ប្រសិនបើអ្នកស្វែងរកនូវរថយន្តដែលមានកម្លាំងថាមពលខ្លាំងក្លា ម៉ាស៊ីនអស្ចារ្យ និងស្ទាយ៍កាន់តែទាក់ទាញនោះ រថយន្តស៊េរីថ្មី Aston Martin DB11 AMR 2019 គឺពិតជាអស្ចារ្យបំផុត។ រថយន្តនេះ មានការផ្លាស់ប្តូរទៅលើម៉ាស៊ីន DB11 V12 ដែលបង្ហាញខ្លួននៅក្នុងឆ្នាំ 2016 នោះ អោយកាន់តែខ្លាំងក្លាជាងមុនថែមទៀត។ គ្មានអ្នកណាម្នាក់ ដែលនិយាយថា ម៉ាស៊ីន DB11 V12 មិនខ្លាំងក្លានោះទេ។
ប៉ុន្តែពេលនេះ កម្លាំងម៉ាស៊ីនមានដល់ទៅ 630hp និងម៉ាស៊ីនប្រភេទ 5.2-liter twin-turbocharged V12 ដែលអាចបង្កើននូវល្បឿន 0-60 mph នៅក្នុងរយៈពេលត្រឹមតែ 3.5 វិនាទីប៉ុណ្ណោះ។ រថយន្តនេះ មានល្បឿនអតិបរមាដល់ទៅ 208 mph ថែមទៀត។
រថយន្ត Aston Martin ស៊េរីថ្មីនេះ គឺកាន់តែអស្ចារ្យជាមួយនឹងការប្រើប្រាស់នូវចង្កឹះលេខ 8 វគ្គថែមទៀត។ រថយន្តនេះ មានរូបរាងស្រស់ស្អាត និងទាក់ទាញខ្លាំងមែនទែន។ រថយន្តនេះ មានការរចនារូបរាងខាងក្នុង និងខាងក្រៅកាន់តែអស្ចារ្យគ្មានគូប្រៀបនោះទេ។ រថយន្តនេះ មានដំបូលពណ៌ខ្មៅយ៉ាងរលើបរលោង ហើយវាជាប្រភេទ Carbon Fiber ថែមទៀត។
សម្រាប់កង់រថយន្តស្តង់ដារគឺជាប្រភេទ 20-inch Forged AMR Silver Non-Diamond Turned alloy wheels ។ នៅផ្នែកខាងក្នុងវាជាប្រភេទ monotone leather និង Alcantara ហើយវាក៏មានការប្រើប្រាស់នូវឡួហ្គោ AMR ផងដែរ។ នៅក្នុងរថយន្តនេះមានការប្រើប្រាស់នូវអេក្រង់ 8-inch infotainment display និងប្រព័ន្ធសំឡេង Aston Martin audio system រួមជាមួយនឹងប្រព័ន្ធ Navigation ផងដែរ។
ក្រុមហ៊ុនផលិតរថយន្តនេះ នឹងធ្វើការផលិតនូវរថយន្តដែលមានលក្ខណៈពិសេសចំនួន 3 ប្រភេទផ្សេងគ្នា។ នៅក្នុងប្រភេទម៉ូដែល limited edition និងប្រើប្រាស់នូវ Dark Knight leather និង Lime ។ សម្រាប់រថយន្ត Satin Dark Chrome switchgear និង Satin Carbon Fiber trim ក៏នឹងបង្ហាញខ្លួនផងដែរ។ វាមានរថយន្តប្រមាណជា 100 គ្រឿងប៉ុណ្ណោះ ដែលធ្វើការដាក់លក់នៅលើពិភពលោកនោះ។
រថយន្ត Aston Martin DB11 AMR 2019 នឹងលក់នៅក្នុងសហរដ្ឋអាមេរិក នៅក្នុងតម្លៃ $241,000 ហើយវានឹងចាប់ផ្តើមការផលិតនៅក្នុងត្រីមាសទី 2 ឆ្នាំ 2018 នេះ។ សម្រាប់តម្លៃរបស់ limited-edition នៅក្នុងសហរដ្ឋអាមេរិកនៅមិនទាន់បញ្ជាក់នោះទេ ប៉ុន្តែនៅក្នុងចក្រភពអង់គ្លេស គឺមានតម្លៃ £201,995 ៕
