ដូចអ្វីដែលអ្នកដឹងរួចមកហើយនោះ ក្រុមហ៊ុនផលិតរថយន្ត Ford បាននឹងកំពុងតែផ្តោតទៅលើរថយន្ត SUVs, Crossovers និង Trucks សម្រាប់ពេលអនាគតរបស់ខ្លួន ដោយបានធ្វើការកាត់បន្ថយនូវរថយន្ត Sedan ដែលជារថយន្តដឹកអ្នកដំណើររបស់សហរដ្ឋអាមេរិករបស់ខ្លួន ទាំងស្រុងលើកលែងតែប្រភេទ Mustang ប៉ុណ្ណោះ។ ក្នុងឆ្នាំថ្មីនេះ ដើម្បីត្រៀមខ្លួនសម្រាប់រថយន្ត SUV នាពេលខាងមុខនេះ ក្រុមហ៊ុនផលិតរថយន្តដ៏ធំរបស់សហរដ្ឋអាមេរិកមួយនេះ បានប្រកាសថា ខ្លួននឹងចំណាយទឹកប្រាក់ចំនួន 1 ពាន់លានដុល្លារអាមេរិក បន្ថែមទៀត នៅក្នុងរោងចក្រ Chicago Assembly និង Stamping Plants ព្រមទាំងបន្ថែមបន្ថែមការងារថ្មីចំនួន 500 កន្លែងថែមទៀតផង។
ក្រុមហ៊ុន Ford នឹងធ្វើការពង្រីកទៅលើការផលិតរថយន្តរបស់ខ្លួនគឺសម្រាប់រថយន្ត Ford Explorer 2020 ដែលក្នុងនោះមាន Explorer ST និង Explorer Hybrid រួមជាមួយនឹងរថយន្ត Police Interceptor Utility និង Lincoln Aviator ផងដែរ។ សម្រាប់ការបន្ថែមការងារចំនួន 500 កន្លែងនេះ នឹងធ្វើអោយបុគ្គលិកសរុបរបស់រោងចក្រទាំង ២ នេះគឺប្រហែលជា 5800 កន្លែង។ ក្រុមហ៊ុន Ford បាននិយាយថា ការវិនិយោគថ្មីទាំងនេះ នឹងជួយឱ្យក្រុមហ៊ុនផលិតរថយន្តនេះអាចសាងសង់ហាងលក់វត្ថុអនុស្សាវរីយ៍ និងហាងលក់ថ្នាំលាបនៅរោងចក្រ Chicago Assembly និងធ្វើការផ្លាស់ប្តូរកែប្រែនៅក្នុងតំបន់នេះ។
ជាមួយនឹងព័ត៌មានខាងលើ ក្រុមហ៊ុនក៏បាននឹងកំពុងបន្ថែមខ្សែព្រំដែនថ្មីសម្រាប់ការរៀបចំសម្រាប់ប្រភេទរថយន្ត SUV ទាំងបីនេះ ព្រមទាំងបច្ចេកវិទ្យាទំនើបៗនៅរោងចក្រដែលរួមបញ្ចូលទាំងមនុស្សយន្តដែលភ្ជាប់ជាមួយនឹងកាមេរ៉ា ដែលពិនិត្យមើលការតភ្ជាប់អគ្គិសនីក្នុងអំឡុងពេលដំណើរការផលិតកម្មនេះ។ លើសពីនេះទៀត ឧបករណ៍បោះពុម្ព 3D ជាច្រើននឹងត្រូវតំឡើងដើម្បីជួយដល់និយោជិកឱ្យបង្កើតយានយន្តទាំងនេះដែលមានគុណភាពខ្ពស់សម្រាប់អតិថិជនផងដែរ។
យោងតាមក្រុមហ៊ុន Ford ឱ្យដឹងថា ការវិនិយោគដែលប្រកាសជាមួយនឹងទឹកប្រាក់ចំនួន 40 លានដុល្លារ នឹងត្រូវចំណាយដើម្បីបង្កើតទីស្នាក់ការធំនៅ Chicago Assembly និង Stamping ដើម្បីធ្វើអោយកន្លែងធ្វើការនេះ កាន់តែប្រសើរ ហើយវាក៏មានការបន្ថែមភ្លើងបំភ្លឺអំពូល LED ថ្មី និងការធ្វើបច្ចុប្បន្នភាពសម្រាប់កន្លែងដាក់កាកសំណល់ថ្មី និងការបង្កើនសន្តិសុខសុវត្ថិភាពនៃចំណតរថយន្តផងដែរ។
លោក Joe Hinrichs ដែលជាប្រធានក្រុមហ៊ុន Ford Global Operations នៅទីក្រុង Chicago បាននិយាយថា "យើងមានមោទនភាពខ្លាំងណាស់ ដែលបានក្លាយជាក្រុមហ៊ុនផលិតរថយន្តកំពូលរបស់សហរដ្ឋអាមេរិក។ នៅថ្ងៃនេះ យើងកំពុងបន្តការប្តេជ្ញាចិត្តរបស់យើងទៅកាន់សហរដ្ឋអាមេរិកជាមួយការវិនិយោគផលិតកម្មរាប់ពាន់លានដុល្លារនៅក្នុងទីក្រុង Chicago និងការបង្កើតការងារល្អៗ ចំនួន 500 ផ្សេងទៀត។” "យើងធ្វើការច្នៃប្រឌិតឡើងវិញទៅលើរថយន្ត Explorer ហើយការវិនិយោគនេះនឹងពង្រឹងភាពជាអ្នកដឹកនាំនៃទីផ្សាររថយន្ត SUV របស់ក្រុមហ៊ុន Ford"។
Chicago Assembly គឺជារោងច្រក ផលិតរថយន្តដែលមានអាយុកាលវែងបំផុតរបស់ក្រុមហ៊ុន Ford។ រោងចក្រនេះ បានចាប់ផ្តើមផលិតម៉ូឌែល T នៅឆ្នាំ 1924 ហើយត្រូវប្រែក្លាយជាផលិតកម្មសម្រាប់សង្គ្រាមក្នុងអំឡុងពេលនៃសង្គ្រាមលោកលើកទី 2៕
