ថ្មីៗនេះ មានរបាយករាណ៍មួយ ដែលចេញផ្សាយដោយសារព័ត័មាន www.cleantechnica.com បានបញ្ជាក់ថា ការលក់រថយន្តស៊េរីថ្មី Nissan LEAF 2018 នៅក្នុងទីផ្សារធំៗ មួយចំនួនមានការថយចុះ។ គួរបញ្ជាក់ថា រថយន្តស៊េរីថ្មី Nissan LEAF 2018 មានតម្លៃ $29,995 ប៉ុណ្ណោះ ហើយក៏ជារថយន្តថ្មី ដែលមានរូបរាងស្រស់ស្អាតទាក់ទាញ និងប្រើប្រាស់នូវថាមពលថ្ម 40kWh ដែលអាចធ្វើដំណើរបានដល់ទៅ 151 ម៉ាយ៍ឯណោះ នៅក្នុងកម្រិត EPA ។ បើនិយាយពីរថយន្តនេះ គឺសក្តិសមបំផុតក្នុងការប្រើប្រាស់ ពីព្រោះថា នេះជាប្រភេទរថយន្ត Electric Vehicle។
នៅពេលដែលរថយន្ត Nissan LEAF 2018 នេះ បានបង្ហាញខ្លួនជាលើកដំបូងនោះ តម្រូវការរបស់រថយន្ត គឺមានការកើនឡើង។ ការលក់នៅក្នុងកម្រិតខ្ពស់នេះ ដែលបានជម្រុញអោយក្រុមហ៊ុនពង្រឹងទៅលើការចែកចាយនៅក្នុងទីផ្សារជាច្រើននៅជុំវិញពិភពលោក។ រថយន្តនេះ អាចធ្វើការដោះស្រាយទៅលើបញ្ហាជាច្រើនជាមួយនឹងការធ្វើដំណើរបានច្រើនជាង 100 ម៉ាយ៍តាមរយៈរថយន្តអគ្គិសនីនេះ ហើយតម្លៃរបស់រថយន្តនេះទ/តសោត ក៏ល្មមក្នុងការទិញប្រើប្រាស់ផងដែរ។
ប៉ុន្តែកាលពីខែមុននេះ រឿងដែលមិនបានរំពឹងទុកកើតឡើង។ ការលក់មានការថយចុះ ជាពិសេសមានការធ្លាក់ចុះនៅក្នុងទីផ្សាររបស់ក្រុមហ៊ុន Nissan នៅក្នុងប្រទេសជប៉ុនតែម្តង ដែលអាចនិយាយបានថា ប្រៀបបីដូចជាការបាក់ច្រាំងធ្លាក់ចុះមកចឹង។ កាលពីខែមីនា ការលក់របស់រថយន្ត LEAF នៅក្នុងប្រទេសជប៉ុនមានដល់ទៅ 3000 គ្រឿង ប៉ុន្តែការលក់នៅក្នុងខែមេសានៅក្នុងប្រទេសជប៉ុន គឺមានត្រឹមតែ 874 គ្រឿងប៉ុណ្ណោះ។
នៅក្នុងការផ្លាស់ប្តូរពីមហាសមុទ្រប៉ាស៊ីហ្វិក Pacific Ocean ទៅកាន់សហរដ្ឋអាមេរិកនោះ ការលក់មានការធ្លាក់ចុះ 20% គឺពីចំនួន 1500 គ្រឿងនៅក្នុងមីនាទៅកាន់ 1171 គ្រឿងនៅក្នុងខែមេសា។ នៅក្នុងប្រទេសន័រវេស រថយន្តនេះ គឺលក់មានសន្ទុះខ្ពស់ជាងសហរដ្ឋអាមេរិក គឺបានដល់ទៅ 2,340 គ្រឿងនៅក្នុងខែមីនា ប៉ុន្តែមានការធ្លាក់ចុះជិត 50% គឺមានត្រឹមតែ 1210 គ្រឿងប៉ុណ្ណោះ កាលពីខែមេសានោះ៕
