ក្រុមហ៊ុនរថយន្តទំនើប Hyundai Motor គ្រោងនឹងបង្ហាញនូវគំនិតនៃការបង្កើតនូវរថយន្តអគ្គិសនី Genesis EV នៅក្នុងព្រឹត្តិការណ៍តាំងពិពរណ៍ Auto Show អន្តរជាតិនៅក្នុងទីក្រុងញ៉ូវយ៉ក ដែលនឹងធ្វើឡើងនៅសប្តាហ៍ក្រោយនេះ នេះបើតាមការបញ្ជាក់នៅថ្ងៃទី 25 ខែមីនានេះ។ គំនិតនៃការរចនារថយន្តនេះ នឹងធ្វើឡើងសម្រាប់ការបើកបរចំងាយឆ្ងាយជាមួយនឹងការប្រើប្រាស់ថាមពលអគ្គិសនី។
Genesis គឺជាម៉ាកយីហោដ៏ប្រណិតរបស់ក្រុមហ៊ុនរថយន្តនៅក្នុងប្រទេសកូរ៉េខាងត្បូងនេះ ដែលមានគម្រោងក្នុងការចាប់ផ្តើមការផលិតរថយន្ត Sports Coupe ដែលអាចធ្វើដំណើរបានចម្ងាយដល់ទៅ 500 គីឡូម៉ែត្រ នៅក្នុងការបញ្ចូលថាមពលថ្មម្តងនៅឆ្នាំ 2021 នោះ។
ក្រមហ៊ុន Hyundai Motor បានបញ្ជាក់ថា នៅពេលដែលក្រុមហ៊ុនផលិតរថយន្តនេះ បញ្ចប់នូវការរៀបចំសម្រាប់វេទិកានៃរថយន្តអគ្គិសនី Genesis ក្រុមហ៊ុន នឹងបញ្ចេញនូវរថយន្តអគ្គិសនីជាច្រើនម៉ូដែល នៅក្នុងរយៈពេលដ៏ខ្លីខាងមុខនេះ។ នៅត្រឹមឆ្នាំ 2025 ខាងមុខនេះ រថយន្ត Genesis នឹងមាន 4 ម៉ូដែល ដែលប្រើប្រាស់នូវ Hybrid សម្រាប់ការបង្ហាញខ្លួននៅឆ្នាំក្រោយនេះហើយ។
លោក Manfred Fitzgerald ដែលជាអនុប្រធានជាន់ខ្ពស់របស់ក្រុមហ៊ុន Genesis បានបញ្ជាក់ថា រថយន្តម៉ូដែលនេះ គឺជាម៉ាកដ៏ប្រណិតសម្រាប់ការថែរក្សានូវបរិស្ថានបៃតង និងជាម៉ាកយីហោដ៏មាននិរន្តភាព និងការឆ្ពោះទៅកាន់អនាគតនោះ។ គំនិតនៃការរចនាទៅលើរថយន្ត Genesis EV នឹងបង្ហាញអំពីការច្នៃប្រឌិតដ៏អស្ចារ្យនៃម៉ាកយីហោនៃរថយន្តបៃតងនាពេលអនាគតនោះ នេះបើយោងតាមប្រភពខាងក្នុងនោះ។
ការពង្រីករថយន្តបៃតងរបស់ក្រុមហ៊ុនGenesis គឺមានការរឹតបន្តឹងទៅលើវិធានការនៃឧស្ម័នផ្ទះកញ្ចក់នៅជុំវិញពិភពលោកនេះ នេះបើតាមអ្នកសង្កេតការនៅក្នុងឧស្សាហកម្មនេះ។ ប្រភពជាច្រើន បានបញ្ជាក់ថា “បរិមាណនៃការលក់រថយន្តទំនើបជាច្រើន គឺមានការកើនឡើងខ្លាំងដូចនេះក្រុមហ៊ុនពិតជាមានការពិបាកក្នុងការអនុលោមទៅតាមបទបញ្ញត្តិបរិស្ថានតែមួយនោះ៕”
