នៅពេលនេះ ព័ត៌មានថ្មីៗមួយចំនួនដែលនិយាយពីស្មាតហ្វូន Huawei Nova 13 Series ត្រូវបានបញ្ជាក់ចេញហើយ ដោយក្នុងការទម្លាយថ្មីនេះ បាននិយាយថា ស្មាតហ្វូនថ្នាក់កណ្តាលជំនាន់ថ្មីទាំងអស់នេះ គឺនឹងអាចទ្រទ្រង់ទៅលើបច្ចេកវិទ្យា 5G ហើយនិងមានការកម្លើងនូវប្រព័ន្ធកាមេរ៉ាមុខភ្លោះ រួមជាមួយនិងអេក្រង់គែមកោងកម្រិត 1.5K ទៀតផង។ ជាមួយគ្នានេះ នៅក្នុងការបែកធ្លាយថ្មីមួយនេះ ក៏មានការបង្ហាញអំពីលក្ខណៈសម្បត្តិរបស់ស្មាតហ្វូន Nova ថ្មីនេះផងដែរ។
យោងតាមអ្នកទម្លាយ @SmartPikachu ដែលបានបង្ហោះនៅលើ Weibo បានបញ្ជាក់ថា គ្រប់ម៉ូឌែលរបស់ស្មាតហ្វូន Huawei Nova 13 series នេះនឹងមានបច្ចេកវិទ្យា 5G។ ប្រសិនបើនេះគឺជាការពិតនោះ ស្មាតហ្វូនថ្នាក់កណ្តាលថ្មី នឹងមានការពង្រឹងច្រើនបើធៀបជាមួយនឹងម៉ូដែលមុននេះ ដែលមានការទ្រទ្រង់ទៅលើបច្ចេកវិទ្យា 5G សម្រាប់តែម៉ូដែល High-end ប៉ុណ្ណោះ។ ស្មាតហ្វូនទាំងនេះ អាចនឹងប្រើប្រាស់នូវកម្រិតភាពច្បាស់ 1.5K និងគែមកោងបន្តិច។
អេក្រង់ស្មាតហ្វូន Nova 13 series ថ្មីនេះ ក៏អាចនឹងមានកម្រិត response time លឿន និងគាំទ្រជាមួយនឹងកម្រិត dynamic range visual renderings ខ្ពស់ផងដែរ។ ស្មាតហ្វូន Huawei Nova 13 series នេះ គឺនឹងមានកាមេរ៉ាភ្លោះខាងមុខ ដូចអ្វីដែលក្រុមហ៊ុននេះធ្លាប់បានបង្ហាញនូវកាមេរ៉ាភ្លោះ dual lenses នៅលើស្មាតហ្វូន Nova 12 ដែលបំពាក់នូវ close-up sensor កម្រិតខ្ពស់ និងថតរូបភាព portraits បានច្បាស់លម្អិត។ ស្មាតហ្វូន Nova ថ្មីនេះ ក៏នឹងមានការពង្រឹងកាន់តែប្រសើរច្រើនទៅលើលក្ខណៈសម្បត្តិផ្សេងទៀតផងដែរ។
យោងតាមរបាយការណ៍មុននេះ ធ្លាប់បានបញ្ជាក់ថា ក្រុមហ៊ុនបច្ចេកវិទ្យាយក្សរបស់ចិននេះ អាចនឹងប្រើប្រាស់នូវបន្ទះឈីប Kirin 9010 ដែលរកឃើញប្រើប្រាស់នៅលើស្មាតហ្វូន High-end នៃ Pura 70 series ។បន្ទះឈីបនេះនឹងមានការពង្រឹងទៅលើសមត្ថភាពកាន់តែខ្លាំងក្លានៅលើស្មាតហ្វូននេះ។ នៅក្នុងព្រឹត្តិការណ៍ HDC (Huawei Developer Conference) 2024 ក្រុមហ៊ុននេះ ក៏អាចនឹងប្រកាសនូវ HarmonyOS NEXT beta version ផងដែរ ហើយព្រឹត្តិការណ៍នេះ អាចនឹងធ្វើឡើងនៅក្នុងខែមិថុនាឆ្នាំនេះ៕
