សម្រាប់រថយន្តស៊េរីថ្មី Volvo S90 sedan និង V90 wagon គឺមានការដាក់លក់តាំងពីឆ្នាំ 2016 មកម្ល៉េះ ដូចនេះពេលនេះវាគឺដល់ពេលវេលាដែលរថយន្តថ្មីត្រូវបង្ហាញមុខមាត់ហើយ។ ក្រុមហ៊ុន Volvo គឺទើបតែប្រកាសបង្ហាញនូវរថយន្ត S90 និង V90 ឆ្នាំ 2021 ដែលមានការផ្លាស់ប្តូរទៅលើរូបរាងខាងក្រៅរបស់មួយចំនួនផងដែរហើយវាដែលពិតជាស្រស់ស្អាតទាក់ទាញខ្លាំងក្លាមែនទែន។ បើធៀបជាមួយនឹងម៉ូឌែលជំនាន់មុនៗនោះ លោកអ្នកប្រហែលជាពិបាកបន្តិចហើយក្នុងការបែងចែកថាវាមានលក្ខណៈខុសប្លែកពីគ្នានោះ។
ដើម្បីធ្វើអោយការឌីស្សាញខាងក្រៅនេះកាន់តែស្រស់ស្អាតនោះ ក្រុមហ៊ុន Volvo ក៏ធ្វើការអាប់ដេតទៅលើផ្នែកខាងមុខ និងផ្នែកខាងក្រោយរបស់រថយន្ត S90 និង V90 ជាមួយនឹងអំពូលភ្លើងអ័ព្ទថ្មី ការឌីស្សាញទៅលើកាងរថយន្តផ្នែកខាងមុខថ្មីផងដែរ។ សម្រាប់រថយន្ត V90 និង V90 Cross Country នេះគឺមានការផ្លាស់ប្តូរទៅលើអំពូលភ្លើងខាងក្រោយជាប្រភេទ LED Signature ។
វាក៏មានការបន្ថែមនូវពណ៌ជាច្រើន និងកង់ជាច្រើនប្រភេទដែលអ្នកអាចជ្រើសរើសតាមតម្រូវការជាក់ស្តែងបានផងដែរ។ នៅក្នុងផ្នែកខាងក្នុងនេះ ក្រុមហ៊ុន Volvo ក៏មានការបន្ថែមនូវប្រព័ន្ធ Bowers និង Wilkins audio system ជាមួយនឹងមុខងារថ្មីៗជាច្រើនរួមមានការ upgraded ទៅលើប្រព័ន្ធអាំភ្លី ប្រព័ន្ធ noise cancellation ស្វ័យប្រវត្តិ និង Settings ថ្មីជាសំឡេង Jazz នៅក្នុងក្លឹបថែមទៀតផង។
បើនិយាយអំពីផ្នែកខាងក្នុងរថយន្តនេះវិញ មានប្រព័ន្ធបស្សុទ្ធខ្យល់នៅត្រឹមតែ PM 2.5 ជាមួយនឹងបច្ចេកវិទ្យា Advanced Air Cleaner ដែលអាចធ្វើការសម្អាតនូវផ្នែកកាប៊ីនរបស់រថយន្តនេះបានយ៉ាងល្អទៅលើភាគល្អិតតូចៗនៅក្នុងរយៈពេលតែប៉ុន្មាននាទីប៉ុណ្ណោះ។ សម្រាប់ម៉ូឌែល Volvo 90 និង 60 series មានភ្ជាប់ជាមួយនឹង USB-C charging នៅផ្នែកខាងក្រោយដែលមានកម្លាំង 12-volt ខណៈពេលដែលអ្នកក៏អាចប្រើប្រាស់ជាមួយនឹង wireless phone charging បានផងដែរ។ វាប្រើប្រាស់នូវពូកស្បែកដ៏ប្រណិត។ ការផ្លាស់ប្តូរខាងក្រៅនេះ គឺមានចំនួនតិចតួចប៉ុណ្ណោះ ប៉ុន្តែការផ្លាស់ប្តូរដ៏ធំនោះ គឺទៅលើផ្នែកខាងក្នុងរបស់រថយន្តនេះ។
សម្រាប់ម៉ូឌែលឆ្នាំ 2021 នេះ រថយន្ត S90 និង V90 ប្រើប្រាស់នូវកម្លាំងម៉ាស៊ីន 48-volt mild-hybrid powertrain របស់ក្រុមហ៊ុន Volvoដែលពេលនេះដំណើរការនៅគ្រប់ម៉ូឌែលរថយន្តXC90 ។ វាត្រូវបានប្រកាសដាក់អោយដំណើរការនៅលើរថយន្ត XC90 និង XC60 SUVs កាលពីឆ្នាំមុននេះផងដែរ។ សម្រាប់ប្រព័ន្ធ mild hybrids នេះពេលនេះគឺប្រើប្រាស់នៅលើគ្រប់រថយន្ត 90 និង 60 Series រួមទាំង Volvo XC40 ផងដែរ។
ក្រុមហ៊ុន Volvo នៅមិនទាន់ប្រកាសអំពីលក្ខណៈសម្បត្តិលម្អិតរបស់រថយន្តនេះនៅឡើយទេ ប៉ុន្តែសម្រាប់រថយន្តម៉ូឌែល XC90 B-badged T8 Twin Engine នេះគឺមានភ្ជាប់ជាមួយនឹងម៉ាស៊ីន 2.0-liter twin-charged four-cylinder engine ជាមួយនឹងប្រព័ន្ធ hybrid system ដែលមានកម្លាំង 400 hp និងកម្លាំងរមួល 472 lb-ft ថែមទៀតផង៕
