ព្រឹត្តិការណ៍ពិពរណ៍រថយន្ត Detroit Auto Show នៅក្នុងឆ្នាំនេះ គឺមានការបង្ហាញអំពីគំនិតនៃការរចនាទៅលើរថយន្ត Infiniti Q Inspiration Concept ដែលជារថយន្ត Sedan ដ៏អស្ចារ្យ ដែលក្រុមហ៊ុនផលិតរថយន្តមួយនេះនឹងចាប់ផ្តើមសម្រាប់ការរចនាក្នុងពេលអនាគតរបស់ខ្លួន។ ក្រុមហ៊ុន Infiniti ពេលនេះ បានបង្ហាញនូវការរចនាថ្មីមួយទៀតសម្រាប់ការដាក់បង្ហាញទៅកាន់ពិភពលោកនៅក្នុងព្រឹត្តិការណ៍ Detroit Auto Show 2019 ដែលនឹងធ្វើឡើងនៅខែក្រោយនេះ ប៉ុន្តែសម្រាប់ពេលនេះ រថយន្តនេះ គឺជារថយន្តអេឡិចត្រូនិច។
សម្រាប់ព័ត៌មានលម្អិតរបស់រថយន្តស៊េរីថ្មីនេះ យើងនៅមិនទាន់ដឹងនៅឡើយទេអំពីគំនិតមួយនេះនោះ។ ក្រុមហ៊ុនផលិតរថយន្ត Infiniti បាននិយាយថា គំនិតនៃការរចនារថថយន្តនេះ បានបង្ហាញអំពីទម្រង់ថ្មីនៃការរចនារថយន្តអេឡិចត្រូនិចប្រភេទ SUV ។ វាមានការរចនារូបរាងខាងក្នុងយ៉ាងប្រណិត និងមានប្រព័ន្ធជំនួយការអ្នកបើកបរផងដែរ។ នៅមិនទាន់មានព័ត៌មានលម្អិតនោះទេអំពីកម្លាំងម៉ាស៊ីនរបស់រថយន្តនេះ ប៉ុន្តែក្រុមហ៊ុន Infiniti មានគម្រោងក្នុងការប្រើប្រាស់នូវប្រព័ន្ធអេឡិចត្រូនិចនេះសម្រាប់គ្រប់ម៉ូដែលបន្ទាប់ពីឆ្នាំ 2021។
សម្រាប់គ្រប់ម៉ូដែលរថយន្តស៊េរីថ្មីនេះ នឹងប្រើប្រាស់ប្រព័ន្ធអេឡិចត្រូនិច ឬ “e-power” hybrids ច្របាច់បញ្ចូលគ្នាជាមួយនឹងថាមពលថ្មអេឡិចត្រូនិច្ចជាមួយនឹងម៉ាស៊ីនប្រេងឥន្ធនៈតូចមួយដែលសម្រាប់បញ្ចូលថាមពលថ្ម។ សម្រាប់រថយន្ត EV ដំបូងបំផុតរបស់ក្រុមហ៊ុន Infiniti នឹងបង្ហាញខ្លួននៅក្នុងឆ្នាំ 2010 ដែលទំនងជារថយន្ត SUV ដែលគ្រោងនឹងបង្ហាញខ្លួននៅក្នុងព្រឹត្តិការណ៍ Detroit ។
តាមរយៈរូបភាពដែលបែកធ្លាយបញ្ចេញដោយក្រុមហ៊ុន Infiniti នោះ រថយន្ត SUV អេឡិចត្រូនិចនេះគឺមានការជម្រុញពីម៉ូដែល Q និងគំនិតគំរូនៃ Prototype 10 ដែលមានការផ្លាស់ប្តូរច្រើនកាន់តែទាក់ទាញ និងការប្រើប្រាស់អំពូលភ្លើងខាងមុខពីម៉ូដែល Q ផងដែរ។ ក្រុមហ៊ុន Infiniti និយាយថា សម្រាប់សមាសធាតុនៃការរចនាទៅលើរថយន្តនេះនឹងនាំយកនូវចក្ខុវិស័យយ៉ាងពិតប្រាកដសម្រាប់អនាគតរបស់រថយន្ត Infiniti នៃសម័យកាលនៃការរចនារថយន្តអេឡិចត្រូនិចដ៏អស្ចារ្យនេះ។
លោក Karim Habib ប្រធានផ្នែករចនារបស់ក្រុមហ៊ុន Infiniti បាននិយាយថា “សម្រាប់គំនិតនៃរថយន្តស៊េរីថ្មីនេះ នឹងដាក់បង្ហាញនៅក្នុងព្រឹត្តិការណ៍ Detroit ហើយនេះ គឺជាការចាប់ផ្តើមនៃយុគសម័យកាលដំបូងសម្រាប់ក្រុមហ៊ុន Infiniti ហើយយើងអាចទៅកាន់កន្លែងណាដែលយើងចង់ទៅបាន។ ប្រព័ន្ធអេឡិចត្រូនិច និងបច្ចេកវិទ្យាជាច្រើន គឺបំពាក់នៅលើរថយន្តនេះ។”
លោក Roland Krueger អគ្គនាយករបស់ក្រុមហ៊ុននេះ បាននិយាយថា “ឧស្សាហកម្មដែលផ្តោតទៅលើអេឡិចត្រូនិចគឺមានការកើនឡើងខ្លាំង។ ក្រុមហ៊ុន Infiniti ត្រៀមខ្លួនក្នុងការបញ្ចេញនូវរថយន្តស៊េរីថ្មីអេឡិចត្រូនិចដ៏ស្រស់ស្អាតសម្រាប់អតិថិជនជាច្រើននៅជុំវិញពិភពលោក។ យើងនឹងផ្តោតទៅលើការផលិតរថយន្ត e-power និង EVs កាន់តែច្រើនថែមទៀតដែលមានសមត្ថភាពពេញលេញ៕”