,999 ($145/€135) និងទំហំ 6GB/128GB ដែលមានតម្លៃ INR13,499 ($160/€150) ។ ស្មាតហ្វូននេះ នឹងលក់នៅលើវេបសាយផ្លូវការរបស់ realme និង Amazon.in៕
