ក្រុមហ៊ុនផលិតរថយន្តម៉ាក Changan បានត្រៀមធ្វើការប្រកាសចេញលក់រថយន្តប្រភេទ Plug-in Hybrid ម៉ូដែល UNI-Z ដែលជារថយន្ត Compact SUV របស់ខ្លួននៅថ្ងៃទី 28 ខែមីនាសប្តាហ៍នេះ នៅក្នុងទីផ្សារប្រទេសចិន។ រថយន្តស៊េរីថ្មីមួយនេះត្រូវបានក្រុមហ៊ុនបើក Pre-sale ចំនួនពីរម៉ូដែលរួចហើយជាមួយតម្លៃចាប់ពីខ្ទង់ប្រហែល $17,900 ដល់ $18,900។
Changan UNI-Z ជាប្រភេទរថយន្ត Plug-in Hybrid Compact-SUV ដែលប្រវែងបណ្តោយ 4,730mm X ទទឹង 1,890mm X កម្ពស់ 1,680 mm និងគម្លាតចន្លោះកង់មុខ និងកង់ក្រោយ 2,795 mm។ ផ្នែកចំហៀងរថយន្តត្រូវបានរចនាឡើងបែបស្ទាយ C-pillar ជាមួយការបំពាក់យ៉ាន់កង់ប្រភេទ Aluminum Alloy ជាមួយដំបូងបែប Panoramic។ ផ្នែកខាងក្នុងមានឌីស្សាញឡើងជាមួយស្បែកឆៅស្ទើរពេញផ្នែកខាងក្នុង និងមានបង្កប់ជាមួយប៊ូតុងចុងតិចតួចប៉ុណ្ណោះមិនញ៉េរញ៉ៃ។ ជាមួយគ្នានេះនៅខាងក្រោយដៃចង្កូតមានបំពាក់អេក្រង់ Full-LCD Instrument Panel ទំហំ 10.25-inch និងអេក្រង់កម្សាន្តទំនើបនៅចំកណ្តាល Dashboard ទំហំ 14.6-inch។
រីនៅលើដៃចង្កូតមានបំពាក់នូវប៊ូតុងចុចបញ្ជាក់មុខងារសំខាន់ៗមួយចំនួន។ បន្ថែមពីនេះនៅក្នុងរថយន្តនេះមានគាំទ្រនូវប្រព័ន្ធមុខងារទំនើបចុងក្រោយដូចជា Huawei HiCar, Amap from Alibaba for real-time navigation, Sony audio system, 64-color ambient lightings, built-in driving recorder, OTA updates, facial recognition, និង voice recognition ជាដើម។
សម្រាប់ប្រព័ន្ធមុខងារសុវត្ថិភាពវិញ Changan UNI-Z បានបំពាក់នូវប្រព័ន្ធជំនួយការបើកបរកម្រិត level 2 advanced driving assistance system ដែលប្រព័ន្ធនេះមានរួមបញ្ចូលនូវមុខងារសំខាន់ៗជាច្រើនដូចជា lane departure/forward collision warning, automatic emergency braking, lane centering assist, traffic sign recognition, និង adaptive cruise control ផងដែរ។ ចំនែកម៉ូដែល High-End Option វិញមានបំពាក់មុខងារកៅអីដូចជា electric adjustment, ventilation, and heating បន្ថែមពីលើមុខងារ headrest នៅលើកៅអីម៉ូដែលស្តង់ដារ។
Changan UNI-Z បានបំពាក់នូវប្រព័ន្ធ Blue Whale iDD plug-in hybrid system ភ្ជាប់នៅលើម៉ាស៊ីនចំនុះ 1.5L Engine និងមានម៉ូទ័រអគ្គិសនីមួយសម្រាប់ធ្វើជាប្រព័ន្ធ E-CVT។ ម៉ាស៊ីន Hybrid របស់ Changan UNI-Z អាចផលិតកំលាំង 75kW និងកំលាំងរមូល 125Nm ខណៈម៉ទ័រអគ្គិសនីអាចផលិតកំលាំងបាន 158kW និងកំលាំងរមូល 330Nm ដែលធ្វើឲ្យរថយន្ត Hybrid SUV មួយនេះអាចជាន់ស្ទុះពី 0 ទៅ 100km/h ប្រើពេលប្រមាណ 7.4 វិនាទី និងអាចជាន់ល្បឿនលឿនបំផុត (Top Speed) ដល់ 180km/h។ ក្រៅពីនេះ Changan UNI-Z ក៏មានបំពាក់កញ្ចប់អាគុយប្រភេទ Lithium-Ion Phosphate Battery Package ទំហំ 18.4kWh។ បើតាមការបញ្ជាក់ពីស្ថាប័ន CLTC របស់ចិន Changan UNI-Z អាចបើកបរដោយប្រើថាមពលអគ្គិសនីសុទ្ធបានដល់ 125km៕