ថ្មីៗនេះ ក្រុមហ៊ុនផលិតរថយន្ត Rox Motor បានធ្វើការប្រកាសចេញលក់រថយន្ត SUV ប្រភេទ range-extender off-road SUV ម៉ូដែល Polestones Adamas ម៉ូដែលថ្មីនៅទីផ្សារប្រទេសចិនជាមួយជម្រើសពីរម៉ូដែលផ្សេងគ្នា ហើយមានតម្លៃចាប់ពីខ្ទង់ប្រហែល $49,800 ដល់ $51,200។ ឡាន EREV SUV ម៉ូដែលថ្មីនេះ គឺត្រូវបានធ្វើបច្ចុប្បន្នភាពថ្មីចេញពីម៉ូដែល Polestones 01 ដែលជា SUV មានជម្រើស 6-កៅអី និង 7-កៅអី ដែលមានរយះចម្ងាយបើកបរសរុបបានដល់ 1,405km។
.jpg)
សូមបញ្ជាក់ថា កាលពីខែតុលា ឆ្នាំ 2025 ក្រុមហ៊ុន Rox Motor បានធ្វើការប្រកាសចេញលក់ Polestones Adamas រួចហើយនៅឯទីផ្សារមជ្ឈិមបូព៌ា អារ៉ាប់រួម កាតា និងអារ៉ាប៊ីសាអូឌីត និងទទួលបានការបញ្ជាទិញមុនចំនួន 2,000 គ្រឿងក្នុងរយះពេលត្រឹមមួយខែ។
ដោយនៅទីផ្សាមជ្ឈឹមបូព៌ា Rox ក៏បានធ្វើការប្រកាសចេញម៉ូដែលពិសេសមួយដែលមានឈ្មោះថា Polestones Adamas Royal Edition ដែលមានតម្លៃដល់ទៅ $142,100 ថែមទៀតផង។ Polestones Adamas នឹងតែបន្តប្រើប្រាស់ DNA នៃការឌីស្សាញរូបរាងក្រៅបែប boxy design style ដូចគ្នានឹង Polestones 01 ដដែល។ Polestones Adamas ស្ថិននៅក្នុងស្រឡាយអម្បូររថយន្ត off-road SUV ប្រភេទ mid-to-large sized ដោយមានប្រវែងតួរខ្លួន 5,050mm ឬ 5,298mm/ ទទឹង 1,985mm/ កំពស់ 1,869mm ឬ 1,856mm ជាមួយគម្លាតចន្លោះកង់មុខទៅកង់ក្រោយ 3,010mm។
Polestones Adamas មានជម្រើសពណ៌ខាងក្រៅចំនួន 5 ពណ៌មានដូចជា ពណ៌ប្រផេះ, ពណ៌ស, ពណ៌បៃតង, ពណ៌មាស និងពណ៌ខ្មៅ។ រីខាងក្នុងមានជម្រើស 4 ពណ៌ ដូចជាពណ៌ស ពណ៌ទឹកក្រូច ពណ៌ស្វាយ និងពណ៌ខ្មៅ។ នៅកាប៊ីនខាងក្នុងមានបំពាក់មកជាមួយអេក្រង់បង្ហាញព័ត៌មានប្រភេទ LCD ទំហំ 12.3-inch, អេក្រង់កម្សាន្តទំហំធំដល់ 15.7-inch ដំណើរការដោយប្រព័ន្ធ Rox OS ហើយដៃចង្កូតឌីស្សាញឡើងអាចធ្វើការសេរេកំណត់បានតាមរបៀបក្នុងការបើកបរ។
បន្ថែមពីនេះ វាក៏មានអេក្រង់កម្សាន្តភ្ជាប់នៅលើដំបូលទំហំ 15.7-inch កម្រិតបង្ហា 3K មួយទៀតផងដែរសម្រាប់អ្នកអង្គុយកៅអីជួរក្រោយប្រើប្រាស់ទស្សនាកម្សាន្ត។ ចំនែកកៅអីវិញ ត្រូវបានស្រោបដោយស្បែក Nappa Leather ដោយមានមុខងារកម្តៅ និងខ្យល់ត្រជាក់, ប្រព័ន្ធពោងសុវត្ថិភាព 8 គ្រាប់, ទូរទឹកកកចំណុះ 8.5L, Speaker ចំនួន 24 គ្រាប់ និងការបញ្ជាដោយសំឡេង AI Voice Assistant ទៀតផង។
Polestones Adamas មានបំពាក់មកជាមួយមួយម៉ាស៊ីនប្រភេទ 1.5T កម្លាំង 145 សេះ សម្រាប់ប្រព័ន្ធមុខងារ range-extender រួមនឹងកញ្ចប់ថ្មទំហំ 44.5kW ប្រភេទ ternary lithium battery ដែលសាកភ្លើងពេញម្តងអាចបើកដោយប្រើអគ្គិសនីសុទ្ធបានចម្ងាយ 215km និងដល់ចម្ងាយ 1,405km នៅពេលប្រើគូបជាមួយម៉ាស៊ីនចាក់សាំងពេញម្តង។ ចំពោះម៉ូដែលប្រើប៉ុងមួយ (FWD) ដំណើរការដោយម៉ូទ័រអគ្គិសនីកម្លាំងបាន 201 សេះ ខណៈម៉ូដែលប្រើប៉ុងពីរ (AWD) បានបំពាក់បន្ថែមម៉ូទ័រអគ្គិសនីកម្លាំង 268សេះមួយទៀត ដែលធ្វើឲ្យម៉ូដែល AWD មានកម្លាំងសរុបបាន 469 សេះ និងអាចជាន់ស្ទុះល្បឿនពី 0 ទៅ 100km/h ចាយពេលខ្ទង់ 5.5 វិនាទី។
Polestones Adamas នៅមានបំពាក់នូវប្រព័ន្ធប៊ូមខ្យល់ប្រភេទ closed-loop air suspension system ដែលអាចដំឡើងកម្ពស់រថយន្តបានដល់ 140mm ដែលធ្វើឲ្យកម្ពស់ពីបាតរថយន្តធៀបនឹងផ្ទៃដៃអតិបរិមាដល់ 770mm ដែលធ្វើឲ្យឡាន Off-road SUV នេះអាចឡើងចំណោតបានក្នុងកម្រិតមុំ 45 ដឺក្រេ ព្រមជាមួយនឹងមុខងារកំណត់ការបើកបររហូតដល់ទៅ 7 មុខងារផ្សេងគ្នាតម្រូវតាមស្ថានភាពផ្លូវ។
សម្រាប់ប្រព័ន្ធសុវត្ថិភាពជំនួយការបើកបរវិញ Polestones Adamas មានភ្ជាប់មកជាមួយប្រព័ន្ធ advanced driving assistance system ដែលភ្ជាប់ដំណើរការដោយប្រព័ន្ធសែនស័រ millimeter-wave radars 3 គ្រាប់, កាមេរ៉ា 11 គ្រាប់ និង Ultrasonic radar 12 គ្រាប់ ហើយនិងគាំទ្រដោយបន្ទះឈីប Journey J6M ផលិតដោយក្រុមហ៊ុន Horizon Robotics៕
