យោងតាមរបស់ Motor1 នៅថ្ងៃនេះ បានបញ្ជាក់ថា រថយន្ត Mustang លេខរៀងទី 10 លាន នេះ បានចាប់ផ្តើមដំណើរការនៅក្នុងរោងចក្រ Flat Rock របស់ក្រុមហ៊ុន Ford នៅក្នុងទីក្រុង Michigan ហើយរថយន្តនេះ ក៏នឹងបង្ហាញខ្លួននៅក្នុងព្រឹត្តិការណ៍ពិសេសមួយនៅថ្ងៃពុធ ទី 8 ខែសីហានេះ។ ប៉ុន្តែអ្នកប្រហែលជាមិនចាំបាច់រង់ចាំរហូតទាល់តែពេលនោះទេ ដោយសារតែលោក Evan J. Smith ប្រធានផ្នែកទស្សនាវដ្តីរបស់ Muscle Mustangs & Fast Fords ទើបតែបង្ហោះនូវរូបភាពបែកធ្លាយជាច្រើនសន្លឹកនៅលើបណ្តាញសង្គម Instagram ដែលមានការបង្ហាញអំពីរថយន្ត Mustang មុនព្រឹត្តិការណ៍សម្ភោធន៍ជាផ្លូវការរបស់ខ្លួននោះ។
សម្រាប់រូបភាពជាច្រើនបង្ហាញថា នេះគឺជារថយន្ត Mustang លេខរៀងទី 10 លាន ដែលមានការផ្លាស់ប្តូររូបរាងកាន់តែស្រស់ស្អាតប្រណិតបំផុត។ ដូចគ្នាទៅនឹងម៉ូដែលស្តង់ដារដែរ រថយន្តនេះប្រើប្រាស់នូវកម្លាំងម៉ាស៊ីន 5.0-liter Coyote V8 របស់ក្រុមហ៊ុន Ford គឺមានកម្លាំងម៉ាស៊ីនដល់ទៅ 460 សេះ។ រថយន្ត GT Convertibles ទាំងអស់នឹងបង្ហាញខ្លួនជាប្រភេទរថយន្ត Premium trim ដែលមានការប្រើប្រាស់នូវកៅអីស្បែកដែលអាចគ្រប់គ្រងទៅលើសីតុណ្ហភាពជាមួយនឹងប្រព័ន្ធ Ford’s SYNC 3 system និងប្រព័ន្ធស្តេរីអូ Speaker ចំនួន 9 ថែមទៀត។ នេះគឺជាម៉ូដែលដ៏ប្រណិតដែលមានពណ៌សប្លែកស្រស់ស្អាតមិនធម្មតានោះទេ។
លោក Smith បាននិយាយថា រថយន្ត Mustang នេះ នឹងបង្ហាញខ្លួនជាមួយនឹងពណ៌ Wimbledon White ដែលនៅមិនទាន់ប្រើប្រាស់សម្រាប់ម៉ូដែលនៅក្នុងឆ្នាំ 2019 នេះទេ។ សម្រាប់រថយន្ត Mustang ដំបូងបំផុតនេះនឹងដាក់លក់ជាមួយនឹងពណ៌សដែលផលិតឡើងសម្រាប់ម៉ូដែលពិសេសនេះ។ សម្រាប់ម៉ូដែលដំបូងបំផុតរបស់រថយន្ត Mustang នេះគឺមានពណ៌ខៀវដែលបង្ហាញខ្លួននៅក្នុងឆ្នាំ 1965 នោះ។ គួរបញ្ជាក់ផងដែរថា នៅក្នុងបណ្តាញសង្គម Instagram ក៏មានការបង្ហោះជាមួយនឹងការប្រើប្រាស់នូវ hashtag “#notforsale” ដែលមានន័យថា រថយន្តស៊េរីថ្មីនេះនឹងមិនទាន់ដាក់លក់ជាផ្លូវការនៅឡើយទេ។
ប្រសិនបើអ្នកចង់ឃើញរថយន្តនេះនោះ Motor1 បានអះអាងថា រថយន្តនេះនឹងបង្ហាញវត្តមាននៅក្នុងព្រឹត្តិការណ៍ Woodward Dream Cruise classic នៅក្នុងទីក្រុង Detroit នៅថ្ងៃទី 18 ខែសីហាខាងមុខនេះ។ រថយន្តចំនួន 40,000 គ្រឿង នឹងដាក់បង្ហាញ ហើយក្រុមហ៊ុន Ford នឹងធ្វើការឧបត្ថម្ភនៅក្នុងព្រឹត្តិការណ៍នេះ ផងដែរ។ យើងនឹងរង់ចាំមើលថា នៅសប្តាហ៍នេះក្រុមហ៊ុន Ford នឹងប្រកាសបង្ហាញនូវរថយន្តនេះនៅថ្ងៃពុធនេះ៕