កាលពីថ្ងៃទី 12 ខែសីហាឆ្នាំ 2017 នេះ មជ្ឈមណ្ឌលនាឡិកាស្វីស និងជប៊ុន ដែលមានទីតាំងនៅខាងកើតផ្សារធំថ្មី ចំងាយ 30 ម៉ែត្រ ដែលជាក្រុមហ៊ុននាំចូលនាឡិកាម៉ាកល្បីៗ មកពីប្រទេសស្វីស និងជប៉ុន និងមានប្រវត្តិជាយូរមកហើយនៅក្នុងប្រទេសកម្ពុជា បានប្រកាសថា ក្រុមហ៊ុន នឹងធ្វើការបង្ហាញចេញនាឡិកាដៃម៉ូដែលថ្មីម៉ាក G-SHOCK BMX GA-710 សំរាប់ទីផ្សារប្រទេសកម្ពុជា ដែលពិធីនេះបានប្រារព្ធធ្វើឡើងនូវនៅហាង CASIO ទីតាំងផ្ទះ លេខ B05 ខាងស្តាំដៃស្ពានហង្សកោះពេជ្រ។
តាមការបញ្ជាក់របស់ក្រុមហ៊ុន Casio បានឲ្យដឹងថា នាឡិកាម៉ូដែលថ្មីG-SHOCK BMX GA-710 នេះគឺជាម៉ូដែលថ្មី ដែលផលិតតាមបច្ចេកវិទ្យាទំនើបចុងក្រោយនិងទាន់សម័យបំផុតនិងមានច្រើនម៉ូដែល សម្រាប់យុវវ័យ នារីនិងមនុស្សចាស់ ពិសេសមានសម្រាប់អ្នកកីឡាផងដែរ។ G-SCHOK GA-710 ត្រូវបានរចនាឡើងយ៉ាងស្រសស្អាតនិងមានការធានារាប់ឆ្នាំទៀតផង។
លោក គួច ណាវ អគ្គនាយកប្រតិបត្តិមជ្ឈមណ្ឌលនាឡិកាស្វិស និងជប៉ុន បានឲ្យដឹងថា ចាប់តាំងពីចាប់ដំណើរការមក មជ្ឈមណ្ឌលនាឡិកាស្វីសបាននាំយកនាឡិកាម៉ាកល្បីៗមកពីប្រទេសស្វីស និងជប៉ុន មកលក់នៅកម្ពុជា ដោយមានការគាំទ្រយ៉ាងច្រើនពីអតិថិជន។ ហើយពីមួយឆ្នាំទៅមួយឆ្នាំមជ្ឈមណ្ឌល បានបើកសាខាជាច្រើនកន្លែងនៅតាមទីផ្សារទំនើបៗ មានដូចជាមណ្ឌលកោះពេជ្រ សណ្ឋាគារណាហ្គា ផ្សារទំនើបអ៊ីអន ធនាគារកាណាឌីយ៉ា ហើយនៅថ្ងៃទី 8 ខែកញ្ញានេះ ឆ្នាំ 2017ខាងមុខនេះ នឹងមានពិធីបង្ហាញដ៍ធំមួយនៅផ្សារទំនើបអ៊ីអនម៉ល។ ហើយដើម្បីជាការលើកទឹកចិត្តដល់អតិថិជន ដែលបានចូលរួមក្នុងការបង្ហាញនាឡិកាម៉ាក G-SCHOK GA-710 ក្រុមហ៊ុន ក៏បានបង្ករភាពសប្បាយរីករាយដោយការចូលរួមពីតារានិងក្រុម DJ ល្បីៗ ច្រៀងជាភាសាខ្មែរនិងអង់គ្លេស DJ Parker Jones Show មកពីអាមេរីក និងក្រុមសំដែងក្បាច់រាំ Hip Hip ព្រមទាំងមានធ្វើការចាប់រង្វាន់នាឡិកាដល់ភ្ញៀវដែលចូលរួមផងដែរ៕
