no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Nokia ប្រកាសបន្តផ្តល់ជូននូវប្រូម៉ូសិនពិសេសទៅលើទូរស័ព្ទ Nokia 6 និង Nokia 6 (2018) ដល់ប្រិយមិត្តនៅកម្ពុជា

បន្ទាប់ពីបានប្រកាសចេញនូវវប្រូម៉ូសិនពិសេសទៅលើទូរស័ព្ទដៃ Nokia 6 និង Nokia 6 (2018) ជូនដល់អតិថិជននៅកម្ពុជា នៅមុនព្រឹត្តិការណ៍បុណ្យអុំទូកកន្លងទៅនេះ ក្រុមហ៊ុន Nokia នៅថ្ងៃនេះ បានប្រកាសថា ខ្លួននៅតែបន្តផ្តល់ជូននូវប្រូម៉ូសិនពិសេសទៅលើ Nokia 6 និង Nokia 6 2018 ដដែលសំរាប់អតិថិជនទាំងអស់នៅគ្រប់ហាងលក់ទូរស័ព្ទដៃទូទាំងប្រទេស ដើម្បីជាលើកទឹកចិត្ត ក៏ដូចជា ការបង្កើននូវប្រជាប្រិយភាពរបស់ខ្លួនអោយបានកាន់តែខ្លាំងថែមទៀតពីសំណាក់ប្រជាជនកម្ពុជា។ ក្រុមហ៊ុន Nokia នៅតែមានបន្តការលក់ការបញ្ចុះតម្លៃដ៏ពិសេសនេះសម្រាប់ស្មាតហ្វូនទាំងពីរម៉ូដែលនេះ ដោយ Nokia 6 គឺមានតម្លៃត្រឹមតែ $199 ប៉ុណ្ណោះ ដែលតម្លៃពីមុនគឺ $229។ រីឯ Nokia 6 (2018) ចុះតម្លៃមកត្រឹមតែ $219 តែប៉ុណ្ណោះ ដែលតម្លៃពីមុនគឺ $249។

គួរបញ្ជាក់ថា Nokia 6 គឺជាស្មាតហ្វូនដំបូងគេ ដែលបានធ្វើអោយ Nokia មានឈ្មោះបោះសម្លេងសារឡើងវិញ បន្ទាប់ពីផ្តាច់ខ្លួនពី Microsoft។ ស្មាតហ្វូននេះ មានអេក្រង់ទំហំ 5.5’’ IPS LCD (16:9) ការពារដោយកញ្ចក់  Corning Gorilla Glass អាចបង្ហាញនូវកម្រិតភាពច្បាស់ Full-HD 1080p។ កម្លាំងម៉ាស៊ីនរបស់ស្មាតហ្វូននេះ គឺល្មមនឹងប្រើប្រាស់ ដោយសារវាមានថាមពលថ្មទំហំ 3000mAh និងមានរ៉េមទំហំ 3GB ហើយនិងមានអង្គចងចាំទំហំ 32GB និងអាចបន្ថែមកាត microSD បានទំហំ 128GB។ បើទោះបីជា Nokia 6 ដំណើរការលើបន្ទះឈីប Snapdragon 430 មែនប៉ុន្តែក្រុមហ៊ុននេះ បានធ្វើការគិតគូរយ៉ាងខ្លាំងទៅលើល្បឿន និងក្រាហ្វិកកាត ដើម្បីជាការប្រជែងជាមួយនឹងស្មាតហ្វូនចិនដែលមានតម្លៃប្រហែលគ្នា។

ស្មាតហ្វូន Nokia នេះ គឺមានភ្ជាប់នូវ សេវា Google Drive ដែលអាចអោយលោកអ្នកទុកដាក់ឯកសារបានច្រើនផងដែរ។ អ្វីដែលពិសេសគឺ Nokia 6 ប្រើប្រាស់នូវប្រព័ន្ធសំឡេង Dual Speakers ជាមួយនឹង Dolby Atmos ដែលផ្តល់នូវគុណភាពសំលេងពិរោះរណ្តំចិត្ត ហើយអ្នកអាចស្តាប់តាមរយៈរន្ធដោតកាស 3.5mm បានផងដែរ។ Nokia 6 មានកាមេរ៉ាខាងក្រោយទំហំ 16MP មានកម្រិត Aperture f/2 អរមកជាមួយ Dual Tone Flash និងមានកាមេរ៉ាខាងមុខទំហំ 8MP ដែលមានកម្រិត Aperture f/2 ដែលផ្តល់នូវភាពងាយស្រួលក្នុងការថតរូបភាព Selfie និងវីដេអូខល។  ស្មាតហ្វូននេះមានការតរភ្ជាប់ដោយ USB 2.0Wi-Fi, Bluetooth 4.1 និងការទ្រទ្រង់ NFC ផងដែរ។  

សម្រាប់ Nokia 6 (2018) គឺមានភាពខុសប្លែកពីស្មាតហ្វូន Nokia 6 ដំបូង ដែលភ្ជាប់ជាមួយបន្ទះឈីប Snapdragon 430 សម្រាប់ស្មាតហ្វូន Nokia 6 (2018) នេះ មានការពង្រឹងប្រើប្រាស់បន្ទះឈីប Snapdragon 630 2.2GHz octa-core និងមានរ៉េមទំហំ 3GB និងអង្គចងចាំ 32GB។ ចំពោះរូបរាងរបស់ Nokia 6 (2018) គឺមានលក្ខណះសម្បតិ្តមិនមានការផ្លាស់ប្តូរអ្វីច្រើននោះទេ ដោយសារតែស្មាតហ្វូននេះ នៅតែប្រើប្រាស់នូវកាមេរ៉ាខាងក្រោយទំហំ 16MP និងកាមេរ៉ាខាងមុខទំហំ 8MP ដដែល។ គ្រាន់តែមាបបន្ថែមនូវមុខងារ Bothie mode ប៉ុណ្ណោះ ។

អ្វីដែលចាប់អារម្មណ៏នោះគឺ ស្មាតហ្វូន Nokia 6 (2018) នេះ មិនមានភ្ជាប់ជាមួយនឹងប៊ូតុង Home ដូចទៅនឹងម៉ូដែលជំនាន់មុននោះទេ ប្រព័ន្ធស្កេនក្រយ៉ៅដៃ គឺត្រូវផ្លាស់ប្តូរទៅប្រើប្រាស់នៅផ្នែកខាងក្រោយវិញ។ ស្មាតហ្វូននេះ នៅតែបំពាក់ននូវអេក្រង់ទំហំ 5.5 អ៊ីង កម្រិត 16:9 ដដែល តែអាចបង្ហាញរូបភាព និងវីដេអូបានជាមួយកម្រិតភាពច្បាស់ Full HD 1080p។ Nokia 6 (2018) ត្រូវបានតរភ្ជាប់ដោយរន្ធ USB Type C និងមានបំពាក់មកជាមួយនូវបច្ចេកវិទ្យាសាកថ្មលឿន Fast Charging ហើយនិងអាចធ្វើបច្ចុប្បន្នភាពទៅកាន់ប្រព័ន្ធប្រិត្តិការណ៍ថ្មី Android Pie ថែមទៀតផង៕ 

 

no-alternative title
ព័ត៌មានពាណិជ្ជកម្ម