នៅថ្ងៃនេះ Huawei បានចេញមកបញ្ជាក់ច្បាស់ហើយថា Huawei Pura 80 Series សម្ពោធជាផ្លូវការណ៌នៅថ្ងៃទី 11 ខែមិថុនានេះរួមជាមួយនិងផលិតផល Smart Products ជាច្រើនថែមទៀតផង។ បើតាមការបង្ហោះរូបភាពថ្មីមួយ គឺបានសសេរថា “See beyond with foresight”, ដោយក្រុមហ៊ុននេះ មានការផ្តោតខ្លាំងមែនទែនទៅលើការផលិតរូបភាព និងវីដេអូនៅលើស្មាតហ្វូន Pura Series ថ្មីនេះ។
នៅក្នុងរូបភាពផ្សព្វផ្សាយនេះ គឺមានបង្ហាញនូវឡែនកាមេរ៉ាចំនួន 2 ដែលបញ្ជាក់បានកាន់តែច្បាស់ថា ក្រុមហ៊ុននេះ គឺពិតជាមានគោលដៅផ្តោតខ្លាំងទៅលើការផលិតរូបភាពនៅលើស្មាតហ្វូនជំនាន់ថ្មីរបស់ខ្លួន។ រូបភាពថ្មីនេះ ហាក់បីចង់បញ្ជាក់ថា នៅលើស្មាតហ្វូនថ្មីនេះ គឺនឹងមានការបំពាក់នូវឡែន Periscope-Style Telephoto Lenses ក៏ដូចជាមានភាពស៊ីសង្វាក់គ្នាជាមួយនិងការបែកធ្លាយកន្លងមកអញ្ចឹងដែរ។ បើតាមការបែកធ្លាយចុងក្រោយនេះ គឺមានការបញ្ជាក់ថា ប្រព័ន្ធកាមេរ៉ា Dual-Periscope Zoom System គឺអាចនឹងទុកប្រើប្រាស់ជាមួយនិងស្មាតហ្វូនម៉ូដែល Ultra តែមួយប៉ុណ្ណោះ។
យោងតាមរបាយការណ៌មនុននេះ មានការទម្លាយថា Huawei Pura 80 Ultra នឹងមានការបង្ហាញខ្លួនជាមួយនិងសិនស័រទំហំ 1-អ៊ីង LOFIC CMOS sensor ដែលមានការអភិវឌ្ឍឡើងដោយ SmartSens (model SC5A0CS) ដោយសិនស័រននេះ គឺនឹងមានការប្រើប្រាស់ជាមួយនិងបច្ចេកវិទ្យា RYYB pixel arrangement របស់ Huawei បានយ៉ាងល្អបំផុត។ សិនស័រនេះ នឹងជួយពន្លឺបានកាន់តែខ្លាំងសម្រាប់ការផលិតរូបភាពកម្រិត low-light sensitivity។
បន្ថែមពីនេះ សម្រាប់ម៉ូដែល Ultra ត្រូវបានគេនិយាយថា នឹងមានការបំពាក់នូវកាមេរ៉ាទំហំ50-megapixel សិនស័រ 1/1.3-inch Periscope Telephoto Lens ដែលត្រូវបានគេស្គាល់ច្បាស់ថា គឺជាសិនស័រធំជាងគេបំផុតនៅលើកាមេរ៉ាស្មាតហ្វូន ដែលមានលក់នៅលើទីផ្សារនាពេលបច្ចុប្បន្ន។ ជាមួយនិងការដាក់បញ្ចូលនូវបច្ចេកវិទ្យាថ្មីៗ និងសិនស័រថ្មី គឺនឹងធ្វើអោយស្មាតហ្វូនជំនាន់ថ្មី Pura 80 Ultra កា្លយជាស្មាតហ្វូនដែលមានកាមេរ៉ាកាន់តែខ្លាំង ហើយនិងការហ៊្សូមចាប់រូបភាពបានកាន់តែច្បាស់ជាងជំនានមុនជាក់ជាមិនខាន។
សម្រាប់វត្តមានស្មាតហ្វូនជំនាន់ថ្មីរបស់ Pura Series នេះ ក្រៅតែពីមានម៉ូដែល Ultra ហើយក្រុមហ៊ុននេះ ក៏មានការប្រកាសចេញនូវម៉ូដែលផ្សេងៗទៀតរួមានដូចជា Pura 80, Pura 80 Pro និង Pura 80 Pro+ ផងដែរ។ ស្មាតហ្វូនទាំង 4 ម៉ូដែលនេះ គឺនឹងមានដាក់មកជាស្រេចនូវមុខងា Maple Original Colour Imaging technology ជំនាន់ថ្មីរបស់ Huawei ទៀតផង ដោយមុខងារនេះ អាចនិយាយបានថា គឺជំនាន់ទី 2 ដែលមានការអាប់ដែតខ្លាំងបំផុត។
