ក្រុមហ៊ុន Xiaomi ត្រូវបានគេមើលឃើញថា ទើបតែប្រកាសចេកនូវស្មាតហ្វូនថ្នាក់ប្រណិតជំនាន់ថ្មីម៉ូដែល Xiaomi 14 Ultra របស់ខ្លួន ហើយថែមទាំងមានការដាក់លក់នៅលើទីផ្សារសកលថែមទទៀតផង។ នៅថ្ងៃនេះ យោងតាមដំណឹងថ្មីមួយ បានបញ្ជាក់ពីការបែកធ្លាយនូវព័ត៌មានថ្មីមួយចំនួនរបស់ស្មាតហ្វូនថ្នាក់ប្រណិតជំនាន់ថ្មីម៉ូដែល Xiaomi 15 series ថែមទៀតហើយ។ បើមើលទៅលើការទម្លាយចុងក្រោយនេះ គឺបានបញ្ជាក់ពីព័ត៌មានថ្មីនៃកាមេរ៉ា និងលក្ខណៈសម្បត្តិមួយចំនួន ដែលនឹងមានការប្រើប្រាស់នៅលើស្មាតហ្វូននេះហើយ។
ប្រភពកន្លងមក ធ្លាប់បានទម្លាយថា ក្រុមហ៊ុនបច្ចេកវិទ្យាយក្សមួយនេះ គឺនឹងមានប្រកាសចេញនូវស្មាតហ្វូនជំនាន់ថ្មីម៉ូដែល Xiaomi 15 series នៅចុងឆ្នាំនេះហើយ។ យោងតាមអ្នទម្លាយ Digital Chat Station បាននិយាយថា ក្រុមហ៊ុន Xiaomi ថ្មីៗនេះ បាននឹងកំពុងតែធ្វើការនៅលើស្មាតហ្វូនជំនាន់ថ្មីនះហើយ នៅក្នុងថែមទាំងមានការធ្វើតេស្តកាមេរ៉ាថ្មីនៅលើស្មាតហ្វូនថ្មីនេះថែមទៀតផង។ បើតាមការទម្លាយខាងលើនេះ បានបញ្ជាក់ថា ស្មាតហ្វូននេះ នឹងមានការបំពាក់នូវកាមេរ៉ាជំនាន់ថ្មីទំហំ 50-Megapixel periscope sensor។ អ្នកទម្លាយរូបនេះបន្តថា ក្រុមហ៊ុននេះ ក៏បានធ្វើតេស្តទៅលើសិនស័រ high magnification telephoto shooter នៅលើស្មាតហ្វូនថ្មីនេះគ្រប់ម៉ូដែលទាំងអស់ទៀតផង។
Digital Chat Station បានបញ្ជាក់ថា Xiaomi 15 models នឹងមានការបំពាក់នូវបន្ទះឈីបដែលមានលេខម៉ូដែល Qualcomm SM8750 ដែលគេជឿជាក់ថា គឺបន្ទះឈីប Snapdragon 8 Gen 4 SoC។ សូមជំរាបថា ក្រុមហ៊ុន Xiaomi គឺជានិច្ចជាកាល គឺក្រុមហ៊ុនដែលបំពាក់នូវបន្ទះឈីបថ្មីនេះមុនគេ។ ជាមួយគ្នានេះ ផ្អែកលើរបាយការណ៌មុននេះ ក៏ធ្លាប់មានការបញ្ជាក់ Xiaomi 15 នឹងនៅតែប្រើប្រាស់នូវអេក្រង់រាបស្មើរទំហំ 6.36-អ៊ីងដដែល។ ស្មាតហ្វូនថ្មី ក៏ត្រូវបានគេរំពឹងថា ក៏នឹងតម្លើងមកជាមួយនូវប្រព័ន្ធស្កែនម្រាមដៃ ultrasonic in-display fingerprint scanner ផងដែរ។