កាលពីយប់ថ្ងៃទី 15 ខែសីហា កន្លងទៅនេះ ក្រុមហ៊ុន អ អិម អេ ខេមបូឌា បានប្រកាសដាក់សម្ពោធជាផ្លូវការនូវវត្តមាននៃកំពូលរថយន្ដទំនើបម៉ាក Land Rover ម៉ូដែល ALL-NEW DISCOVERY ស៊េរី 2017 មកពីចក្រភពអង់គ្លេសនៅក្នុងទីផ្សារប្រទេសកម្ពុជា ដែលពិធីនេះ បានប្រារព្ធធ្វើឡើងនៅអគារតាំងលក់រថយន្ដ Jaguar Land Rover របស់ក្រុមហ៊ុន អ អិម អេ ខេមបូឌា តាមបណ្តោយមហាវិថីសហព័ន្ធរូស្ស៊ី ក្រោមវត្តមានភ្ញៀវកត្តិយសជាច្រើនរូប។
តាមប្រសាសន៍របស់លោក អ៊ូល ហ្សេបេកឺ (Ulf Sebecke) នាយកគ្រប់គ្រងទូទៅរបស់រថយន្ដ Jaguar Land Rover ប្រចាំប្រទេសកម្ពុជា បានថ្លែងក្នុងពិធីសម្ពោធនៃ ALL-NEW DISCOVERY 2017 ថា នៅក្នុងនាមជាអ្នកចែកចាយផ្ដាច់មុខនូវរថយន្ដ គ្រឿងតុបតែ និងគ្រឿងបន្លាស់សុទ្ធ របស់ Jaguar Land Rover លោកពិតជាមានអារម្មណ៍រំភើបរីករាយយ៉ាងខ្លាំង ក្នុងការណែនាំជាផ្លូវការនូវរថយន្ដប្រភេទ SUV បច្ចេកវិទ្យាចុងក្រោយ ម៉ូដែល the All-New Land Rover Discovery ស៊េរី 2017 មកកាន់ព្រះរាជាណាចក្រកម្ពុជា។ រថយន្ដ ALL-NEW DISCOVERY នេះ គឺជាកេរ្ដិ៍តំណែលរបស់ម៉ាក Land Rover ដែលត្រូវបានគេស្គាល់ទូទាំងពិភពលោកថាជារថយន្ដបែបខ្ពស់ (SUV) ដែលមានសមត្ថភាពខ្ពស់បំផុត។
រថយន្ដ ALL¬-NEW DISCOVERY ជាជំនាន់ទី 5 របស់ត្រកូល Discovery គឺជារថយន្តថ្មី ដែលសាកសមបំផុតសម្រាប់អ្នកដែលស្រលាញ់រថយន្ដប្រភេទ SUV និងតម្រូវគ្រប់ស្ថានភាពផ្លូវក្នុងប្រទេសកម្ពុជា។ រថយន្តនេះ ត្រូវបានរចនាឡើងយ៉ាងស្រស់ស្អាត ជាមួយនឹងបច្ចេកវិទ្យាចុងក្រោយគេបង្អស់របស់ Land Rover។ ជាពិសេសទៀតនោះ គឺរថយន្តថ្មីមួយនេះ អាចជិះបានយ៉ាងទូលាយដល់ទៅ 7 អ្នកឯណោះ មានភ្ជាប់នូវរន្ធដោត USB ដល់ទៅ 9 និងអាចផ្ទុក iPad បានដល់ទៅ 6 គ្រឿង។
ដើម្បីធ្វើការបើកបរសាកល្បងនិងជាវរថយន្តដ៏ប្រណិតមួយណាដែលលោកអ្នកពេញចិត្តឥលូវនេះ សូមអញ្ជើញមកកាន់អគារតាំងលក់រថយន្ត Jaguar Land Rover ។ ព័ត៌មានលម្អិតពីរថយន្តប្រណិត Jaguar និង Land Rover មាននៅមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ សូមទំនាក់ទំនង៖ 023 888-811 / 070 999-111 គេហទំព័រ ផ្លូវការ៖ www.landrovercambodia.com ទំព័រ Facebook ផ្លូវការ៖ Land Rover Cambodia ទំព័រ Instagram ផ្លូវការ៖ @LandRoverCambo។
