ក្រុមហ៊ុនផលិតរថយន្តអគ្គិសនីឈានមុខគេក្នុងលោក BYD ត្រូវបានគេដឹងថា បានត្រៀមខ្លួនធ្វើការដាក់តាំងបង្ហាញរថយន្តអគ្គិសនីប្រភេទ Pickup Truck EV ដំបូងរបស់ខ្លួនដែលមានឈ្មោះថា BYD Shark។ ក្រុមហ៊ុនបានធ្វើការបង្ហាញចេញរូបភាព teaser នៃរថយន្ត Pickup Truck របស់ខ្លួនរួចរាល់ហើយនៅមុនថ្ងៃនៃការដាក់តាំងបង្ហាញក្នុងព្រឹត្តិការណ៍ពិព័រណ៌រថយន្តប្រចាំឆ្នាំ 2024 Beijing Auto Show គ្រាន់តែក្រុមហ៊ុនមិនបានបង្ហាញលម្អិតពីគុណសម្បត្តិរបស់រថយន្តមួយនេះនោះទេ។
បើតាមរូបភាព Poster ដែលបានបង្ហាញមកនេះ គឺ BYD បានប្រើប្រាស់ពាក្យជាភាសាអង់គ្លេសជាជាងការប្រើជាភាសាចិន ក្នុងន័យនេះ គឺបានបង្ហាញថា BYD Shark ត្រូវបានរចនាឡើងសម្រាប់ទីផ្សារនាយសមុទ្ទ។ សម្រាប់ការឌីស្សាញរបស់ BYD Shark គឺត្រូវបានគេដឹងថា បានប្រើប្រាស់ប្រព័ន្ធគ្រោងឆ្អឹងប្រភេទ DMO Platform ដូចគ្នានឹងម៉ូដែល Fang Cheng Bao Bao 5 ដែរ។ ដោយប្រព័ន្ធគ្រោងឆ្អឹងប្រភេទ DMO នេះត្រូវបានរចនាឡើងសម្រាប់ការប្រើប្រាស់សម្រាប់រថយន្តបែប off-road ដែលមានបំពាក់នូវប្រព័ន្ធ DM-i និង DM-p របស់ BYD ផ្ទាល់ដើម្បីផ្តល់នូវប្រសិទ្ធិភាព និងសមត្ថភាពក្នុងការបើកបរកម្រិតខ្ពស់។ BYD Shark នឹងប្រើប្រាស់នូវប្រព័ន្ធ electric four-wheel-drive system ដែលនឹងមានសមត្ថភាពក្នុងការគ្រប់គ្រង់ទៅលើប្រព័ន្ធប៉ុងមុខ និងប៉ុងខាងក្រោយដើម្បីប្រសិទ្ធិភាពខ្ពស់ក្នុងការបើកបរបានគ្រប់ស្ថានភាព។
ប្រព័ន្ធគ្រោងឆ្អឹង DMO Platform ក៏ត្រូវបានរចនាឡើងសម្រាប់ប្រើជាមួយរថយន្តប្រភេទម៉ាស៊ីន Engine និងប្រព័ន្ធ Electric Hybrid System (HES) ដែលវាប្រើប្រាស់ជាមួយនឹងប្រព័ន្ធម៉ាស៊ីនចំនុះ 1.5T និង 2.0T longitudinal engines ដែលធ្វើការរួមគ្នាជាមួយប្រព័ន្ធ Xiaoyun plug-in hybrid system របស់ BYD។ សម្រាប់ BYD Shark ក៏ត្រូវបានគេដឹងថា នឹងប្រើប្រាស់នៅម៉ាស៊ីន Hybrid ចំនុះ 1.5T ដូចគ្នាម៉ូដែល Fang Cheng Bao Bao 5 ដែរ ដោយវាប្រើប្រាស់នូវប្រព័ន្ធប៊ិចសាំង high-pressure fuel injection system។ ម៉ាស៊ីន 1.5T នេះអាចបង្កើតកំលាំងបាន 143kW ឬ 194hp ខណៈដែរ 2.0T អាចផលិតកំលាំងបាន 180kW ឬ 245hp។ ហើយកម្រិតនៃការស៊ីសាំងវិញ គឺ 7.8L/100km និងអាចបើកបរបានចំងាយផ្លូវ 1,200km។
បន្ថែមពីនេះវាក៏បានបំពាក់នូវប្រព័ន្ធឈីប Silicon Carbide chip ដើម្បីធ្វើការគ្រប់គ្រង់ទៅលើប្រព័ន្ធ PHEV ដើម្បីធ្វើឲ្យដំណើរការប្រកបដោយប្រសិទ្ធិភាពខ្ពស់ថែមទៀតផង។ ចំនែកនៅផ្នែកខាងក្នុងរបស់ BYD Shark គឺមានការរចនាតុបតែងលម្អដូចគ្នាទៅនឹងម៉ូដែល Bao Bao 5 ដែរ ក្នុងនោះមានដូចជាអេក្រង់ Floating Instrument Screen និងអេក្រង់កម្សាន្ត Infotainment screen ដែលអាចបង្វិលបញ្ឈរ ឬផ្តេកបាន។ យ៉ាងណាមិញសម្រាប់គុណសម្បត្តិលម្អិតរបស់ BYD Shark Pickup Truck នេះ នឹងមានការទម្លាយនៅក្នុងព្រឹត្តិការណ៍ 2024 Beijing Auto Show ក្នុងសប្តាហ៍នេះ។ ដោយឡែកសម្រាប់ការចេញលក់វិញ ត្រូវបានគេរំពឹងថា នឹងធ្វើឡើងនៅមុនដំណាច់ឆ្នាំ 2024 នេះ៕
