រថយន្តអេឡិចត្រូនិច EV ស៊េរីថ្មីចុងក្រោយបំផុតនេះ នឹងធ្វើអោយមានការផ្លាស់ប្តូរដ៏ធំមួយ ដែលនេះ គឺជារថយន្តស៊េរីថ្មីមួយដ៏អស្ចារ្យបំផុតនៅក្នុងចំណោមរថយន្ត Jaguar នៅក្នុងឆ្នាំ 2018 និងឧស្សាហកម្មនៃរថយន្តធុនធំនេះ។ សម្រាប់រថយនុ្ត Jaguar I-Pace នេះ គឺជារថយន្តអគ្គិសនីដំបូងបំផុតរបស់ក្រុមហ៊ុនផលិតរថយន្តរបស់ចក្រភពអង់គ្លេសនេះ ដែលត្រៀមខ្លួនក្នុងការបង្ហាញខ្លួននៅលើទីផ្សារហើយ។ ក្រៅពីការប្រើប្រាស់នូវកម្លាំងម៉ាស៊ីនដ៏ខ្លាំងក្លានោះ រថយន្ត I-Pace គឺជាប្រភេទរថយន្ត Crossover ហើយរថយន្តនេះ គឺមានការរចនារូបរាងជាមួយនឹងប្រជាប្រិយភាពយ៉ាងខ្លាំងនៅក្នុងពេលនេះផងដែរ។
នៅពេលដែលរថយន្តនេះ បង្ហាញខ្លួនជាផ្លូវការនោះ រថយន្តស៊េរីថ្មី I-Pace នឹងមានការជះឥទ្ធិពលយ៉ាងខ្លាំងសម្រាប់អនាគតរបស់រថយន្ត Jaguar នៅក្នុងតំបន់ជាច្រើននៅលើពិភពលោក។ ថ្មីៗនេះ ក្រុមហ៊ុនផលិតរថយន្តនេះ ក៏និយាយជាមួយនឹងលោក Dave Shaw ដែលជាប្រធានវិស្វកររបស់រថយន្ត I-Pace និងរៀនអំពីមេរៀនជាច្រើនដែលក្រុមហ៊ុន Jaguar រៀនសូត្រចេញពីរថយន្តស៊េរីថ្មីនេះដែរ។ លោក Shaw បាននិយាយថា “រថយន្ត EV គឺកំពុងតែត្រៀមខ្លួនក្នុងការបើកផ្លូវសម្រាប់រថយន្តស៊េរីថ្មី Jaguar Land Rover ទៅកាន់ពិភពលោក ហើយវាគឺនឹងមានការផ្លាស់ប្តូរយ៉ាងលឿន។
ជាមួយនឹងបច្ចេកវិទ្យាជាច្រើននោះ វាមិនមានដែនកំណត់សម្រាប់រថយន្តនេះនោះទេ។ អ្នកនឹងអាចប្រើប្រាស់កាន់តែសម្បូរបែបជាមួយនឹងរថយន្តអគ្គិសនីនេះ។” សូមជំរាបថា លោក Shaw គឺជាមនុស្ស ដែលស្ទាក់ស្ទើរដំបូងគេនៅក្នុងការដំណើរការនូវគម្រោងនេះ ប៉ុន្តែក្រោយពេលដែលបើកបរបានចម្ងាយ 20,000 miles ជាមួយនឹងរថយន្ត I-Pace របស់ខ្លួននោះ គាត់ក៏ធ្វើការបម្លែងទៅលើបច្ចេកវិទ្យានេះតែម្តង។ រថយន្ត I-Pace នឹងធ្វើការជម្រុញទៅលើល្បឿននៃតម្រូវការកាន់តែលឿនសម្រាប់ម៉ាកយីហោដែលធ្លាប់តែត្រូវគេរិះគន់នេះ។
“វត្តមាននៃរថយន្ត I-Pace នឹងជម្រុញផ្នែកខាងក្នុងរបស់យើងឆ្ពោះទៅមុខជានិច្ច យើងទទួលស្គាល់ថាអ្វីដែលយើងត្រូវធ្វើសម្រាប់ផ្នែកខាងក្នុងនៃរថយន្ត Jaguar នេះ និងបទពិសោធន៍នៃការប្រើប្រាស់រថយន្ត Jaguar គឺស្ថិតនៅក្រោមការអភិវឌ្ឍ និងភាពគ្មានដែនកំណត់។” តើរថយន្ត F-Type អាចជាជំនាន់បន្ទាប់នៃរថយន្តអេឡិចត្រូនិចមែនទេ? “នៅលើកំណត់ត្រាផ្ទាល់ខ្លួននេះ តើអ្នកណាខ្លះដឹង? នេះគឺជាការផ្តល់នូវឱកាសមួយថ្មីទៀតសម្រាប់ពួកយើងក្នុងការមើលឃើញអំពីអនាគតនៃរថយន្តនេះ។ សម្រាប់រថយន្ត EV នេះ គឺមានដំណើរការយ៉ាងល្អ។” រថយន្តម៉ូដែល Jaguar នេះ គឺអាចធ្វើការប្រកួតប្រជែងជាមួយនឹងរថយន្ត Tesla Model S ឬប្រភេទរថយន្ត Sedan នៃ Model X ផងដែរ៕
