ក្រុមហ៊ុនផលិតរថយន្ត BMW ទើបតែច្នៃប្រឌិតទៅលើគំនិតនៃការរចនារថយន្តស៊េរីថ្មី iX3 electric SUV។ កាលពីប៉ុន្មានថ្ងៃមុននេះ ក្រុមហ៊ុន បានសន្យាថា រថយន្តនេះ នឹងប្រកាសចេញជាផ្លូវការនៅក្នុងព្រឹត្តិការណ៍ Auto China 2018។ សម្រាប់ការបង្ហាញខ្លួនជាផ្លូវការ គឺនៅថ្ងៃនេះ ហើយយើងឃើញរូបភាពជាច្រើនសន្លឹករបស់រថយន្តស៊េរីទំនើបនេះ ដែលពិតជាស្រស់ស្អាត និងទាក់ទាញខ្លាំងមែនទែន។ នេះគឺជារថយន្តស្ព័រ BMW EV ដំបូងបំផុត ឬ SAV ដែលក្រុមហ៊ុននេះ ចូលចិត្តហៅរថយន្តរបស់ខ្លួន ប៉ុន្តែយើងដឹងថានេះ ជាប្រភេទរថយន្ត SUV នៅពេលដែលយើងមើលទៅលើរូបរាងរបស់វានោះ។
ក្រុមហ៊ុន BMW បាននិយាយថា គំនិតនៃការរចនាទៅលើរថយន្ត Concept iX3 គឺបង្ហាញអំពីការពង្រឹងទៅលើភាពជាអ្នកដឹកនាំនៅក្នុងផ្នែកអគ្គិសនីនេះ។ រថយន្តនេះគឺជាផ្នែកមួយនៃយុទ្ធសាស្រ្ត BMW NUMBER ONE> NEXT ។ សម្រាប់រថយន្តនាពេលអនាគតនៃរថយន្តប្រើប្រាស់អគ្គិសនីនោះនឹងធ្វើការអភិវឌ្ឍនៅក្រោមយុទ្ធសាស្រ្តដោយប្រើប្រាស់នូវពាក្យថា iNext នេះបើតាមការបញ្ជាក់របស់ក្រុមហ៊ុន BMW នោះ។
Concept iX3 នឹងប្រើប្រាស់នូវបច្ចេកវិទ្យា BMW eDrive technology ជំនាន់ទី 5 ហើយបច្ចេកវិទ្យានេះនឹងធ្វើការប្រមូលផ្តុំនូវ electric motor, transmission និង power electronics នៅក្នុងសមាសភាគថ្មីនៃការបំបែកថាមពលអគ្គិសនីនោះ។ នេះអនុញ្ញាតឱ្យរថយន្តអគ្គិសនីនេះគឺកាន់តែមានភាពងាយស្រួល និងខុសប្លែកពីរថយន្តផ្សេងៗជាច្រើនទៀត។
ក្រុមហ៊ុន BMW បាននិយាយថា បច្ចេកវិទ្យា EV Tech នៃរថយន្តជំនាន់ចុងក្រោយនេះក៏មាននូវថាមពលថ្មថ្មី និងកាន់តែមានអានុភាពខ្លាំងក្លា។ នេះមានន័យថាវានឹងមានសមត្ថភាពកាន់តែប្រសើរ ការប្រតិបត្តិកាន់តែខ្លាំងក្លា និងភាពឆ្លាសវៃនៅក្នុងរថយន្តនោះ។ ក្រុមហ៊ុន BMW ក៏ផ្តល់នូវព័ត៌មានលម្អិតសម្រាប់រថយន្តស៊េរីថ្មីនេះដែលប្រើប្រាស់នូវប្រព័នុ្ធ electronic drive systems ផងដែរ។
ក្រុមហ៊ុន BMW បញ្ជាក់បន្ថែមថា Concept iX3 នឹងមានកម្លាំងម៉ូទ័រអេឡិចត្រូនិកដល់ទៅ 270h ជាមួយនឹងកម្រិត WLTP ច្រើនជាង 249 ម៉ាយ៍។ ការប្រើប្រាស់នូវថាមពលថ្មដែលមានកម្រិតខ្ពស់នៅក្នុងរថយន្ត EV ដែលនេះ គឺជាការផ្ទុកនូវសមត្ថភាពថ្មីនៅលើថាមពលថ្ម 70 kWh ។ ក្រុមហ៊ុន BMW បានពន្យល់ថា នៅពេលដែល EV ធ្វើការបញ្ចូលថាមពឡថ្មនោះ ជាមួយនឹងស្ថានីយ៍ Fast Charging ដែលមានថាមពលថ្ម 150kW នោះគឺអាចធ្វើដំណើរបានរយៈពេល 30 នាទី៕
