AITO M5 គឺជារថយន្តអគ្គីសនីជំនាន់ថ្មីមួយរបស់ Huawei ដែលជាក្រុមហ៊ុនផលិតស្មាតហ្វូនដ៏ធំរបស់ប្រទេស និងមានការសហរការជាមួយនិងក្រុមហ៊ុនធំៗមួយចំនួនទៀតត្រូវបានគេដឹងថា គឺបានបង្ហាញខ្លួនជាលើកដំបូងកាលពីខែធ្នូរឆ្នាំមុននេះ ដែលនេះ គឺជារថយន្តដំបូងបំផុតដែលមានការប្រើប្រាស់នូវប្រព័ន្ធប្រតិបត្តិការ HarmonyOS-powered cockpit។ រថយន្តនេះ ត្រូវបានក្រុមហ៊ុននេះប្រកាសចេញតម្លៃជាលើកដំបូងកាលពីថ្ងៃទី 26th កន្លងទៅនេះ ហើយនៅថ្ងៃទី 5th ខែមីនានេះ ក្រុមហ៊ុន Huawei បានប្រកាសចាប់ផ្តើមប្រគល់រថយន្តអគ្គីសនី AITO M5 នេះ ជូនដល់អតិថិជនរបស់ខ្លួនហើយ ក្រុមហ៊ុននេះក៏បានប្រារព្ធកម្មវិធីសម្ពោធនៅថ្ងៃជាមួយគ្នានេះផងដែរ។
យោងតាមការបង្ហាញរូបភាពមួយពីបណ្តាញសង្គមផ្លូវការណ៌របស់ AITO ដែលចែកចាយដោយ IT Home បានអោយដឹងថា នៅពេលនេះ ក្រុមហ៊ុននេះ គឺមានប្រគល់រថយន្តអគ្គីសនី AITO M5 ជូនដល់អតិថិជនរបស់ខ្លួន គឺមានចំនួនច្រើនគ្រឿងមែនទែន ដូចអ្វីដែលយើងបានឃើញនេះស្រាប់ ដែលរូបនេះ គឺមើលទៅដូចជានៅក្នុងរោងចក្រ ឬប្រហែលជាកន្លែងស្តុករថយន្តរបស់ក្រុមហ៊ុននេះក៏ថាបាន។
គួរបញ្ជាក់ថា រថយន្តអគ្គីសនី AITO M5 គឺចេញលក់នៅលើទីផ្សារប្រទេសចិនជាមួយនិងជម្រើសផ្សេងៗគ្នា ម៉ូដែលស្តង់ដារ rear-wheel-drive របស់រថយន្តអគ្គីសនី AITO M5 គឺមានតម្លៃចាប់ផ្តើមពី starts from 249,800 Yuan ដែលប្រហែលជា $39,535 និងម៉ូដែ four-wheel-drive មានតម្លៃចាប់ពី 279,800 Yuan ប្រហែលជា $44,284 ខណៈដែលម៉ូដែល four-wheel-drive flagship គឺមាតម្លៃ 319,800 Yuan ដែលប្រហាក់ប្រហែល $50,614។
សូមជំរាបថា រថយន្តអគ្គីសនី AITO M5 AITO M5 គឺម៉ូដលថ្មីមួយ ដែលមានការចាប់ដៃគ្នារវាងក្រុមហ៊ុន Huawei ជាមួយនិង Seres ហើយសម្រាប់ឧបករណ៍នានារបស់ក្រុមហ៊ុននេះ គឺត្រូវបាននាំមកពីរោងចក្រធំរបស់ខ្លួនដែលមានមូលដ្ឋានរដ្ឋកាលីហ្វ័រនីញ៉ានៃសហរដ្ឋអាមេរិក។ សម្រាប់ប្រព័ន្ធបញ្ជា និងគ្រប់គ្រងនៅលើរថយន្តនេះ គឺមានការតម្លើងដោយក្រុមហ៊ុន Huawei ហើយក្រុមហ៊ុនចិនមួយនេះ ក៏ជាអ្នកដែលធ្វើការឌីស្សាញផ្នែកខាងក្នុងផងដែរ។
ក្រុមហ៊ុន Huawei បានបញ្ជាក់ថា រថយន្តអគ្គីសនី AITO M5 គឺមានសមត្ថភាពខ្ពស់មែនទែន ដោយអាចរត់នៅលើផ្លូវ 1,000km នៅពេលសាកថ្មពេញម្តង។ រយយន្តនេះមានម៉ាស៊ីនទំហំ 1.5T ប្រើប្រាស់នូវស៊ីឡាំងចំនួន 4 ដែលជាប្រភេទ “range extender” engine។ ជាមួយនិងការប្រកាសចេញលក់ រថយន្តអគ្គីសនី AITO M5 ទំនងជានឹងមានលក់តែនៅក្នុងស្រុកចិនប៉ុណ្ណោះ នៅមិនទាន់មានចេញសម្រាប់ទីផ្សារសកលនៅឡើយទេ។ ក្រុមហ៊ុននេះបានបន្ថែមថា រថយន្តអគ្គីសនី AITO M5 អាចនឹងត្រូវធ្វើការពង្រឹងបបន្ថែមនូវសមត្ថភាពខ្លាំងជាងនេះថែមទៀត ទើបអាចបញ្ចេញលក់ក្រៅស្រុកបាន។
