ពេលនេះ ក្រុមហ៊ុន Daimler កំពុងតែធ្វើការនៅលើរថយន្តក្រុងអគ្គិសនី Electric Version ដែលជារថយន្តក្រុងប្រភេទ Citaro របស់ខ្លួនជាមួយនឹងរថយន្តស៊េរីថ្មីប្រភេទ Mercedes-Benz eCitaro។ សម្រាប់រថយន្តអេឡិចត្រូនិកនេះ នឹងប្រើប្រាស់នៅក្នុងទីក្រុងជាច្រើននាពេលអនាគត។ រថយន្តនេះ នឹងអនុញ្ញាតឱ្យមានការជួយទៅលើការបំភាយឧស្ម័ន និងការប្រើប្រាស់ថាមពលសម្រាប់រថយន្តកាន់តែស្ងប់ស្ងាត់ថែមទៀត។ សម្រាប់ការកម្មង់ទិញរថយន្ត eCitaro ចាប់ផ្តើមហើយ ចំណែកអតិថិជន នឹងទទួលបានរថយន្តនេះនៅចុងឆ្នាំនេះផងដែរ។
នៅថ្ងៃនេះ ក្រុមហ៊ុន Daimler បានបង្ហាញជាផ្លូវការរបស់រថយន្ត eCitaro ហើយក្រុមហ៊ុននេះ ក៏បញ្ជាក់ថា ខ្លួនកំពុងតែធ្វើការអភិវឌ្ឍទៅលើម៉ូដែលនៃរថយន្តផ្សេងទៀត ដែលប្រើប្រាស់នូវកោសិកាប្រេងឥន្ធនៈផងដែរ។ សម្រាប់ម៉ូដែលនេះ អាចរកទិញបាន ហើយអតិថិជនជាច្រើន នឹងធ្វើការដំណើរការទៅលើរថយន្តក្រុងជាច្រើនប្រភេទ eCitaro នេះ នៅក្នុងផ្លូវជាច្រើននៅក្នុងទីក្រុង។ គំរូនៃរថយន្តក្រុងអេឡិចត្រូនិកថ្មីនេះ ត្រូវបង្កើតឡើងផ្អែកទៅលើរថយន្តក្រុង Citaro ។
រថយន្តស៊េរីថ្មី Mercedes-Benz eCitaro នេះ ប្រើប្រាស់ថាមពលថ្មប្រភេទ li-ion batteries ជាមួយនឹងកម្លាំងសរុបដល់ទៅ 243kWh។ ថាមពលថ្មរបស់រថយន្តនេះ មានការប្រើប្រាស់ដល់ទៅ 10 modules ដែលរួមមានការប្រើប្រាស់ថាមពលថ្ម 2 modules នៅលើដំបូលរថយន្តក្រុង និងថាមពលថ្ម 4 modules ទៀតនៅផ្នែកខាងក្រោយនេះ។ ក្រុមហ៊ុន Daimler ក៏ធ្វើការរៀបចំរថយន្តក្រុងជាច្រើនសម្រាប់បំពេញតម្រូវការរបស់អ្នកប្រើប្រាស់ជាមួយនឹងការបន្ថែមនូវថាមពលថ្ម 4 modules ទៅលើដំបូលដែលមានសរុបចំនួន 10 modules នោះ។
សម្រាប់រថយន្តក្រុង eCitaro គឺមានការប្រើប្រាស់នូវ Modules បានចំនួន 10 និងមានទម្ងន់ដល់ទៅ 13.44 តោនជាមួយនឹងទម្ងន់សរុបដល់ទៅ 19.5 តោននោះ។ នៅពេលដែលប្រៀបធៀបរថយន្តអេឡិចត្រូនិកស៊េរីថ្មីនេះ ជាមួយនឹងម៉ូដែលរថយន្ត Citaro ធម្មតានោះ ក្រុមហ៊ុន Daimler បានបញ្ជាក់ថា ក្រុមវិស្វកររបស់ខ្លួន បានធ្វើការកាត់បន្ថយថាមពល heating/cooling/ventilation energy ដល់ទៅ 40% ដែលជួយកាត់បន្ថយនូវតម្រូវការថាមពលផងដែរ។
រថយន្ត eCitaro សក្តិសមបំផុតសម្រាប់ប្រើប្រាស់នៅលើផ្លូវជាច្រើននៅក្នុងទីក្រុង ដើម្បីបំពេញតម្រូវការនៃប្រតិបត្តិករនោះ។ ក្រុមហ៊ុនរំពឹងថា ទីក្រុងជាច្រើន នឹងផ្លាស់ប្តូរពីរថយន្តក្រុងប្រើប្រាស់ម៉ាស៊ីនទៅជារថយន្តក្រុង eCitaro ប្រើប្រាស់អគ្គិសនីនៅក្នុងប៉ុន្មានឆ្នាំខាងមុខនេះ៕