ជឿជាក់ថា លោកអ្នកប្រហែលជាធ្លាប់បានឃើញនៅលើ Instagram ហើយនូវរូបភាពរថយន្ត Urus របស់ក្រុមហ៊ុនផលិតរថយន្ត Lamborghini ដែលមានកៅអី 4 និងទ្វារ 4 រួមជាមួយនិងផ្ទៃបាតក្រោមត្រឹមតែ 9.8 អ៊ីងពីដីនោះ។ អ្វីដែលក្រុមហ៊ុន Lamborghini ចង់បង្ហាញនៅពេលនេះនោះ គឺសមត្ថភាពរបស់រថយន្ត SUV របស់ខ្លួន មានន័យថា ម៉ូដែលនេះ នឹងអាចមានសមត្ថភាពដូចជារថយន្តប្រណាំងអញ្ចឹងដែរ។ អ្នកបើកបរ ក៏បានសាកល្បងរថយន្ត Urus នេះ ជាសាធារណៈរួចរាល់ហើយ ។
លោក Maurizio Reggiani ដែលជាប្រធានផ្នែកស្រាវជ្រាវ និងអភិវឌ្ឍរបស់ក្រុមហ៊ុននេះ បាននិយាយប្រាប់ទៅកាន់ Digital Trends ថា “នៅក្នុងការកែប្រែរថយន្ត Urus ទៅជារថយន្តប្រណាំង ST-X នោះ គឺងាយស្រួលនិយាយនោះទេ តែនៅពេលធ្វើគឺមិនស្រួលទេ” ប៉ុន្តែក្រុមការងារពិតជាអាច គឺធ្វើការដោះស្រាយទៅលើបញ្ហានេះបានដោយរលូន។ “យើងត្រូវធ្វើការកំណត់ទៅលើសមាសភាគជាច្រើន ដើម្បីអាចធ្វើការរក្សាទុកនៅដដែលដូចគ្នា តែវាអាចអាចសមស្របសម្រាប់ការប្រណាំងបានដោយគ្មានបញ្ហា។” កន្លងមក ក្រមហ៊ុន Lamborghini ក៏មានប្រវត្តិជាយូរមកហើយនៅក្នុងមេរៀនរបស់ខ្លួននៅក្នុងផលិតកម្មម៉ូដែលជាច្រើន។
ក្រុមហ៊ុនបានបញ្ជាក់ថា សម្រាប់ Hardware ភាគច្រើន គឺមានលក្ខណៈសម្បត្តិដូចទៅនឹងរថយន្ត GT3 ។ ប្រសិនបើរថយន្ត ST-X ដែលមានការប្រែក្លាយពីរថយន្ត Urus បានពិតមែននោះ គឺពិតជាមិនធម្មតានោះទេ។ Reggiani បានធ្វើការពន្យល់ទៅកាន់លោក Stefano Domenicali ដែលជាប្រធានរបស់ក្រុមហ៊ុន Lamborghini ដោយស្នើគាត់អោយធ្វើរឿងដ៏អស្ចារ្យសម្រាប់រថយន្តម៉ូដែល Urus ដែលបង្ហាញខ្លួននៅក្នុងឆ្នាំ 2017 នោះ។ “រថយន្តនេះ គឺពិតជាល្អមែនទែន មានការបង្ហាញថា រថយន្តនេះ គឺមានកម្លាំងខ្លាំងក្លានៅក្នុងការបើកបរនៅលើដងផ្លូវ និងការបើកបរនៅលើស្ថានភាពផ្លូវដែលពិបាកៗ។”
ក្រុមហ៊ុន Lamborghini នៅមិនទាន់ច្បាស់នោះទេ នៅក្នុងការផលិតរថយន្ត ដែលមានកម្លាំងម៉ាស៊ីនខ្លាំងសម្រាប់បង្ហាញនៅលើទីលាន។ អ្វីដែលចាប់អារម្មណ៍នោះ គំនិតនៃការបង្កើតរថយន្ត ST-X នេះ គឺមានការទម្លាយតាំងពីចុងឆ្នាំ 2018 មកម្លេះ។ ចាប់ផ្តើមជាមួយនឹងរថយន្ត Urus នោះ ក្រុមការងាររបស់ក្រុមហ៊ុន Lamborghini បានធ្វើការផ្លាស់ប្តូរលោហធាតុមួយចំនួនជាមួយនឹង carbon fiber ដែលមានការកាត់បន្ថយទំងន់រថយន្តនេះបានរហូតដល់ទៅ 25% ឯណោះ៕