ក្រុមហ៊ុនមួយនៅក្នុងរដ្ឋ Michigan ដែលមានឈ្មោះហៅថា Mil-Spec Automotive គឺត្រូវគេដឹងថា បានធ្វើកាច្នៃប្រឌិតថ្មីទៅលើការផលិតនូវចេញនូវរបស់ថ្មីសម្រាប់រថយន្តជាច្រើន។ រថយន្តដែលក្រុមហ៊ុននេះ បានចាប់ផ្តើមធ្វើការតុបតែងជាលើកដំបូងបំផុតនោះ គឺម៉ូឌែល Humvee ដែលបានបង្កើតជា Versions ថ្មីរបស់រថយន្តនេះផងដែរ។
នៅពេលនេះ ក្រុមហ៊ុន នេះ ក៏ពង្រីកនូវសក្តានុពលរបស់ខ្លួនតាមរយៈការបង្ហាញជាលើកដំបូងបំផុតនូវរថយន្ត Mil-Spec Automotive មួយទៀតដែលជាម៉ូដែក Ford F-150។
បន្ទាប់ពីការរតុបតែងហើយ រថយន្តនេះ មើលទៅពិតជាទាក់ទាញបំផុត។ រថយន្តដឹកទំនិញនេះ គឺប្រើប្រាស់នូវកម្លាំងម៉ាស៊ីន 5.0-liter Coyote V8 ដែលអាចរកឃើញនៅក្នុងផលិតកម្មជាច្រើនរបស់រថយន្ត F-150 pickups ដែលមាននៅលើដងផ្លូវជាច្រើននៅក្នុងពេលបច្ចុប្បន្ននេះ។ ម៉ាស៊ីននេះ គឺមានកម្លាំងដល់ទៅ 500 សេះ។
រថយន្តដឹកទំនិញនេះ គឺមានការ upgrades ជាមួយនឹងការប្រើប្រាស់នូវកញ្ចប់ Baja Performance Package ដូចជាការប្រើប្រាស់នូវ 11 អ៊ីង Suspension និងការបង្កើនទៅលើទំហំនៃ Track-Width របស់វាដល់ទៅ 13.5 អ៊ីង។ អតិថិជនជាច្រើនអាចជ្រើសរើសនូវ Suspension package មួយទៀតនោះគឺ FOX 3.0 F-150 Long Travel Performance Shock Package ផងដែរ។
ក្រៅពីការកែប្រែទៅលើម៉ាស៊ីន និងប្រព័ន្ធ suspension នេះ រថយន្តដឹកទំនិញនេះក៏មានការ upgrades ស្ទាយ៍ជាមួយនឹងកញ្ចប់ Baja Exterior Appearance Package ផងដែរ ដោយសារតែវាមានរនាំងដំបូលដែលមានភ្លើង LED light bar ផងដែរ។ សម្រាប់កង់ខាងមុខ និងខាងក្រោយរបស់វាក៏មានការពង្រឹងកាន់តែប្រសើរជាងមុនផងដែរ។ រថយន្តនេះ មានកង់ដែលមានទំហំ 37 អ៊ីង។ ពណ៌របស់រថយន្តនេះ គឺមានពណ៌ប្រផេះ ពណ៌ខ្មៅ ឬពណ៌ស ហើយវាមានតម្លៃចាប់ផ្តើមពី $85,000 ៕
