ក្រុមហ៊ុនផលិតរថយន្ត Toyota កំពុងតែនិយាយអំពីរថយន្ត Toyota Prius Prime 2020 ស៊េរីថ្មីរបស់ខ្លួន និងការផ្តោតទៅលើបច្ចេកវិទ្យា Hybrid ដើម្បីឆ្លើយតបទៅនឹងតម្លៃនៃការប្រើប្រាស់ថាមពលប្រេង។ សម្រាប់រថយន្តស៊េរីថ្មីនេះ នឹងបង្ហាញខ្លួននៅក្នុងរដូវក្តៅខាងមុខនេះ ហើយសម្រាប់ប្រភេទ LE ក្រុមហ៊ុន នឹងចាប់ផ្តើមជាមួយនឹងតម្លៃ $27,600 ខណៈពេលដែលរថយន្តប្រភេទ XLE គឺចាប់ផ្តើមពីតម្លៃ $29,500 ហើយប្រភេទ Limited គឺមានតម្លៃ $33,500។
ក្រុមហ៊ុន Toyota បាននិយាយថា ឈ្មោះ Prime នៅក្នុងម៉ូដែលនេះ គឺមានភ្ជាប់ជាមួយនឹងបច្ចេកវិទ្យាកម្រិតខ្ពស់ជាច្រើននៅក្នុងត្រកូល Prius ដែលបង្ហាញខ្លួនជិត 2 ទសវត្សន៍ហើយនោះ។ សម្រាប់រថយន្ត Prius Prime 2020 នេះអាចដំណើរការជា EV ឬ hybrid driving modes ហើយវាក៏មានការ Upgrades ថ្មីជាច្រើនសម្រាប់ម៉ូដែលឆ្នាំ 2020 នេះផងដែរ។ ការ Upgrade មួយនៅក្នុងចំណោមការ Upgrades ជាច្រើននោះ គឺការបន្ថែមនូវកៅអីទី 5 នៅផ្នែកខាងក្រោយនៃរថយន្តនេះដើម្បីដាក់មនុស្សបានកាន់តែច្រើន។ រ ថយន្តនេះអាចដាក់មនុស្សបាន 3 នាក់នៅផ្នែកខាងក្រោយរបស់វា។
ក្រុមហ៊ុន Toyota ក៏មានការបន្ថែមនូវការប្រើប្រាស់ជាមួយនឹង Apple CarPlay, SiriusXM និង Amazon Alexa ផងដែរ។ ក្រុមហ៊ុន Toyota បញ្ជាក់ថា នៅក្នុងរថយន្ត 2020 Prius នេះជាមួយនឹងរន្ធផត 2.1A USB សម្រាប់អតិថិជនរបស់ខ្លួន ដើម្បីធ្វើអោយស្មាតហ្វូនអាចបញ្ចូលថាមពលថ្មបានកាន់តែងាយស្រួល ក្នុងនោះក៏មានប្រព័ន្ធសម្រាប់កាត់បន្ថយកំដៅដែលមិនអោយអ្នកបើកបរចាំងភ្នែកថែមទៀតផង។
រថយន្ត Prius Prime នេះគឺជារថយន្ត Toyota hybrid ដ៏អស្ចារ្យបំផុតរហូតមកទល់ពេលនេះ។ រថយន្តនេះ មានការប៉ាន់ស្មានទៅលើការប្រើប្រាស់ EPA ត្រឹមតែ 54 mpg និងការធ្វើដំណើរសរុបបានចម្ងាយដល់ទៅ 640-mile ។ រថយន្ត Prius អាចបើកបរបានកម្រិត 25-miles នៅក្នុង EV mode ដោយប្រើប្រាស់នូវភ្លើងអគ្គិសនីនោះ។
ក្រុមហ៊ុន Toyota បានកត់សម្គាល់ឃើញថា រថយន្ត Prius Prime ក៏ទទួលបាននូវការអនុម័តទៅលើ HOV ជារថយន្តបៃតងនៅក្នុងរដ្ឋ California និង New Jersey ផងដែរ៕