Ford គឺជាម៉ាកយីហោផលិតផលដែលលក់ដាច់បំផុតនៅក្នុងរយៈពេលប៉ុន្មានទសវត្សរ៍ចុងក្រោយនេះ នោះគឺរថយន្ត F-150 ហើយពេលនេះ វាក៏មានការឌីស្សាញសម្រាប់រថយន្តម៉ូឌែលឆ្នាំ 2021 ហើយ។ សូមជំរាបថា រថយន្តដឹកទំនិញនេះ គឺបង្ហាញខ្លួននៅលើទីផ្សារចាប់តាំងពីឆ្នាំ 2015 ហើយវា គឺជារថយន្តដែលមានភាពទាន់សម័យមែនទែនក្នុងការប្រើប្រាស់។ រថយន្តនេះមានរូបរាងទំនើបទាន់សម័យ និងទាក់ទាញបំផុតក្នុងការប្រើប្រាស់។
សម្រាប់រថយន្តដឹកទំនិញ Ford F-150 ឆ្នាំ 2021 នេះ មានការឌីស្សាញរូបរាងកាន់តែទាក់ទាញ ទាំងផ្នែកទំហំខាងក្នុង និងកម្លាំងម៉ាស៊ីនរបស់វា។ យើងបានឃើញនូវការឌីស្សាញទាំងអស់ទៅលើផ្នែកខាងក្នុងរបស់រថយន្តនេះ កាលពីដើមសប្តាហ៍នេះផងដែរ។ សម្រាប់ផ្នែកខាងមុខរបស់រថយន្តនេះ ក៏មានការឌីស្សាញរូបរាងថ្មីផងដែរ ក្រុមហ៊ុន Ford ពេលនេះ គឺបំពាក់នូវអេក្រង់ផ្តល់ព័ត៌មាន 15.5 អ៊ីង infotainment touchscreen និងការប្រើប្រាស់ជាមួយនឹងកម្មវិធី SYNC 4 software ថែមទៀតផង។
បើនិយាយអំពីផ្នែកម៉ាស៊ីនរបស់រថយន្តនេះ គឺមានកម្លាំងម៉ាស៊ីន 3.3L V6, twin-turbo V6s។ បើអ្នកមើលទៅលើទីផ្សារនៅក្នុងពេលបច្ចុប្បន្ននេះ ស្តាប់មើលទៅប្រហែលជាមិនមានអ្វីដែលប្លែកខ្លាំងនោះទេ។ ម៉ូដែលនេះ ក៏អាចនឹងមានរថយន្តអេឡិចត្រូនិច F-150 ផងដែរ ដែលនឹងធ្វើការប្រកួតប្រជែងជាមួយនឹងរថយន្តជាច្រើនម៉ូឌែលទៀតដូចជា Tesla Cybertruck, Rivian R1T, GMC Hummer EV, Bollinger B2 និង LMC Endurance ជាដើម។ សម្រាប់រថយន្ត Ford F-150 ស៊េរីថ្មីនេះ នឹងប្រកាសបង្ហាញខ្លួននៅចុងឆ្នាំនេះផងដែរ៕